விரியும் சிறகுகள்

தேசிகாய் ஊறுகாய்

2011-07-08T20:06:00.014-05:00

தேவையான பொருட்கள்

1. இறாத்தல் (lb) மெக்சிக்கன் தேசிக்காய்/ எலுமிச்சம் காய்
(ஊரில் உள்ள தேசிக்காய்களிலும் சிறிது, கனடாவில் Key lime என்ற பெயரில் ஒரு இறத்தல் பைகளில் கிடைக்கும், இது கிடைக்காவிட்டால் பெரிய தேசிகாயை பாவிக்கலாம்)

Key lime image from : http://pintsizebaker.com/key-lime-pie

2 . மேசை உப்பு - 1 1 /2 கப்

3 . மஞ்சள் போடி - 3 மேசை கரண்டி

4 . 600 மில்லி லிட்டர்/ 1 லிட்டர் கொள்ளளவு உள்ள வாய் அகன்ற, இறுக்கமான மூடி உடைய கண்ணாடி போத்தல் (pasta souse போத்தல் பொருத்தமாக இருக்கும்)

5 . பேக்கிங் தட்டு (Baking tray) , மெழுகு கடதாசி (Parchment paper)

6 . 20 சாதாரண/பெரிய தேசிகாய் ( இது 3 கிழமைகளின் பின் தான் தேவைப்படும் )

செய்முறை

1. மெக்சிக்கன் தேசிகாய்களை குளிர் நீரில் 2 முறை கழுவி உலர விடவும் ( ஒரு துளி நீரும் தேசிக்காய்களின் மேல் இருக்க கூடாது.

2. உப்பையும் மஞ்சள் பொடியையும் ஒரு பத்திரத்தில் இட்டு நன்கு கலக்கவும்.

3. தேசிகாய்களை நான்காக பிளக்கவும், பிளக்கும் போது கவனம் தேவை, நன்கு துண்டுகளும் தனியே வரக்கூடாது , அடிப்பகுதியில் நான்கு துண்டுகளும் இணைந்து இருக்க வேண்டும்.

4. உப்பு-மஞ்சள் கலவையை நான்காக பிளந்து வைத்த தேசிக்கய்களுக்குள் நிரப்பவும்/ அடையவும். உப்பு-மஞ்சள் கலவை தேசிக்காய்களின் அடிப்பகுதி வரை செல்ல வேண்டும்.

5. உப்பு-மஞ்சள் கலவை நிரப்பிய தேசிகாய்களை போத்தலினுள், (உப்பு-மஞ்சள் கலவை வெளியே கொட்டுப்படதபடி) கவனமாக நிரப்பவும்.

6. நிரப்பிய போத்தலை இறுக்கமாக மூடி 3 கிழமைகள் வைக்கவும். மூன்று கிழமைகளில் தேசிக்காய் நிறம் மாறி, வெளியே தேசிகாய் சாறு, கசிந்து வந்திருக்கும்.

7. 3 கிழமைகளின் பின் தேசிக்கய்களை போத்தலில் இருந்து கைபடாமல், கரண்டி முலம் ஒவ்வொன்றாக எடுத்து மெழுகு கடதாசி விரித்த பேக்கிங் தட்டில் பரப்பவும். போத்தலில் இருக்கும் சாறை இறுக்கமாக மூடி வைக்கவும்.

8. oven ஐ 76 பகை செல்சியசில் (170 F ) இற்கு சூடாக்கவும்.

9. தட்டில் பரப்பிய தேசிகாய்களை சூடாக்கிய oven 5 மணி நேரம் உலர வைக்கவும், பின் வெளியே எடுத்து பின் தேசிகாயின் நான்கு பிளந்த பகுதிகளையும் பிரித்து மேலும் ஒரு 6 - 8 மணி நேரம் உலரவைக்கவும்.

10 . 20 பெரிய தேசிகாய்களை கடையில் சென்று வாங்கவும்.

10 . தேசிக்காய் காய்ந்த பின் நான்கு துண்டுகளையும் தனியே பிரிக்கவும், (கையால் நான்கு துண்டுகளையும் உடைக்க துண்டுகள் உடையும் சத்தம் கேட்க வேண்டும் இல்லை என்றால் மேலும் 1 - 2 மணிநேரம் உலர வைக்கவும்).

11 . உடைத்த துண்டுகளை முன்னர் தேசிகாய் ஊற வைத்த (சாறு இருக்கும்) போத்தலினுள் போட்டு நிரப்பவும்

12 . 20 தேசிகாய்களையும் சாறு பிழிந்து காய்ந்த தேசிக்காய் போட்ட போத்தலினுள் விட்டு போத்தலை இறுக்கமாக மூடி மேலும் ஒரு கிழமை வைக்கவும்.

13 . இப்போ ஊறு காய் தயார்.

இந்த ஊறு காயை அறை வெப்பநிலையில் ஒரு வருடம் வரை வைத்துருக்கலாம். குளிருட்ட தேவையில்லை.

குறிப்பு:
1. ஊறுகாய் உலர/ கைய விடும் போது தொடர்ச்சியாக 10 மணி நேரம் வைக்க வேண்டியதில்லை. ஒருநாள் 5 மணி நேரம்,மறுநாள் 5 - 7 மணிநேரம் வைக்கலாம். ஆட்கள் யாரும் இல்லாத நேரம் oven ஐ பாவிக்க கூடாது என்பார்கள். oven ஐ நிப்பாட்டிய பின் மறுநாள் சூடாக்கும் வரை தேசிக்காய்களை oven உள்ளேயே வைத்திருக்கலாம்.

2 . ஊரில் சூரிய ஒளியில் உலர வைப்பார்கள், நான் இருப்பது தொடர் மாடி குடியிருப்பு, பல்கனி இல்லை. அதனால் தான் oven இல் உலர வைத்தேன். சூரிய ஒளியில் உலர வைக்க வசதியிருப்பவர்கள் சூரிய ஒளியில் உலர வைக்கலாம். ஆனால் சூரிய ஒளியில் உலர குறைந்தது 5 - 6 நாட்கள் எடுக்கும் என நினைக்கிறேன்.

நாம் எதை உண்கிறோம்? எவ்வளவு உண்கிறோம்? பகுதி 1?

2009-09-23T20:34:00.015-05:00

உணவு, உடை, உறையுள் இம்மூன்றும் மனிதனின் அடிப்படைத்தேவைகள். இவற்றில் உணவு ஏனைய இரண்டையும் விட அதி அத்தியாவசியமானது. நாம் எப்படிப்பட்ட உணவை உண்கிறோம், எவ்வளவு உண்கிறோம் என்பதில் எமது உடல் நலன் தங்கியுள்ளது.

உணவு, அவற்றின் ஊட்டச்சத்துக்கள், எந்த வகையான உணவுகள் உடலுக்கு அதிகம் நன்மை தருவன, எப்படிப்பட்ட உண்வை நாம் தவிர்க்க வேண்டும்? என்பனவற்றி தெளிவான அறிவு எம்மிடையே இருக்கிறதா? இந்த கேள்விகளுக்கு ஆம் இல்லை என நான் ஒரு பதிலை சொல்வதிலும், வாசிக்கும் ஒவ்வோருவரும் உங்களை நீங்களே கேட்டுகொள்ளுங்கள்.

ஊரில் உள்ள ஒரு சிலரின் கணிப்பில் உடல் மெலிவாக இருக்க கூடாது, உடல் மெலிவாக/ அல்லது ஒருவரின் வயதுக்கும், உயரத்தும் ஏற்ற நிறையில் இருப்பவர்களை பார்த்து சிலர் கேட்கும் கேள்வி என்ன ஒழுங்காய் சாப்பிடுறேல்லியோ என்பதாக தான் இருக்கும். என்னையே பலர் பல முறை கேட்டுள்ளார்கள். சிறுவயது முதலே நான் மரக்கறி உணவுகளும், பாலும் மட்டுமே உட்கொண்டு வந்துளேன். ஒரு கட்டத்தில் முட்டை சாப்பிட பழகினேன். அதற்கு அப்பால் போனதில்லை. நான் மெலிவாக இருப்பதாக சுட்டிய பலர், உப்பிடியே மெலிஞ்சு போய் இருக்கிறதுக்கு, ஏன் இறைச்சி மீன் என்பவற்றை சாப்பிட்டு உடலை தேற்ற சொல்லியும் ஆலோசனை சொல்லுவார்கள். அப்படி கேட்பவர்கள் அளவுக்கு அதிகமாக உண்டு, உடல் கொழுத்து, உடல் கொலஸ்திரோல் அளவு கூடி அதற்கு மருந்து உட்கொள்வர் அல்லது சலரோகம்/ நீரிழிவு நோய்க்கு மருந்து உட்கொள்வர். இந்நோய்கள் எல்லாம் கணக்கு வழக்கின்றி உண்டதன் விளைவு என்பதை ஏனோ சிந்திப்பதில்லை என்று சொல்வதிலும், அவர்களுக்கு எந்த உணவுகள் உடலுக்கு நல்லவை, எவை பாதகமானவை எனும் போதிய அறிவின்மை தான் காரணம் என நினைக்கிறேன்.

அதற்காக இறைச்சி, மீன் என்பவை உடல் நலனுக்கு உகந்ததல்ல என்று சொல்லவில்லை. ஆனால் இறைச்சி, மீன் முட்டை என்பவற்றை எவ்வளவு உண்கிறோம் என்பதில் தான் பிரச்சனையே உள்ளது.

இணையத்தில்/வலைப்பதிவில் எழுதும் பலரும் ஆங்காங்கு எழுதியதில் இருந்தும், நேரடியாக நண்பர்கள், உறவினர்களுடன் உரையாடும் போதும் கேட்டவற்றில் இருந்து

இறைச்சி, மீன் கறி இருந்தால் சந்தோசமாக சாப்பிடுவோம், அதிகம் சாப்பிடுவோம்.
இறைச்சி/ மீன் கறி இருந்தால் வேற கறி ஒண்டும் தேவையில்லை.
மரகறிச் சாப்படு கண்ணிலையும் காட்ட கூடா
மரக்கறி சமையல் எண்டா 2-3 கறி வைக்க வேணும். அதாற்கு நிறைய நேரம் எடுக்கும். ஆனால் இறைச்சி/ மீன் எண்டா ஒரு கறியோட வேலை முடிஞ்சுது.
மரக்கறி சாப்பிட்டா வயிறு முட்டா கிடக்கும்.
...

.....

இப்படி பல கருத்துக்கள்.

உடல் நல ரீதியாக பார்த்தால் தனியே இறைச்சியும் சோறும் உண்பது உடல் நலனுக்கு உகந்ததல்ல.

ஊரில் இருக்கும் போது எனக்கு மிக நெருக்கமான உறவினர்கள், கொஞ்சம் வசதியானவர்களும் கூட. வாரத்தில் 5 நாட்கள் அவர்கள் வீட்டில் மீன் இறைச்சி போன்ற உடனவுகள் இருக்கும். கொழி இறைச்சி கறி, மீன் கறி,மீன் பொரியல் இறால் பொரியல் என எல்லாம் ஒரே நாளில் இருக்கும் இப்படியே சாப்பிட்டு அந்த வீட்டின் ஆண்களில் பலருக்கும் 42 + inches இல் தான் காற்சட்டை இருக்கும், சேட், அல்லது ரீ சேட் வந்த வேணும் என்றால் XXL அளவில் இருக்க வேண்டும். ஒரு கட்டத்தில் உடல் பருமனை தாங்க மாட்டாமலும் அதி உயர் குருதி அழுத்தம் காரணமாக அவர்களாகவே உணவு பழக்கத்தில் மாற்றம் கொண்டு வந்தார்கள்.

படம் பெறப்பட்டது : http://www.tampabay.com/features/food/

இதை ஏன் சொல்கிறேன் என்றால் எந்த கவனமும் இல்லாமல், எங்களிடம் போதுமான வசதியிருக்கிறது ஆகவே மேலே சொன்னது போல் உண்பது தான் மதிப்பு என நினைத்து அளவுக்கு அதிகமாக உண்டு, பணக்கார வருத்தங்கள் என்று சொல்கிற உயர் இரத்த அழுத்தம், நீரிழிவு/சலரோகம் போன்றவற்ரை வாங்கி, அதன் காரணமாக பல உணவுகள் உண்ன முடியாது போய் வாயை கட்டி வைத்திருப்பதிலும் நாளாந்தம் என்ன உண்கிறோம், எவ்வளவு உண்கிறோம் என்பதை கவனித்து செயற்படுவது வாழ் நாள் பூராகவும் அனைத்து உணவுகளையும் எந்தவித பிரச்சனையும் இன்றி உண்ண வழிசமைக்கும்.

எவ்வாறு உணவு பழக்கத்தை மறு சீரமைக்க வேண்டும் என்பதை பார்க்க முதல்

எமது உடல் நிறை சரியான அளவில் இருக்கிறதா? அல்லது குறைவாக இருக்கிறதா? அல்லது சற்று அதிகமாக இருக்கிறதா? மிக அதிகமாக இருக்கிறதா? இதை எவ்வாறு கணக்கிடுவது?

எமது உடல் நிறை சரியாக இருக்கிறதா இல்லையா என்பதை கணிக்க உடல் திணிவு சுட்டி பயன்படுகிறது (Body Mass Index -BMI)

உடல் திணிவு சுட்டியை எவ்வாறு கணிப்பது?

மிக சுலபம்.

உடல் திணிவு சுட்டி = உடல் நிறை (கிலோ கிராமில்)/ {உடல் உயரம் * உடல் உயரம் (மீற்றரில்)}

அதாவது உங்கள் உடல் நிறையை (கிலோ கிராமில்) உங்கள் உயரத்தின் (மீற்றரில்) வர்க்கத்தினால் பிரிக்கும் போது வரும் இலக்கம் தான் உடல் திணிவுச்சுட்டி.

உங்களுக்கு கணிக்க சிரமமாக உள்ளதா இந்த இணையத்தில் உங்கள் உயரத்தையும், நிறையையும் கொடுத்து உங்கள் உடல் திணிவு சுட்டியை பெற்றுக்கொள்ளுங்கள்.

இந்த உடல் திணிவு சுட்டியின் அளவை கொண்டு உடல் நிறை பிரிவுகளை வகுத்துள்ளனர்.

மிக குறைவான உடல் நிறை = <16.5

குறைவான உடல் நிறை = 16.5 - 18.5

சாதாரணம் = 18.5- 25

கூடிய உடல் நிறை = 25- 30

அதி கூடிய உடல் நிறை வகுப்பு I(Obese Class I) = 30-35

அதி கூடிய உடல் நிறை வகுப்பு II (Obese Class II)= 35 - 40

அதி கூடிய உடல் நிறை வகுப்பு III (Obese Class III)= > 40

உங்கள் உடல் திணிவு சுட்டி 25 க்கு அதிகமாக போய்க்கொண்டிருக்கிறது என்றால் நீங்கள் வேண்டா விருந்தாளிகளான உயர் இரத்த அழுத்தம், நீரிழிவு போன்ற நோய்களை இலகுவில் பெற்று கொள்ளும் திசை நோக்கி போய்கொண்டிருக்கிறீர்கள் என்று அர்த்தம்.

உணவு பழக்கத்தை மறுசீரமைப்பது சற்று சிரமானது போல் தோன்றினாலும் உடல் நலனை, உணவை அளவுக்கதிகமாக உண்டு அதன் காரணமாக வரும் நோய்களின் பின் சில உணவுகளை முழுமையாக உண்ணாது நிறுத்துவதிலும் அளவோடு உண்ண முயல்வது மேல்.

பொதுவாக உணவு பழக்கத்தை மறுசீரமைக்க ஒரு அடிப்படை உதாரணமாக உணவு கூம்பகம்/ Food Pyramid ஐ உதாரணமாக காட்டுவர். உணவு பிரமிட் எந்த உணவுகள் அதிகம் உண்ண வேண்டும் எவற்றை குறைவாக உள்ளெடுக்க வேண்டும் என்பதை பருமட்டாக விளக்கும் ஒரு அமைப்பாகும். இந்த உணவு பிரமிடில் உள்ளடக்கப்படும் உணவுகளில், மற்றும் அவற்றை எந்த அளவுக்கு உண்ண வேண்டும் அட்டவணைபடுத்துவதில் நாடுகளுக்கு நாடு வேறுபாடுகள் உண்டு.

உதாரணமாக ஒரு உணவு கூம்பகம்/ Food Pyramid:

படம் பெறபட்ட இணையம் : http://www.ndlabs.com/weight_management

இதிலே சொல்லப்பட்ட பரிமாறல்(Serving) எனும் அளவு எவ்வளவு என்பதையும், குறிப்பிட்ட உணவுகளில் நாளாந்தம் எவ்வளவு உண்ண வேண்டும் என்பதையும் மேலும் தெளிவாக அடுத்த பதிவில் பார்க்கலாம்

நான் எழுதி கிழிச்ச கதை......

2009-09-15T19:37:00.005-05:00

வலைப்பதிவு எழுத வந்த கதை தொடர் விளையாட்டு எங்க தொடங்கி எங்க நிக்குதெண்டு தெரியேல்லை. சினேகிதி என்னையும் அந்த விளையாட்டுக்கு கூப்பிட்டுருக்கிறன் எண்டு மின்னஞ்சல் போட்டு, அரட்டையிலும் வந்து அறிவிச்சிருந்தா. போன ஞாயிற்று கிழமைக்கு பிறகு தான் எழுதேலும் எண்டு சொன்னான் ஆனாலும் சொன்ன மாதிரி எழுத ஏலாம போச்சு. சினேகிதி என்ன சொன்ன மாதிரி எழுதேல்லை எண்டும் வந்து கேட்டு போட்டா.

உண்மைய சொல்ல போனா இந்த தொடர் விளையாட்டுகள் தொடங்கினபோது என்னையும் ஆரும் கூப்பிட மாட்டினமோ எண்டெல்லாம் நினைசிருக்கிறன். ஆனா போக போக அதிலை பெரிசா ஆர்வம் இல்லம போனதோடா, ஆரும் உந்த தொடர் விளையாட்டுகளுக்கு ஒரு கிறீட்ட இடம் நிரப்புற மாதிரி ஒரு ரெம்பிளடை உருவாக்கின நல்லம் போலை இருக்கும். பேசாம அந்த இடைவெளியளை எங்கடை விசயங்களை போட்டு நிரப்பி போட்டு போகலாம். நல்ல சுகமான வேலை.

நான் வலைப்பதிய வரமுதல் ஒரு சில பதிவர்கள் சொன்னது போல ஆரம்பத்திலை இணையத்திலை தமிழ் எழுதி பழகின இடம் யாழ் இணையம். ஊரிலை இருந்த போது கருத்துகளம், வலைபதிவு எண்டது பற்றியெல்லாம் ஒண்டும் தெரியா. வேலை செய்ய போன இடத்திலை மின்ஞ்சல்கள், மேல படிக்கிறதுக்கு இடம் தேடுறதுக்கும் போற நேரம் யாழ் இணையம் எதேச்சைய பார்வையிலை வந்துது. அதிலை சின்னப்பு ஹரி எண்டு சில பேர் நல்ல முசுப்பாத்தியா கருத்துக்கள் எழுதியிருக்கிறதை வசிச்சு சிரிச்சு போட்டு போறது, ஆனா அதிலை போய் நானும் இணையலாம், கருத்தெழுதலாம் எண்டெல்லாம் தெரியா. அதோட அதுக்கு மினக்கெடவும் நேரம் இருக்கேல்லை. புலம் பெயர்ந்து வந்தாபிறகு சொந்தமா கணனியும் வாங்கி, ஓசிலை இணைய இணைப்பும் கிடைச்சா பிறகு இரவுகளிலை தனிய இருந்து பொழுது போக்காட்டேலாம, யாழ் இணைய பக்கம் போக தொடங்கி பதிஞ்சு முதாலாவது கருத்து எழுதுறேக்கிடையிலை போதும் போதும் எண்டாகி போச்சு. அப்ப யாழ் இணையம் ஒருங்குறி பாமினியிலை இயங்கினது, எழுதுறேக்கு பாமினி மின் விசைபலகை தெரிஞ்சிருக்க வேணும். ஊரிலை இருக்கேக்கை வேலைக்காக பாமினி பாவிச்சு தட்ட்ச்சியிருந்தாலும் ஒவ்வொரு எழுத்தா தெடித்தேடி தான் எழுதின்னான். யாழிலை எழுத தொடங்கேக்கை எழுத கரைச்சல் பட்டாலும் யாழிலை கருத்தெழுதுற இடத்துக்கு மேலை பாமினி விசைப்பலகையின்ர படம் இருந்ததாலை பாத்து பாத்து எழுதி ஒரளவுக்கு பாமினி விசைப்பலகை பழக்கத்துக்கு வந்திருந்திச்சு. ஒரு கட்டத்திலை சுரதா கீ மான் மென் பொருள் பற்றியும் யாழ் இணையத்திலை அறிமுகம் கிடைச்சுது, அதிலை ஆங்கிலத்திலை Amma எண்டு எழுத தமிழிலை ஒருங்குறிலை அம்மா எண்டு மொழிமாற்றி வரக்கூடிய தட்டச்சு வசதி இருந்த்திச்சு. எனக்கு பாமினிலை எழுத்தை தேடி தேடி தட்டுறதிலும், Romanished to Unicode தமிழ் கீமான் விசைப்பலகை இலகுவா இருந்திச்சு அதையே பாவிச்சு எழுதவும் தொடங்கீட்டன்.

சினேகிதி சொன்ன ஒழுங்க தலை கீழ மாத்தி போட்டன் போல சரி எப்பிடி எழுதினா என்ன வலைபதிய வந்த கதை எழுதினா சரி தானே.

யாழிலை எழுதி கொண்டிருக்கேக்கை வலைப்பூ/ வலைப்பதிவு பற்றின அறிமுகம் கிடைச்சிச்சு. யாழ் இணையத்தில் இணைஞ்சிருந்த கன பேர் அப்ப வலைப்பதிய தொடங்கி இருந்திச்சினம், அதிலை ஞாபகம் வாற ஆக்கள், தமிழினி, கவிதன், சயந்தன், குருவிகள், சண்முகி, சினேகிதி.... இப்பிடி கன பேர். சரி எல்லாரும் எழுதினம் நானும் எழுதினா என்ன எண்டு ஒரு அவாவிலை 2005 பங்குனி மாதம் யாழ் இணையம் வழங்கின .yarl.net இலையும், புளொகரிலையும் ஒவ்வொரு வலைப்பதிவு தொடங்கினன். ஒண்டிலை பொழுதுபோக்கு விசயங்களும், மற்றதிலை துறை சார் பதிவுகளும் எழுதுறதெண்டு சொல்லி கொஞ்ச நாள பதிவுகள், புகைப்படங்கள் எண்டு பதிஞ்சு கோண்டு இருந்தனான். யாழ் இணையத்திலை தான் தமிழ்மணம் வலைப்பதிவு திரட்டி பற்றின அறிமுகமும் கிடைச்சிச்சு. பிறகு யாழ் இணைய வலைப்பூ வழங்கி செயல் இழந்தப்பிறகு, எல்லாத்தையும் புளொக்கர் பதிவிலை எழுதி கொண்டு இருந்தன். அதிலையும் எல்லாருக்கும் கனக்க பின்னூடம் வர எனக்கு மட்டும் ஆரும் பின்னூடம் போடினம் இல்லை எண்டு கவலையா இருக்கும். அதிலையும் பெரும் பதிவர்கள் எண்டு சொல்லுற சில பேரிட்டை பின்னூட்டம் வாங்க வேணும் எண்டும் ஆசையா இருக்கும் ஆனா நான் யாருக்கும் போய் பின்னூட்டம் போடாட்ட எனக்கும் ஆரும் பின்னூட்டம் போட மாடினம் எண்டதும், நான் பின்னூட்டம் போட்டாலும் சிலர் திரும்பியும் பாக்க மாடினம் எண்டதும் விளங்கிச்சு. இப்பிடியிருக்கேக்கை நாடு மாற வேண்டி வந்திச்சு. சரி புது நாட்டுக்கு வந்து புது வலைப்பதிவு தொடங்குவம் எண்டு புளொக்கரிலை புதிசா பதிஞ்சு புது ஆள் மாதிரி 2007 மாசி மாதம் எழுத தொடங்கினன் :) என்ரை பழைய பதிவுகளை வாசிச்ச சில பேர் என்னை அடையாளம் கண்டு பிடிச்சிட்டினம்.

புது வலைப்ப்திவு எழுத தொடங்கி 3 மாதம் ஆகுறேக்குள்ள தமிழ்மணத்திலை இருந்து நட்சத்திர வாரத்தில் எழுத அழைப்பு வந்திச்சு அதாலை எனக்கு கொஞ்சம் அதிகமா வாசகர்கள் கிடைச்சார்கள் எண்டு நினைக்கிறன். ஆனா கிடைச்ச வாசகர்களை தக்க வைக்க தொடர்ந்து எழுதுறேக்கு முடியேல்லை. எனக்கேயுரித்தான சோம்பல் புத்தி, அடுத்தது என்னுடைய வேலை விடயங்களின் சுமை, எல்லாரையும் போல ஊரின் கதைகள் எண்டு எழுத பெரிசா மனம் வரேல்லை. இருந்தாலும் வலைபதியிறன் எண்டு காட்ட இடைக்கிடை புகைப்படங்களை போட்டு கொண்டிருந்தன்.

இன்னொரு முக்கியமான விசயம் என்னெண்டா வலைபதியும் மற்றவர்களின் பதிவுகளை வாசிச்சு போட்டு என்ரை எழுத்தை வாசிக்க எனக்கு பெரிசா பிடிக்கிறேல்லை. என்னாலை அவைய போல வாசிக்க தூண்டும் விதமா எழுத ஏலாது எண்ட நினைப்பும் அடிக்கடி வரும் அதாலையும் வலைப்பதிவில் அதிகம் எழுதுறேல்லை.

சரி இந்தளவும் போதும் எண்டு நினைக்கிறன் நான் எழுதி கிழிச்சதை பற்றி சொல்ல.

இன்னும் ஆர் ஆர் எழுதாம இருக்கினம் எண்டு தெரியேல்லை.
அதாலை இன்னும்
பதிவெழுத வந்த கதையை எழுதாத ஆரும் இந்த பதிவை உங்களுக்கான அழைப்பா எடுத்து தொடரலாம்.

படம் கூகுல் தேடலில் பெறப்பட்டது.

River walk

2009-08-16T20:45:00.003-05:00

River walk, San Antonio, TX.

Mission San Jose

2009-08-16T07:54:00.004-05:00

San Antinio, TX

வனாந்தர குழந்தைகள் ? / அநாதரவான குழந்தைகள்? ? Feral children

2009-08-15T22:44:00.018-05:00

இன்றைக்கு The Learning Channel இல் Wild Child: The Story of Feral Children எண்ட நிகழ்ச்சியை பாத்தன். அதிலை 2 நாய்களாலை வளர்க்கப்பட்ட குழந்தைகளை பற்றியும், பேற்றோரால் தனிமைபடுத்தப்பட்ட நிலையில் வளர்ந்த குழந்தை ஒன்று பற்றியும் விவரித்து இருந்தார்கள். Wild children/ feral children க்கு என்ன தமிழ் மொழி பெயர்ப்பை கொடுப்பது? காட்டு குழந்தைகள் என்பதா? வனாந்தர குழந்தைகள் என்பதா? நான் வனாந்தர குழந்தைகள் என்று சொல்லலாம் என நினைக்கிறென்.

முதலில் Wild childeren/ feral children எண்டதுக்கு விளக்கம் என்ன என்று பார்த்தால் "மிகக்குறைந்த மனித தொடர்புடன், அல்லது முற்றாக மனித தொடர்பே இல்லாமல் வளர்ந்த சிறுவர்கள் என பொருள் கொள்ளலாம். அவர்கள் விலங்குகளால் வளர்கப்பட்டோ அல்லது தாமாக காட்டில்/ தாம் வாழ்ந்த சூழலில் ஏதோ ஒரு விததில் தப்பி வாழந்தோ அல்லது பெற்றோரால்/ உறவினர்களால் சமூகத்தில் இருந்து தனிமைப்படுத்தப்பட்டு ஏனைய மனிதர்களுடன் தொடர்பாடல் அற்று வளர்க்கப்பட்டவர்களாக இருக்கலாம்".

நிகழ்ச்சியை பார்த்து கொண்டிருந்த போது சிறுவயதில் வாசித்த ஒரு கதை ஞாபகம் வந்தது. கதையின் தலைப்போ எழுதியவரின் பெயரோ ஞாபகத்தில் இல்லை. அந்த கதை 1983 ஜூலை கலவரத்தில் வன்னி பகுதிக்கு இடம்பெயர்ந்த இரட்டை ஆண் குழந்தைகளை பற்றியது. இடப்பெயர்வில் ஒரு பையன் காட்டில் தவறி விடுகிறான், அவன் ஒரு மான் கூட்டத்துடன் வளர்கிறான். மற்றைய குழந்தை பெற்றோருடன்?? ?? வளர்ந்து பெரியவனாகிறன். ஒரு கட்டத்தில் பெற்றோருடன் வளர்ந்த பையன் மான்களுடன் உலாவும் மனிதனை கண்டு பிடித்து பார்த்த போது அந்த மனிதனின் கழுத்தில் இருக்கும் புலி நக சங்கிலியை கொண்டு அவன் தனது சகோதரன் என அடையாளம் காண்பதாக்க கதை செல்லும். உங்களில் யாருக்கேனும் இந்த கதை வாசித்த ஞாபகம் உண்டா.

நிகழ்ச்சியை பார்ந்து முடித்த பின் கூகுளில் தேடிய போது FeralChildren எனும் இணையப்பக்கம் இப்படியான குழந்தைகள் பற்றிய பல தகவல்களை ஒருங்கிணைத்து தருகிறது. இதுவரை 100 க்கு மேலான ஆவணப்படுத்தப்பட்ட தகவல்கள் இருப்பதாக மேற்படி இணைய தளங்கமும், விக்கிபீடியாவும் சொல்கிறன. விக்கிபீடியா பேலும் (legends) புராண கதைகளில் வரும் வனாந்தர குழந்தைகள்/ விலங்குகளால் வளர்க்கப்பட்ட மனிதர்கள் மிக திறமைசாலிகளாக சித்தரிக்கப்படுவதை சுட்டிகாட்டுகிறது. அதில் ஓநாய்களால் வளர்க்கப்பட்டதாக கூறப்படும் ரோமானிய குழந்தைகள் பற்றி கூறும் விக்கிபீடியா எனோ இலங்கை சிங்களவர்களின் முதாதை என சொல்லும் வியஜனின் தந்தை சிங்கபாகு சிங்கத்துக்கும் மனிதருக்கும் பிறந்ததாக சொல்லும் கதையை தவறவிட்டு விட்டது.

விலங்குகளால் வளர்க்கப்பட்ட புராண மாந்தர்கள் சிறப்பானவர்களாக சித்தரிக்கப்பட்டாலும், நிஜ வாழ்வில் அப்படி இருப்பதில்லை. சிறுவயதில், குறிப்பாக மொழி அறிமுகம், மனித பழக்க வழக்கங்களை அறியும் வயதிற்கு முன் விலங்குகளால் வளர்க்கப்படும் போது அவர்கள் எந்த விலங்குகளுடன் வளர்கிறார்களோ அந்த விலங்குகளின் பழக்க வழக்கங்களை கைக்கொள்வதுடன், விலங்குகளின் ஒலியையே ஏற்படுத்த பழகிக்கொள்கிறார்கள்.

மிக அண்மைய சம்பவமாக ரஸ்யாவில் Natasha Mikhailova எனும் குழந்தை தந்தையாலும், தத்தா பாட்டியாலும் வீட்டு செல்ல பிராணி போல் நாய்களுடனும், பூனைகளுடனும் 3 ஆண்டுகள் வளர்க்கப்பட்டதால், பேசுவதை விடுத்து நாய் போல் குரைப்பதையும் அவை போன்றே உண்பது, நீர் குடிப்பதையும் செய்வது கண்டறியப்பட்டது. குழந்தை மீட்க்கப்பட்ட போது அதற்கு வயது 5 ஆகும்.

இதே போல பெற்றோரால் தனிமைபடுத்தப்பட்ட ஐக்கிய அமெரிக்க நாட்டு அண்மைய சம்பவங்கள் Rios Children, Caged children of Ohio.

2005 ஆம் ஆண்டு கென்யாவில் பெற்றோரால் கைவிடப்பட்ட குழந்தையை வளர்ப்பு நாய் ஒன்று கண்டெடுத்து வந்தது பற்றிய செய்தி இது.

1998 ஆம் ஆண்டில் ரஸ்யாவில் 4 வயதில் பெற்றோரால் கைவிடப்பட்டு, தெரு நாய்களுடன் வாழப்பழகிய சிறுவன் பற்றிய செய்தியும் முக்கியமானது. பிச்சை எடுத்த உணவை நாய்களுக்கு கொடுத்து நாய்களின் நம்பிக்கையை பெற்றவனானதோடு, மொஸ்கோ குளிர்காலத்து -30 டிகிரி செல்சியய் குளிரில் இருந்தும் நாய்களால் பாதுக்கக்கப்பட்ட செய்தி ஆச்சரியமானது. பொலிசார் சிறுவனை மீட்க முயன்ற போது நாய்கள் அவனை பொலிசாரிடம் இருந்து காப்பாற்றியதாம். பின்னர் பொலிசார் நாய்களுக்கு வேறொரு இடத்தில் உணவு வைத்து நாய்களை சிறுவனிடம் இருந்து பிரித்த பிற்பாடே அவனை மீட்டனராம். இப்போது அவன் பள்ளிகூடம் போகிறானம்.

1991 ஆண்டில் மீட்கப்பட்ட 8 வயதுடைய Oxana Malaya எனும் பெண்குழந்தை பெற்றோரால் கைவிடப்பட்டு, நாய்களுடன் மீட்கப்படும் வரை வளர்ந்த குழந்தையாகும். 23 வயதான நிலையில் இன்றும் ஒக் சான மூளை வளர்ச்சி குறைந்த குழந்தைகள் காப்பகத்திலேயே வாழ்கிறாள்.

Annapurna Sahu எனும் பெண் இந்தியாவில் 25 ஆண்டுகள் பெற்றோரால் தனிமை படுத்த பட்ட செய்தி மட்டுமல்லாது ஓநாய்களால் வளர்க்கப்பட்ட பல இந்திய சிறுவர்கள் பற்றிய கதையையும் இந்த பட்டியலில் காணலாம். இவற்றில் சில போலியான கட்டுக்கதைகள் என பின்னர் நிருபிக்கப்பட்டுள்ன. குறிப்பாக அமலா, கமலா பற்றிய கதை.

கமலஹசனின் ஆளவந்தான் படத்தில் வரும் இரட்டையர்களில் ஒருவரும் இவ்வாறு தனிமைபடுத்தப்பட்ட கதாபாத்திரம் பற்றி பேசுகிறது.

ஆபிரிக்காவில் குரங்குகளார் வளர்க்கப்பட்ட பல குழந்தைகள் பற்றிய செய்திகள் உள்ளன. அவற்றில் ஒன்று John Ssebunya அவனை பற்றி பிபிசி ஒரு விவரண படத்தையும் எடுத்துள்ளது.

இலங்கையில் திஸ்ஸ எனும் சிறுவன் குரங்குகளால் வளர்க்கப்பட்ட செய்தியும் உள்ளது.

மேலும் இப்படியான குழந்தைகள் பற்றி அறிய

Savage Girls and Wild Boys: A history of feral children

படங்கள்: கூகுள் தேடலில் பெறப்பட்டவை

Folklorama 2009

2009-08-12T21:54:00.002-05:00

கனடா நாட்டின் மனிட்டோபா மாநில தலை நகரான வின்னிபெக் நகரில் 1970 ஆம் ஆண்டில் ஆரம்பித்து, இந்த வருடத்துடன் 40 ஆவது வருடத்தை பூர்த்டிசெய்யும் ஒரு பல் கலாச்சார அரங்காடல் நிகழ்வு தான் Folklorama. 1970 ஆம் ஆண்டில் 21 வகையான கலாச்சார குழுமங்களின் அரங்காடல் நிகழ்வுகளை கொண்டு ஒரு வாரம் மட்டுமே நடைபெற்ற இந்த நிகழ்வு, இப்போது 40 இற்கு மேற்பட்ட கலாச்சார/ இன குழும மக்களது அரங்காடல் நிகழ்வுகளை கொண்டு இரண்டு வாரங்களுக்கு நடைபெறும் நிகழ்வாக மாறியுள்ளது.

இந்த பல் கலாச்சார அரங்காடல் கொண்டாட்டத்தை ஒழுங்கு செய்யும் அமைப்பு தனது குறிக்கோள் பற்றி இவ்வாறு கூறுகிறது.

Mission

Celebrating diversity and promoting cultural understanding.

Vision

Folklorama promotes the ethno-cultural diversity of Manitoba through entertainment, public celebrations of culture and education. Folklorama provides the opportunity for ethno-cultural communities to promote and celebrate their intangible culture. We will understand and respond to the expectations of our members, stakeholders and the public and will be leaders in the festival community, the special events industry and the tourism industry of Manitoba. We will respect and recognize the contributions of our staff and volunteers and will create an environment that inspires fun, innovation and a sense of belonging.

Values

Our basic foundation values, the values upon which all we do is based:

Respect for people
Integrity
Appreciation for diversity
Respect for culture

இங்கு கிட்டதட்ட 300 வரையான தமிழ் மக்களே இருந்தாலும், பத்திரிகையாளர்களாலும், பார்வையாளர்களாலும் சிறந்ததொரு அரங்காடல் நிகழ்வாக தமிழ் அரங்கம் விததுரைக்கப்பட்டு வந்துள்ளதை அறிய முடிந்தது. கடந்த 11 வருடங்களாக எந்த இடையூறும் இல்லாது நடைபெற்று வந்த தமிழ் அரங்கம் இந்த வருடம் நாட்டில் ஏற்பட்ட அவல நிகழ்வுகளால் இடை நிறுத்தப்பட்ட்டுவீட்டது. அடுத்த வருடம் மீண்டும் மனிரொபா தமிழ் கலாச்சார கழகம் தமிழ் அரங்கத்தை இக்கொண்டாட்டத்தில் இணைத்துக் கொள்ளும் என நம்புகிறேன். கடந்த வருடம் தமிழ் அரங்கத்தை பற்றி இட்ட பதிவு இது.

இக்கொண்டாட்டத்தில் இணைந்து கொண்டுள்ள கலாச்சார அரங்கங்கள் பட்டியலிட்டால் இந்த பதிவு மிக நீளமாகும்.

உதாரணமாக சில

1. Africa Pavilion

2. Belgian Pavilion

3. Caribbean Pavilion

மிகுதியை இங்கே காணலாம்

எக்சோரவும், கனகாம்பரமும், மயிர்கொன்றையும்

2009-07-23T23:10:00.012-05:00

சினேகிதி ஆம்பரலங்காய் அணிஞ்சில் பழம் மற்றும் குதியன் பதிவில் குறிப்பிட்ட எக்சோரா பூச் செடி, மற்றும் கனகாம்பரம், மயிர்கொன்றை பூச் செடி ஆகியவற்றை San Antonio இல் உள்ள River walk, Almo இன் பின் உள்ள பூங்கா பகுதியில் காணமுடிந்தது. சினேகிதியின் பதிவை வாசித்து எக் சோரா என்றால் என்ன என கேட்டவர்கள்/ யோசித்தவர்களுக்காக

எக்சோரா/ X-Rose/ X-Rosa???

Alamo, San Antonio, TX.

எக்சோரா

River walk area, San Ant0nio, TX.

கனகாம்பரம்
Alamo, San Antonio, TX.

மயிர்க்கொன்றை

River walk area, San antonio, TX.

நாகதாளி

2009-07-19T21:49:00.008-05:00

Prickly pears (Opuntia)
17/07/09
San Antonio, TX, USA.

இறம்புட்டான்

2009-07-04T22:19:00.003-05:00

அரும்பு

2009-06-16T20:21:00.002-05:00

மீள்வருகை

2009-06-11T21:46:00.002-05:00

அந்திவானம்

2009-06-10T20:31:00.010-05:00

English Bay/ Sunset beach, Vancouver, BC, Canada.

முட்டையில்லா வனிலா மைலோ கேக்

2008-09-28T21:58:00.013-05:00

Egg less Vanilla-Milo Marble Cake

தேவையான பொருட்கள்

பொதுப்பாவனை கோதுமை மா ----- 1 கப் (250 மில்லி லீட்டர்)
ரவை ---- 1 கப்
300 மில்லி லீட்டர் கட்டி பால் ----- 1
சீனி ---- 1 கப்
பட்டர் ---- 250 கிராம்
மென் சூடான நீர் ---- 150 மில்லி லீட்டர்
மைலோ ---- 2 மேசைக்கரண்டி
வனிலா ---- 1 தே-கரண்டி

பேக்கிங் பவுடர் ---- 1 1/2 தேகரண்டி

செய்முறை

- பொதுப்பாவனை கோதுமை மா, ரவை, பேக்கிங் பவுடர் மூன்றையும் சேர்த்து நன்கு கலந்து 3- 4 முறை அரிதட்டில் போட்டு அரித்து எடுத்து வைக்கவும்

- கட்டி பால் தகரத்தை திறந்து வாய் அகன்ற, கொத்தன் பாத்திரத்தில் இடவும்
- தகரத்தில் ஒட்டியிருக்கும் பாலை மென் சுடு நீர் கொண்டு கழுவி அதனையும் பாத்திரத்தில் விடவும்
- கலவையை 10-15 நிமிடம் நடுத்தரமான வேகத்தில் அடிக்கவும்

- பட்டர், சீனி இரண்டையும் இன்னொரு பாத்திரத்தில் இட்டு 15 நிமிடம் நன்கு அடிக்கவும்.

- பதம் சரியா என்பதை இரண்டு விரல்களுக்கிடையே பட்டர்- சீனி கலவையை உரோஞ்சி பார்க்கும் போது சீனி துகள்கள் இல்லாதிருக்க வேண்டும் அல்லது மிக குறைவாக இருக்க வேண்டும்

- நன்கு அடித்த பட்டர்-சீனி கலவையினுள், அடித்து வைத்திருக்கும் கட்டிபால் கலவையை சேர்த்து ஒரு 3-5 நிமிடம் அடிக்கவும்.

- அடித்த கலவையுடன், அரித்து வைத்த கோதுமை மா-ரவை-பேக்கிங் பவுடர் கலவையை சேர்த்து 2 நிமிடம் அடிக்கவும்

- கலவையை இரண்டாக பிரித்து ஒரு பகுதியுடன் வனிலாவை சேர்த்து 1 நிமிடம் அடிக்கவும்

- மிகுதி பகுதிக்கு மைலோவை சேர்த்து அடிக்கவும்

- பட்டர் தடவிய கேக் தட்டில் முதலில் வனிலா சேர்த்து அடித்த கலவையை கொட்டி பரவவும்

- அதன் மீது மைலோ சேர்த்து அடித்த கலவையை கொட்டி பரவவும்

- பரவிய கலவை மீது முள்ளு கரண்டி யை உட் செலுத்தி ஒழுங்கற்ற விதத்தில் மெதுவாக ஒரு பக்கம் இருந்து மறுபக்கம் வரை மெல்லிதாக கலக்கவும்

- மீண்டும் மேற்பரப்பை மட்டப்படுத்தவும்

- 180 பாகை செல்சியசில் சூடாக்கிய இல் 25- 30 நிமிடம் சுட்டு எடுக்கவும்

ஊதாப்பூ

2008-09-24T22:32:00.001-05:00

அசினிபோனி பூங்கா, வின்னிப்பெக், மனிரோபா.

பூச்சியும் பூவும்

2008-09-24T00:01:00.002-05:00

அசினிபோனி பூங்கா, வின்னிபெக் மனிரோபா,

ஐசூர்யா எனும் திருட்டு வலைப்பதிவர்

2008-08-07T01:21:00.001-05:00

இதுவரை ஐ சூர்யா எனும் வலைப்பதிவர் தனது வலைப்பதிவில் அனைத்து தமிழ் ஊடகங்களிலும் வரும் செய்திகளை எந்தவித பாகுபாடும் இன்றி தனது சொந்த செய்தி போல் வெளியிட்டு வந்தார். இப்போது வலைபதிவில் எழுதுபவற்றையும் அட்சரம் பிசகாமல் திருடி தனது வலைப்பதிவில் இட்டு தனது வலைப்பதிவுக்கு விளம்பரம் தேடும் நிலையில் வந்துள்ளார். இது 3 ஆம் திகதி ஆகஸ்ட் மாதம் என் வலைப்பதிவில் இட்டது. அதையே தலைப்பு முதல் கொண்டு எந்த வசனத்தையும் மாற்றாது இன்று அவர் தனது வலைப்பதிவில் திருடி வெளியிட்டது.

வலைப்பதிவில் அவர் நீக்கிவிட்டதால் அவரது வலைப்பதிவின் கணனி திரை பிரதியை இணைத்துள்ளேன்.

Folklorama, Tamil Pavilion 2008

2008-08-04T15:26:00.009-05:00

கனடாவில் உள்ள மனிரோபா மனிலத்தில் வருடாந்தம் Folklorama எனும் ஒரு அரங்காடல் நிகழ்ச்சி நடைபெற்று வருகிறது. இந்த நிகழ்ச்சி ஆரம்பித்து இப்போது 39 ஆண்டுகள் ஆகிவிட்டன. Winnipeg Folkloramaகொண்டாட்டமே உலகில் நடைபெறும் இந்த வகையை சேர்ந்ததவற்றில் மிகப்பெரியது என யுனெஸ்கோ அமைப்பின் ஆலோசகராக இருக்கும் International Council of Organiztion for folklore festival அமைப்பு கூறியுள்ளது. இந்த நிகழ்வை வின்னிபெக் பாரம்பரிய கலை கழகம் (Winnipeg Folk Arts Council நடாத்துகிறது. ஆகஸ்ட் மாதம் 3 ஆம் திகதி தொடக்கம் 16 ஆம் திகதி வரை வருடாந்தம் நடைபெறும் கலாச்சார நிகழ்வுகளில் மொத்தமாக 44 வெவ்வேறு வகை இனக்குழுமத்தை சேர்ந்த மக்கள் தமக்கென அமைக்கப்பட்ட தனியான அரங்கத்தில் நடத்துவார்கள். அதிக எண்ணிக்கையான இனகுழுமங்களின் அரங்காடல் நிகழ்வுகள் இருப்பதால் முதல் வாரத்தில் 22 இனக்குழுமங்களின் அரங்காடல் நிகழ்வுகளும், மிகுதி 22 குழுமங்களின் அரங்காடல் நிகழ்வுகள் இரண்டாவது வாரத்திலும் நடைபெறுகிறது.

Tamil Pavilion 2008
Folklorama,
Winnipeg, Manitoba, Canada
August 3-9

தமிழ் அரங்கம் 2008

இந்த பாரம்பரிய அரங்காடல் நிகழ்வுகளில் தமிழ் கலாச்சார நிகழ்வுகளை உள்ளடக்கிய அரங்காடல் நிகழ்வு முதல் வாரத்தில் அதாவது ஆகஸ்ட் 3- 9 ஆம் திகதி வரை வருடாந்தம் நடைபெறுவது வழக்கமாகும். தமிழ் அரங்காடல் நிகழ்வு இந்த வருடத்துடன் தனது 11 ஆவது வருடத்தை நிறைவு செய்கிறது.

தமிழ் அரங்கம் பிரதானமாக 2 பகுதிகளை கொண்டது.

1. தமிழ் மக்களின் கலாச்சார பின்னணியை எடுத்துக்கூறும் கண்காட்சி

இப்பகுதியில் தமிழ் மொழியின் தொன்மை, மக்களின் வாழ்கை அமைப்பு, வரலாறு இசை போன்ற விடயங்களை பற்றிய புகைப்படங்கள் காட்சிப்படுத்தப்பட்டிருக்கும்

2. அரங்க நிகழ்வுகள்

பரத நாட்டியம், கிராமிய நடனம், தபேலா, மிருந்தங்கம், பாடல் போன்ற அரங்க நிகழ்வுகளை வின்னிபெக் தமிழ் இளையவர்கள் ஆர்வத்துடன் வழங்குவார்கள்

மேலதிகமாக
தமிழ் மக்களின் உணவுகள், சிற்றூண்டி வகை பொன்றவைக்கான சிறிய விற்பனை அங்காடிகளும் இருக்கும்

முதல் நாழ் நிகழ்வின் காணொளி காட்சிகள் சில

யாழ்ப்பாணத்து விலைப்பட்டியல்

2008-08-03T16:08:00.003-05:00

யாழ்ப்பாண குடா நாட்டில் உணவு பொருட்களின் அண்மைய விலை பட்டியல். அடைப்பு குறிக்குள் இருப்பது 2004-2005 ஆண்டு காலப்பகுதியில் இருந்த விலைகள்.

1. அரிசி வகை

1 கிகி சம்பா: 115 (45)ரூபா
1 கிகி சிவத்தை பச்சை : 110 (40)ரூபா
1 கிகி நாட்டு புழுங்கல் : 110 (40-42)ரூபா
1 கிகி வெள்ளை அரிசி : 95 (30) ரூபா

2. 1 கிகி சீனி (சர்க்கரை) : 90 (35- 40)ரூபா

3. 1 கிகி உழுந்து: 130 (70) ரூபா

4. 1 கிகி பயறு : 150 (65-70) ரூபா

5. 1 கிகி சிந்தாமணி கடலை : 150- 180 (75-90) ரூபா

6. 1 கிகி மைசூர் பருப்பு : 150 (50) ரூபா

7. 1கிகி மஞ்சள் பருப்பு : 50-60 (160) ரூபா

8. 1 கிகி செத்தல்(காய்ந்த) மிளகாய்: 240 (150-180) ரூபா

9. 1 கிகி மல்லி : 350-360 (110 )ரூபாய்

10. 1 கிகி கோதுமை மா (மைதா) : 80 (40) ரூபா

11. 750 மிலீ நல்லெண்ணேய் : 500 (200? ) ரூபா

12. 1 லீ தேங்காய் எண்ணேய்: 310 (125) ரூபா

13. 1 லீ மரக்கறி எண்ணேய் (Palm oil) : 250 (115) ரூபா

14. பால் மா வகை

400 கி அங்கர் : 300 (?)ரூபா

400 கி லக்ஸ்பிறே: 285 (?) ரூபா

400 கிராம் மில்குரோ : 285 (?) ரூபா
400 கிராம் நெஸ்டமோல்ட்: 255 (?) ரூபா

400 கிராம் ஹோர்லிக்ஸ் : 230 (? ) ரூபா

400 கிராம் வீவா: 230 (?) ரூபா

சவர்காரம் (Soap)

15. அழகு

1 லக்ஸ் : 35 (18) ரூபா

1 ரெக்ஸோனா : 35 (18) ரூபா

1 குழந்தைகளுக்கான : 32 (?) ரூபா

16. துணி துவைக்க

1 சன்லைட்: 32 (14) ரூபா

17. சலவை தூள்

80 கி சேர்வ் எக்சல் : 28 (?) ரூபா

150 கி சேர்வ் எக்சல்: 50 (?) ரூபா

500 கி சேர்வ் எக்சல்: 150 (?) ரூபா

மாட்டு தீவனம்

1 கிகி தவிடு : 65 (20) ரூபா

1 கிகி தேங்காய் புண்ணாக்கு : 70 (25) ரூபா

No Peace, No War

2008-07-29T10:39:00.005-05:00

போஸ்டன் ரிவியு இல் வந்த நீண்ட இந்த கட்டுரை ஈழப்பிரச்சனையின் சாராம்சத்தை என் அறிவுக்கு எட்டியவகையில் ஓரளவு சரியாக சொல்கிறது போல் தெரிகிறது.

No Peace, No War
Have international donors failed Sri Lanka’s most vulnerable?
Alan Keenan

8 When I arrived last summer at the burial ceremony the ten crude wooden coffins were lined up on the concrete floor. A bare-chested Hindu priest was chanting Sanskrit verses and preparing the offerings, an assortment of freshly chopped coconuts, leaves and flowers, oil, water, and brightly colored pastes for family members to place on the coffins bearing the remains of their loved ones. As the rain gently beat on the roof of the small open-sided structure, oil lanterns of chopped coconut shells were set in front of each casket. Families began circling the coffins, sometimes joining in on the prayers, mostly remaining silent. The tears were few, though one mother broke down every time it was her turn to anoint the coffin of her son.

A hundred yards away workers had just finished digging the graves. The families followed the coffins as the sarong-clad workers carted them unceremoniously across the muddy grounds. After the burial the families boarded two white vans provided by the International Committee of the Red Cross and began their journey home to the Tamil areas in the north and east of Sri Lanka.

Colombo’s Borella Public Cemetery is filled with ornate tombstones, Christian, Buddhist, and Hindu, some inlaid with photographs of the deceased. The newly dug graves, however, are likely to remain unmarked. They contain the badly decomposed remains of ten young Tamil men, victims of Sri Lanka’s long civil war between the Sinhalese-dominated government and the separatist Tamil Tigers. The men were murdered almost four years earlier in one of Sri Lanka’s most celebrated—if now largely forgotten—massacres.

On the morning of October 25, 2000, in the quiet central hill-country village of Bindunuwewa, a mob of Sinhalese villagers and residents from the nearby town of Bandarawela stormed the government “rehabilitation” center. The minimum-security center housed 41 young Tamil men who had either surrendered to the army after being involved with the separatist Liberation Tigers of Tamil Eelam (LTTE) or been arrested on suspicion of involvement with the Tigers. While none detained at the Bindunuwewa camp were considered serious security risks, the stigma alone of being associated with the Tigers can inflame tensions in Sinhalese areas of Sri Lanka. An altercation in the camp one evening between some inmates and Sinhalese officers launched a rumor that spread quickly with help from local police: “The Tigers are attacking.” Early the next morning a crowd of hundreds, perhaps thousands, had assembled. Armed with knives and poles and gasoline, the mob hacked and burned to death 27 of the Tamil inmates. Some 60 police officers sent the previous evening and earlier that morning to guard the camp made no effort to stop the attack. Instead, some fired on inmates trying to escape, killing one and injuring two others. No one was arrested.

;
;
இது நீண்ட கட்டுரை மிகுதியை இந்த இணைப்பில் சென்று படிக்கலாம்

Prairie dog

2008-07-27T22:12:00.004-05:00

ஏன் அணில், எலி போன்றவற்றின் வகுப்பை சேர்ந்த அணிலுக்கு மிக அண்மைய இனமான இந்த விலங்குகளுக்கு பிரயரி நாய் என பெயர் வைத்தார்கள் தெரியவில்லை??? இவை கத்துவது நாயின் குரல் போல இருப்பதால் பிரயரி நாய் என பெயர் வைத்தார்களாம்.
விக்கிபீடிய சொல்வது போல் இவை முத்தமிடும் காட்சியை காண முடிந்தாலும் புகைப்படக்கருவியை தயாராய் வைத்திருக்காமையால் அதை புகைப்படமாக்க முடியவுல்லை :(( .

கதிர்காமத்தில் குரங்குகள் பழங்களுக்கும் உணவுக்கும் அங்கு போபவர்களை துரத்துவதும், கொடுத்தால் வெகு அருகில் வந்து வாங்கி உண்பது போலவே பிரயரி நாய் எனப்படும் அணில்களும் விலங்கு காட்சியகத்துக்கு செல்பவர்கள் உணவு கொடுத்து பழக்கியதால் போபவர்களுடன் வெகு நட்பு பாராட்டி கையில் உணவு வாங்கி உண்பதையும் புகைப்படக்கருவிக்கு அழகாக "போஸ்" கொடுப்பதையும் காணலாம்.

Assiniboine Park Zoo, Winnipeg, Manitoba
27/07/08

பட விளையாட்டு

2008-07-22T23:25:00.008-05:00

12/07/08
Kenora, ON, Canada

இது சும்மா விளையாடி பார்த்தது.

சுட்ட கத்தரிக்காய்ச் சம்பல்

2008-07-22T19:57:00.013-05:00

சுட்ட கத்தரிக்காய்ச்சம்பல்

தேவையான பொருட்கள்

ஒன்று/ இரண்டு பேருக்கு

4 - மேசைக்கரண்டி தயிர்

1 - பெரிய கத்தரிக்காய்

* சுட்ட சம்பலின் நிறம் வெளிர்ப்பாக இருக்க வேண்டும் என விரும்பினால் வேள்ளை கத்தரிக்காய் தான் நன்றாக இருக்கும்.

* வெள்ளை கிடைக்கவில்லை என்றால் ஊதா கத்தரிக்காய் பாவிக்கலாம். நீண்ட கத்தரிக்காயை தான் பெரிய கத்தரிக்காய் என சொல்லியுள்ளேன்.

நீண்ட கத்தரிக்காய் கிடைக்கவில்லையென்றால் சிறிய வெள்ளை/ ஊதா கத்தரிக்காயும் பாவிக்கலாம். நான் சிறிய கத்தரிக்காயை தான் பாவித்து செய்தேன்.

5-6 - சிறிய வெங்காயம்
2 - பச்சை மிளகாய்
1/2- தே. கரண்டி மிளகு
சுவைக்கு- உப்பு
அலுமினியத் தாள்

செய்முறை

1. போறணை/ Oven ஐ 230 பாகை செல்சியல்லில் சூடாக்கவும்

2. கத்தரிக்காய் மூழை நீக்கி அலுமினியத தாளினால் முழுமையாக மூடி சுற்றவும். சுற்றியபின் முள்ளுகரண்டி (Fork) மூலம் இரண்டு மூன்று இடங்களில் குற்றி தூளை செய்யவும் (இது நீராவி வெளியேற உதவும்)

3. கத்தரிக்காயை சூடான Oven இல் 25- 30 நிமிடம் சுடவும்

4. கத்தரிக்காய் சுடும் நேரத்தில் வெங்காயம், பச்சை மிளகாயை மிகச்சிறிய துண்டுகளாக அரிந்து கொள்ளவும்

5. 25-30 நிமிடங்களின் பின் கத்தரிக்காயை வெளியே எடுத்து சிறிது குளிர்ந்ததும் அலுமினியம் தாளை அகற்றவும்.

( கீழே உள்ள படத்தில் உள்ளது போல் தோல் சுருங்கி வரும். நான் வெள்ளை நிற பெரிய கத்தரிக்காய் இங்கு கிடைக்காதாதால் ஊதா நிற சிறிய கத்தரிக்காயை பாவித்தேன். இப்படி கபில நிறமாக வருவதை விரும்பாதவர்கள் வெள்ளை கத்தரிக்காயை பாவிக்கலாம்.)

6. மேலும் கையால் தோலை உரிக்கக்கூடிய சூடு வரும் வரை குளிர விட்டு தோலை உரித்து கொள்ளவும்

7. சிறிய கத்தரிக்காய் என்றால் 4 ஆக, பெரிது என்றால் 8 ஆக பிளந்து சிறிய துண்டுகளாக அரிந்து கொள்ளவும்.

8. அரிந்த கத்தரிக்காயுடன், அரிந்து வைத்த வெங்காயம், மிளகாய், உப்பு, மிளகுத்தூள் என்பனவற்றை சேர்த்து கலக்கவும்

9 இறுதியில் தயிரை சேர்த்து நன்கு கலந்தால் சுவையான சுட்ட கத்தரிக்காய்ச் சம்பல் தயார்

இதனை சோற்றுடன் உண்ணல்லாம்.

குறிப்பு.

1. ஊரில் தயிரிற்கு பதிலாக இதற்கு தேங்காய்ப்பால் (முதற்பால்) சேர்த்து செய்வார்கள்
2. தயிரிற்குபதிலாக sour cream உம் பாவிக்க முடியும்

நீங்களும் தயிரிற்கு பதிலாக தேங்காய்ப்பால்/ sour cream பாவித்து செய்து பார்த்து எது சுவையானதோ அதை தொடருங்கள்.

3. கத்தரிகாய் சுடுவதற்கு தேவையான நேரம், கத்தரிக்காயின் பருமன், Oven இன் வகை என்பவற்றுக்கு ஏற்ப மாறுபடும். 20 நிமிடத்தின் பின் வெளியே எடுத்து திறந்து பார்த்து படத்தில் காட்டியுள்ளது போல் தோல் சுருங்கி வந்திருந்தால் வெளியே எடுக்கலாம். இல்லாது விடின் மீண்டும் மூடி 5- 10 நிமிடம் சுடவும்.

அந்தி வானம்

2008-07-20T22:43:00.006-05:00

Lakes of Woods, Kenora, ON, Canada
கெனொர, ஒன்ராறியோ, கனடாவில் உள்ள ஏரிக்கரையோரத்து அந்திப்பொழுது. படத்தை மெருகூட்டினேனா? அசிங்கப்படுத்தினேனா? என்பதை நீங்கள் தான் சொல்ல வேண்டும்.

ஆடிப்பிறப்புக்கு நாளை விடுதலை :(

2008-07-15T23:53:00.002-05:00

இது ஒரு மீள் பதிவுடன் புதிதாக ஒரு சிறு குறிப்பும் :).

ஆடி பிறப்புக்கு நாளை விடுதலை என்று நவாலியூர் சோமசுந்தரப்புலவர் என்னவோ பாடி விட்டார். என்னக்கு நினைவு தெரிந்த நாளில் இருந்து சனி, ஞாயிறு தினங்களில் வந்த ஆடிப்பிறப்பை தவிர ஏனைய ஆடிப்பிறப்புக்களுக்கு எமக்கு விடுமுறை எல்லாம் இல்லை. அப்பா, அம்மா இருவரும் வேலை செய்பவர்கள் ஆகையால் அதிகாலையில் எழுந்து உரலில் மா இடித்து கூழ் வைத்து, கொழுக்கட்டை அவித்து சாப்பிட்டு விட்டு பள்ளிகூடம் போய் தான் பழக்கம்.

ஆடிப்பிறப்புக்கு நாளை விடுதலை
ஆனந்த மானந்தம் தோழர்களே!
கூடிப்பனங்கட்டி கூழுங் குடிக்கலாம்
கொழுக்கட்டை தின்னலாம் தோழர்களே!

பாசிப்பயறு வறுத்துக்குத்திச் செந்நெல்
பச்சை அரிசி இடித்துத் தள்ளி,
வாசப்பருப்பை அவித்துக்கொண்டு நல்ல
மாவைப் பதமாய் வறுத்தெடுத்து,

வேண்டிய தேங்காய் உடைத்துத் துருவியே
வேலூரில் சக்கரையுங்கலந்து,
தோண்டியில் நீர்விட்டு மாவை அதிற்கொட்டி
சுற்றிக் குழைத்துத் திரட்டிக்கொண்டு.

வில்லை வில்லையாக மாவைக் கிள்ளித்தட்டி
வெல்லக் கலவையை உள்ளே இட்டு
பல்லுக் கொழுக்கட்டை அம்மா அவிப்பளே
பார்க்கப் பார்க்கப் பசி தீர்ந்திடுமே!

பூவைத் துருவிப் பிழிந்து பனங்கட்டி
போட்டு மாவுண்டை பயறுமிட்டு
மாவைக் கரைத்தம்மா வார்த்துத் துழாவுவள்
மணக்க மணக வாயூறிடுமே

குங்குமப் பொட்டிட்டு பூமாலை சூடியே
குத்து விளக்குக் கொளுத்தி வைத்து
அங்கிளநீர் பழம் பாக்குடன் வெற்றிலை
ஆடிப் பாடிப்பும் படைப்போமே

வண்ணப் பலாவிலை ஓடிப்பொறுக்கியே
வந்து மடித்ததைக் கோலிக்கொண்டு
அன்னை அகப்பையால் அள்ளி அள்ளி வார்க்க
ஆடிப் புதுக்கூழ் குடிப்போமே

வாழைப் பழத்தை உரித்துத் தின்போம் நல்ல
மாவின் மாவின் பழத்தை அறுத்துத் தின்போம்
கூழைச் சுடச் சுட ஊதிக்குடித்துக்
கொழுக்கட்டை தன்னைக் கடிப்போமே

ஆடிப்பிறப்புக்கு நாளை விடுதலை
ஆனந்த மானந்தந் தோழர்களே
கூடிப் பனங்கட்டிக் கூழுங் குடிக்கலாம்
கொழுக்கட்டை தின்னலாம் தோழர்களே!

-நவாலி சோமசுந்தரப்புலவர்

பாடல்: VSK கானா பிரபா ஆகியோரின் பதிவில் இருந்து.

ஆடி பிறப்பை நினைவுபடுத்திய கானா பிரபாவுக்கு நன்றி.

PIT போட்டிக்கான காலம் முடிவடைந்துவிட்டாலும் இரவு நேர புகைப்படங்கள் சில

2008-07-14T23:09:00.001-05:00

கனடா நாட்டு நேரம் இன்னும் இருக்கு. ஆனால் போட்டி முடிவு திகதி இந்திய நேரம் :((

வாத்து

2008-07-10T08:37:00.003-05:00

கறி வேம்பும், செவ்வரத்தையும்

2008-07-09T21:21:00.005-05:00

எங்கட வீட்டிலை நட்டிருக்கிற செவ்வரத்தை முதல் பூ பூத்திருக்கு.

பக்கத்திலை ஒரு கறிவேப்பிலை செடியும் நட்டிருக்கு.

சோயா இறைச்சி பொரியல்

2008-07-09T20:33:00.004-05:00

சோயா இறைச்சி பொரியல்

தேவையான பொருட்கள்

2 பேருக்கு

50 கிராம் - சோயா மீற்/ chunks/இறைச்சி
2- பெரிய சிவப்பு வெங்காயம்
3 தே.கரண்டி - யாழ்ப்பாண கறி தூள் (கனடாவிலை நிறைய வகை கறி தூள் இருக்கிறதாலை நம்ம ஊர் கறி தூளுக்கு யாழ்ப்பாண கறி தூள் எண்டு பெயர் போட்டிருக்கும்)
சுவைக்கேற்ப - உப்பு
1/4 தே. கரண்டி - மஞ்சள் தூள்
5 மேசை கரண்டி - நல்லெண்ணேய்/ சூரிய காந்தி எண்ணேய்
3 கப் - சுடு நீர்
2 நெட்டு - கறி வேப்பிலை
1- தேசிக்காய்

செய்முறை

நன்கு கொதித்த சுடு நீரை மூடக்கூடிய ஒரு பாத்திரத்தில் இட்டு சுவைக்கு உப்பு சேர்த்து அதனுள் சோயா இறைச்சியை கொட்டி 10 நிமிடம் மூடி ஊற வைக்கவும்
வெங்காயத்தை தோல் உரித்து, நீளம் நீளமாக வெட்டி கொள்ளவும்
வெங்காயத்துக்கு சுவைக்கேற்ப உப்பு, 2 தேக்கரண்டி கறித்தூளை சேர்த்து கிளறி 2 நிமிடம் வைக்கவும்
ஊறிய சோயா சோயா இறைச்சியை வடிகட்டி எடுத்து குளிர் நீரில் களுவி கொள்ளவும், பெரிய துண்டுகளாக இருந்தால் சிந்தாமணி கடலை அளவு துண்டுகளாக வெட்டவும், (சந்தையில் சிறிய துண்டுகாள உள்ள சோய இறைச்சியும் கிடைக்கும், அதை வெட்டி துண்டாக்க தேவையில்லை)
வெட்டிய/ வடி கட்டி எடுத்த சோயா துண்டுகளுக்கு 1 தே கரண்டி கறித்தூள், மஞ்சள், உப்பு என்பவற்றை போட்டு பிரட்டி 5 நிமிடம் ஊற வைக்கவும்
பொரிக்கும் (அடிப்பிடிக்காத/ ஒட்டாத/ non stick) சட்டியில் 3 மேசகரண்டி எண்ணேய் விட்டு மென்சூட்டில் சூடக்கி அதில் கறித்தூள், உப்பில் பிரட்டி வைத்த வெங்காயத்தை போட்டு வெங்காயம் மெதுமையாக வரும் வரை வதக்கவும்/ பொரிக்கவும்
வெங்காயம் வதங்கி வந்ததும் ஊற வைத்த சோயா இறைச்சியை கொட்டி, மிகுதியாக இருக்கும் எண்ணேயை சேர்த்து மேலும் ஒரு 2-3 நிமிடம் கிளறி, கறிவேப்பிலையை சேர்த்து இறக்கவும்
பொரியல் சாப்பிடக்கூடிய சூட்டை அடைந்ததும் புளிப்பு சுவையை விரும்புபவர்கள் பாதி தேசிக்காயை பிளிந்து, நன்கு கிளறவும்
இப்போ சுவையான சோயா இறைச்சி பொரியல் தயார்.
இதனை சோறு, புட்டு ஆகியவற்றுடன் சாப்பிடலாம்.

யாழில் இருந்து லங்கா முடித்தவில் திருமலைக்கு - 1

2008-07-02T20:43:00.008-05:00

யாழ் குடா நாடு 95 இல் இராணுவக்கட்டுப்பாட்டில் வந்த பின் யாழ் குடா மக்களுக்கான பாதையாக இருந்து வந்த, அதே நேரம் பல பேரை பலி கொண்டதுமான கிளாலி பாதையூடான பயணம் முடிவுக்கு வந்தது. அதன் பின்னர் யாழ் மக்களுக்கான போக்கு வரத்துக்கு காங்கேசன் துறையில் இருந்து திருகோணமலைவரையான கப்பல் மார்க்கமும், பலாலியில் இருந்தான விமான பயணமுமே அமைந்திருந்தது. முதலில் கப்பலிலும், பின்னர் விமானத்திலும் பயணம் செய்திருக்கிறேன். அந்த பயணங்களை மேற்கொள்ள முன்னர் நாம் பட்ட அலைச்சல்கள் கொஞ்ச நஞமல்ல. இந்த பதிவில் கப்பல் பயணத்தின் அனுமதி, பயணசீட்டு பெறல், கப்பலில் பயணித்து திருகோணமலையை சென்று சேரும்வரை பட்ட அவஸ்தைகளை பார்க்கலாம். கப்பல் என்றால் அது பயணிகள் கப்பல் அல்ல, சரக்குகளை ஏற்றி செல்லும் சரக்கு கப்பலில் எந்த அடிப்படை வசதியும் இன்றி பயணிக்க வேண்டும்.
அந்த கப்பல் கீழே உள்ள கப்பலின் தரத்தில் அல்லது அதை விட சிறிது நல்ல நிலையில் இருக்கும்.

**********

இப்போதும் யாழ் குடா நாட்டு மக்கள் வெளியே பயணிப்பதற்கான பாதைகளாக விமான பயணமும், கப்பல் பயணமுமே அமைந்திருக்கிறது. முன்னரை விட இப்போது பயண அனுமதியை பெறுவதற்கு இன்னும் சிரமப்பட வேண்டியிருப்பதாக அறிய முடிந்தது.

**************

யாழ் குடாநாடு இராணுவக்கட்டுப்பாட்டில் வந்த பின் திறந்த வெளிச்சிறைசாலையான யாழில் இருந்து மக்கள் வெளியே மக்கள் செல்வதற்கு நிறைய கட்டுப்படுகள் இருந்தன. யாரும் தமக்கு தேவையான நேரத்தில் யாழ் குடா நாட்டுக்கு வெளியே சென்றுவிட முடியாது. பயணத்துக்கான அனுமதியை பெறுவதற்கு குறைந்தது ஒரு மாதங்களாவது காத்திருக்க வேண்டும். அலுவலக, கல்வி நிமித்தம் செல்பவர்களுக்கு வேறு நடைமுறையும், சாதாரண பொதுமக்களுக்கு/ தனிப்பட்ட காரணமாக பயணிப்பவர்களுக்கு வேறு நடைமுறையும் இருந்தன.

சாதாரண பொதுமக்களாக/ தனிப்பட்ட தேவைகளுக்கு பயணிப்பவர்களாக இருந்தால்

இராணுவத்திடம் இருந்து பாதுக்கப்பு பயண அனுமதி பெறும் விண்ணப்பப்படிவத்தை பெற்று அதை பூர்த்தி செய்ய வேண்டும். பூர்த்தி செய்த விண்ணப்பப்படிவம், 2 அல்லது 3 (சரியாக நினைவில் இல்லை) புகைப்படங்களுடன் கிராம அதிகாரியிடம் சான்று படுத்தவேண்டும், பின்னர் உதவி அரசாங்க அதிபர் (இந்தியாவில் சப்-கலக்டர்) அலுவலகத்தில் சான்றுபடுத்தி, குறிப்பிட்ட கிராமத்துக்கு பொறுப்பான இராணுவ முகாம் அதிகாரியிடம் உறுதிபடுத்தல் கையொப்பம் வாங்க வேண்டும். இவர்கள் அனைவரது உறுதிப்படுத்தலும் குறிப்பிட்ட நபர் பயங்கரவாத நடவடிக்கைகளில் சம்பந்தப்படாதவர் என்ற சாரப்பட இருக்க வேண்டும். சிவில் அரச அலுவலர்களின் கையொப்பத்தை 2 நாட்களில் பெற்றுவிட முடியும். ஆனால் குறிப்பிட்ட கிராமத்துக்கு பொறுப்பான இராணுவ அதிகாரியின் கையொப்பம் பெற பல முறை அலைந்து கையொப்பத்தை பெற ஒரு வாரம் ஆகிலும் தேவைப்படும். அத்துடன் குறிப்பிட்ட நபர் நேரடியாக இராணுவ முகாமுக்கு செல்ல வேண்டியிருக்கும். இந்த மூன்று பேரிடமும் கையொப்பம் பெற்ற பின் அந்த பிராந்தியத்திற்கு பொறுப்பான இராணுவ முகாமில் விண்ணப்பத்தை கையளிக்க வேண்டும். அவர்கள் அதை உறுதிப்படுத்தி பலாலியில் உள்ள இராணுவ சிவில் (இராணுவம் அதில் என்ன பின் சிவில் என்று ஆச்சரிய படுகிறீர்களா? பொதுமக்களின் பயண ஒழுங்கு அனுமதியை வழங்கும் அலுவலகம் அப்படி தான் அழைக்கப்படும்) அலுவலக்கம் எல்லா தகவல்கள், ஆவணங்களையும் சரி பார்த்து நிராகரிக்கும் அல்லது அனுமதிக்கும். அந்த அனுமதி கிடைக்க குறைந்தது 2 வாரங்களாவது செல்லும். ஆனால் இரண்டு வாரத்தில் கிடைக்கும் என்று வீட்டில் இருந்தால் 2 மாதம் ஆனாலும் கிடைக்காது. இரண்டு வாரம் முடியும் தறுவாயில் குறிப்பிட்ட பிரதேசத்துக்கு பொறுப்பான இராணுவ முகாமுக்கு போனால் இன்று வா, நாளை வா என இழுத்தடித்து பயணத்துக்கான அனுமதி முன்று அல்லது நான் கு வார முடிவில் கையில் கிடைக்கும். கிடைத்த அனுமதி கூட 1 அல்லது 2 மாதம் மட்டுமே செல்லுபடியாகும். அதற்குள் கப்பலில் அல்லது விமானத்தில் இடம் கிடைக்காவிட்டால் மீண்டும் பாதுகாப்பு அனுமதிக்கு விண்ணப்பிக்க வேண்டும்.

இதுவே அலுவலக காரியமாக/ அல்லது கல்வி காரணங்களுக்காக செல்வோருக்கு பதுகாப்பு அனுமதி முறை வேறானது, சற்று இலகுவானது. எனது பயணம் கல்வி பயணமாக இருந்ததால் இந்த முறையிலேயே நானும் எனது பள்ளி தோழர்கள், மற்றும் எம்முடன் துணை வந்த ஆசிரியர்களும் அனுமதி பெற்றோம். அதைப்பற்றியும், கப்பல் பயண சீட்டு பெறுவது பற்றியும் அடுத்த பதிவில் பார்க்கலாம்.

தொடரும்...............

Our lady of Lourdes church, Cook's creek

2008-06-30T20:01:00.004-05:00

Our lady of Lourdes church, Cook's creek, Manitoba, Canada
22/06/08

மனிரோபா மானிலத்தில் இருக்கும் கூக்ஸ் கிறீக் எனும் இடத்தில் உக்கிரேனிய சமூகத்தவர்களால் அமைக்கப்பட்ட தேவாலயம். இது பொதுவாக யாத்திரை தலமாகவும் விளங்கிவருகிறது. ஆகஸ்ட் மாதத்தில் பொதுவாக பல இடத்திலிருந்தும் இங்கு யாத்திரையாக வந்து மக்கள் கூடுவார்கள். மனிரோபா மானிலத்தின் தலைநகரான வின்னிபெக்கில் கூட இப்படி பெரிய தேவாலயங்களை காண முடியாது.

வின்னிபெக் முருகன் வருடாந்த உற்சவம்

2008-06-29T23:09:00.015-05:00

Winnipeg Murugan annual festival 20/06/08

கனடாவின் ஏனைய நகரங்களான ரொறான்ரோ, மொன்றியால், எட்மன்ரன், வன்கூவர் போன்ற நகரங்கள் போன்று அல்லாது வின்னிபெக் நகரில் தமிழ் மக்களின் எண்ணிக்கை மிக குறைவு. இதனால் தென்னிந்திய பாணியிலான கோயில்கள் எதுவும் இல்லை. அதிக அளவில் வட இந்திய மக்கள் இருப்பதால் இங்கு இருக்கும் கோயில்கள் வட இந்திய முறையில் அமைந்திருப்பதுடன், பூசைகளும் வட இந்திய முறையிலேயே நடப்பது வழக்கம். இங்கிருக்கும் தமிழர்களால் வட இந்திய முறையில் அமைந்த கோயிலில் முருகன் சிலை பிரதிஸ்டை செய்யப்பட்டு, அவ்வாறு பிரதிஸ்டை செய்ததன் மூன்றாம் ஆண்டு நிறைவு நிகழ்விற்கு போகும் சந்தர்பம் கிடைத்தது.

நீண்ட நாட்களுக்கு பின்னர் தவில் நாதஸ்வர இசையை நேரடியாக ரசிக்க முடிந்தது. அத்துடன் ஊரில் சுவாமி வீதி வலம் வருவதுபோல இங்கும் செய்திருந்தார்கள்.

கோயிலை பற்றியும் குழறுபடிகள் பற்றியும் சில குறிப்புக்கள்.

சில நல்ல விடயங்கள்

1. கோயிலில் ஒவ்வொரு வெள்ளி கிழமை மாலையும் தமிழர்களது பூசை நடைபெறுமாறும் ஒழுங்கு செய்துள்ளார்கள்.

2. கோயில் பூசகர் வட இந்திய பூசகராக இருப்பதால் பூசையில் பெரும்பாலான நேரம் தேவாரம், திருவாசகம், திருப்புகள், மற்றும் தமிழ் பஜனை பாடல்களாகவே இருக்கும். இதை ரோரன்ரோவிலோ ஏனைய தமிழ் மக்கள் அதிகம் இருக்கும் இடங்களில் உரிய கோயில்களிலோ எதிர்பார்க்க முடியாது. ஆகம வழி பூசை என்று முழுவதும் சமஸ்கிருததிலேயே முடிந்து விடும். இதனாக் இங்குள்ள சிறுவர்கள் தமிழ் பேசுகிறார்களோ இல்லையோ தேவாரம் பாட தெரிந்து வைத்திருக்கிறார்கள். பாடல்களுக்கு தபேலா, மிருதங்கம் போன்ற இசை கருவிகளை இசைக்க தெரிந்து வைத்திருக்கிறார்கள்.

ஊரில் பாடசாலைகளில் தேவாரம் பாடி முடிய சொல்வது போல, இங்கும் பூசை முடிய இன்பமே சூழ்க, எல்லோரும் வாழ்க, தென் நாடுடைய சிவனே போற்றி என் நாட்டவர்க்கும் இறைவா போற்றி என்பவை சொல்லி பூசையை முடிக்கிறார்கள். இதை எந்த ஒரு தமிழர்களது கட்டுப்பாட்டில் இருக்கும் தென் இந்திய கட்டிட அமைப்பில் அமைந்த கோயில்களில் எதிர் பார்க்க முடியாது.

3. விசேட பூசை தினங்களில் இலவச உணவு நிச்சயம்.

4. கோயில் மண்டபத்தில் தமிழ் வகுப்புக்கள் நடை பெறுவது வழக்கம்.

குழறுபடிகள்

தமிழன் என்றோர் இனமுண்டு, அவனுக்கு தனியே ஒரு குணம் உண்டு. அது ஒருவரையும் முன்னுக்கு வர விடமையும், எதாவது காரியங்கள் நல்லபடி நடந்தால் அதை குழப்புவது எப்படி என்று சந்தர்ப்பம் பார்த்து காத்திருப்பது.

1. முன்னர் வட அமெரிக்க தமிழ் சங்கங்களையும், கோயில் நிர்வாகத்தையும் கைப்பற்றுவது எப்படி என யாரோ வலைப்பதிவில் எழுதியிருந்தார்கள். வின்னிபெக்கில் இருப்பதோ 30-50 தமிழ் குடும்பங்கள். அவர்களுக்குள் கோயில் நிர்வாகத்தை கூட அல்ல வட இந்திய மக்களுடைய கொயிலில் தமிழ் மக்கள் சிறப்பாக கொண்டாடும் தினங்களில் பூசைகளை ஒழுங்கு செய்யும் குழு நிர்வாகத்தை கைப்பற்றுவதில் போட்டி சண்டை, கைகலப்பு என போய் சிலர் தமிழர்களால் ஒழுங்கு செய்யப்படும் பூசைகளுக்கு வருவதில்லை.

2. முருகன் சிலையை வைப்பதற்கு கோயில் நிர்வாகதில் பேசி அவர்களை உடன்பட வைத்த பிற்பாடு யார் முருகன் சிலையை இந்தியாவில் இருந்து செய்து வரவளைப்பது என்பதில் நீயா நானா போட்டி. முதலில் செய்யப்பட்ட முருகன் சிலை போட்டியால் களஞ்சிய அறையில் இருக்க புதிதாக சிலை செய்வித்து வைத்திருக்கிறார்கள்.

3. கோயில் வருடாந்த உற்சவத்தில் ஊரில் சாமி காவும் போது சில உள்ளுர் மைனர் மார் முன் வரிசையில் இடம் பிடிக்க அலைவது போலவும், சாமில் இருப்பில் இருந்து புறப்படும் போதும், சுவாமி இருப்புக்கு திரும்பும் போதும் தங்களே காவ வேண்டும் என்று அலைவது போலவும் இங்கும் சில பேர்.

4. பூசகர் வட இந்தியராக இருப்பதால் வட இந்தியர்கள் சுவாமி விக்கிரகங்களை தொட்டு வணங்கவும், அவர்களே பாலால், அல்லது ஏனைய அபிசேகங்களை செய்யவும் அனுமதிப்பது போல தமிழர்களின் பூசை நேரமும் பூசகர் செய்ய முற்பட்ட போது இங்குள்ள சிலர் எமதூரில் இப்படி அனைவரும் தொட்டு வணங்கக அனுமதிப்பதில்லை. இதன் அடி நாதமே சாதி என்பதில் இருந்து தான் வருகிறது. எனவே தமிழர்களின் பூசை நேரம் அவ்வாறு அனுமதிக்க கூடாது என சண்டை பிடிததாகவும் அறிய முடிந்தது. கடவுள் வழி கொடுத்தாலும் பூசாரி வழி கொடுக்க மாடார் என பழ மொழி சொல்வார்கள். ஆனால் இங்கு பூசைக்கு இருக்கும் பிராமணர் அனைவரையும் அனுமதிக்க தயார். ஆனால் எம்மவர்கள் அதுக்கு குறுக்கே தலைகிழாக நிற்கிறார்கள்.

5. முருகன் என அழகான தமிழ் பெயர் இருக்கிறது. வலைதளத்தையும் வின்னிபெக் முருகன் என வைத்திருக்கிறார்கள். ஆனால் வலைதளத்தில்/ கோயில் விழா நிகழ்ச்சி நிரல்களில் முருகனை வட மொழி பெயரில் கார்த்திக் என எழுதுவதில் ஒரு பெருமை :(.
ஆரிடம் சொல்லியழ.

Gaypride parade

2008-06-29T21:16:00.018-05:00

Gaypride, Winnipeg, Manitoba
08/06/2008

ஒரு பாலினருக்கிடையேயான திருமணத்தை சட்ட ரீதியாக அங்கிகரித்த நாடுகளில் கனடாவும் ஒன்று. ஆனால் ஒரு பாலினத்தினருக்கிடையேயான உறவு என்பது இப்போதும் எல்லா கனேடிய மக்களாலும் மனத்தளவில் அங்கிகரிக்கப்பட முடியாததாகவும், வெளியே ஒரு பாலின நாட்டமுள்ளவர்களை சமமானவர்களாக மதிப்பதாக காட்டி கொண்டாலும், அவர்களுக்கேதிரான வனமுறைகளும், அவர்களை பாகுபாடாக நடத்துவதும் தொடர்ந்து கொண்டு தான் இருக்கிறது. கனடாவில் நடைபெறும் பாலியல் தொடர்பான வெறுப்பு வன்முறைகளில் 80% ஒரு பாலின நாட்டமுடையவர்களை குறிவைத்தே நடாத்த படுவதாகவும் ஆய்வு முடிவுகள் தெரிவிக்கிறன.

இந்த நிலையில் பெரும்பாலான ஐரோப்பிய, அமெரிக்க நாடுகளில் ஒரு பாலின நாட்டமுடையவர்களுக்கான சம உரிமையை வேண்டி வருடாந்தம் நடைபெறும் ஊர்வலத்தில் வின்னிபேக் நகரத்தில் நடந்த ஊர்வலத்தில் எடுத்த படங்கள்.

வானவில் வண்ண கொடி

ஒரு பால் நாட்டமுள்ளவர்கள், மற்றும் திரு நங்கைகளை குறிக்க பயன் படும் கொடி- அறிமுகப்படுத்தி 30 ஆண்டு ஆகிறதாக சொல்கிறாகள்.

கொடியின் நிறங்கள் குறிக்கும் விடயங்கள்

hot pink - sexuality
red - life
orange - healing
yellow - sunlight
green - nature
turquoise - magic
blue - serenity
violet - spirit

ஆதரவாக பல்கலைகழக மாணவர் ஒன்றியத்தினர்

ஆரிய கூத்தாடினாலும் காரியத்தில் கண்ணாயிருக்கும் மாணவர் ஒன்றிய ஊர்தி- மாணவர் பல்கலை கழக கட்டண குறைப்பை வேண்டும் பதாகை.

ஆதரவாக குழந்தைகளுடன் கலந்து கொண்ட மக்கள்

ஆதரவு தெரிவித்து ஊர்வலம் போகும் நாய்க்குட்டி

கலந்து கொண்ட மக்கள்

கடமையில் இருக்கும் பொலிஸ் வாகனம்

ஓரளவுக்கு திறந்த மனதுடன் அணுகும் சமுகத்திலேயே தமது பாலியல் நாட்டத்தை வெளியிட முடியமால் பலரும் அவதிப்படும் நிலையில், எமது சமூகங்களை பற்றி சொல்ல வேண்டியதிலை. மெல்லவும் முடியாமல் விழுங்கவும் முடியாமல் பாடசாலை மணவர்களையும், புரிந்து கொள்ள முடியாத வயதுடைய சிறுவர்களையும் தமது உணர்வுக்கு பலிக்கடாவாக்கும் சம்பவங்கள் பல வெளியே தெரிந்தும் தெரியாமலும் எமது ஊரில் நடப்பது தெரிந்தாலும் பலரும் பேச பிரியப்படுவதில்லை என்பது ஒரு முக்கியமான விடயம்.

கார கோதுமை தோசை :))

2008-06-07T22:31:00.005-05:00

கார கோதுமை தோசை

தேவையான பொருட்கள்

1 கப் - முழு கோதுமை மா/ ஆட்டா மா
1 கப் - சாதாரண கொதுமை மா
3- செத்தால் மிளகாய்/ காய்ந்த மிளகாய்
1- வெங்காயம் (பெரியது)
1/2 தே கரண்டி நற் சீரகம்
சுவைகேற்ப - உப்பு
1 கப்- தேங்காய் பூ
2 மே கரண்டி- மாஜரீர்ன்/ பட்டர்
தேவைகேற்ப -நீர்
2 மே கரண்டி-எண்ணேய்
2 கடுகு சீரகம், கறி வேப்பிலை - தாளிக்க

மின் அரைப்பான் (கிரைண்டர்) இல் காய்ந்த மிளகாய், வெங்காயம், சீரகம் என்பவற்றை போட்டு பொடியாக்கவும்.
அதனுடன் தேங்காய் பூவையும் சேர்த்து அரைக்கவும்.
கடுகு சீரகம், கறிவேப்பிலை யை தாளித்து அதனுடனுடன் அரைத்த கலவையை கலக்கவும் மென் சூட்டில் 1 நிமிடம் கிளறி சேர்க்கவும்.

முழு கோதுமை மா, சாதாரண கோதுமை மா மாஜரீன்/ பட்டர், உப்பு ஆகியவற்றை நன்றாக கலக்க்கவும்.
மா கலவையுடன் அரைத்த கூட்டை சேர்த்து நன்கு கலக்கவும்
கலவைக்கு தோசை மா பதம் வரும் வரை நீர் சேர்த்து கரைக்கவும். கரைக்கும் போது கோதுமை மா கட்டி படாமல் பார்த்து கொள்ளவும்.

15 நிமிடம் மா கலவையை மூடி வைக்கவும்

அடுப்பை பற்ற வைத்து தோசைக்கல்லை சூடக்கி இடையிடையே எண்ணை பூசி தோசைகளாக வார்த்து எடுக்கவும்.

நுண்ணுயிர் கொல்லிகளுக்கு எதிராக பக்ரீரியாக்கள் பயன் படுத்தும் பொறிமுறைகள்

2008-05-13T23:30:00.005-05:00

நுண்ணுயிர் கொல்லிகளுக்கு எதிராக பக்ரீறியாக்கள் பயன் படுத்தும் பொறிமுறைகள்

Mechanisms of antibiotic resistance

நுண்ணுயிர் கொல்லி பாவனையும் தாக்கங்களும் பற்றி முன்னர் எழுதிய பதிவு

மிக நீண்டகாலமாக மனிதனுக்கு நோய் ஏற்படுத்தும் அங்கிகளுக்கு/ காரணிக்களுக்கெதிராக மனிதன் போரடியே வந்துள்ளான். சின்னமுத்து, அம்மை, போலியோ போன்ற வைரஸ் நோய்களுக்கெதிரான தடுப்பூசிகள இந்நோய்களை கட்டுப்பாட்டுக்குள் கொண்டுவர உதவியது. பக்ரீரியாக்களுக்கெதிரான (Bacteria) நோய்களை கட்டுப்படுத்துவதில் 1940 ஆம் ஆண்டளவில் கண்டுபிடிக்கப்பட்ட பென்சிலின் (Penicillin)மற்றும் அதன் தொடர்ச்சியாக கண்டுபிடிக்கப்பட்ட ஏனைய நுண்ணுயிர் கொல்லிகளும் (Antibiotics) பெரும் பங்காற்றின என்றால் மிகையில்லை. ஆனால் பென்சிலின் கண்டுபிடிக்கப்பட்ட சில ஆண்டுகளுக்குள்ளேயே அதனை எதிர்த்து வளர/ பெருக்கக்கூடிய பக்ரீரியாக்களும் உருவாக தொடங்கிவிட்டன.

எவ்வாறு பக்ரீரியாக்கள் இவ்வாறு எதிர்ப்பு தன்மையை பெற்றன? அதற்கான காரணங்கள் எவை? என்று பார்ப்பதற்கு முன்பாக இந்த நுண்ணுயிர் கொல்லிகள் எவ்வாறு பக்ரீரியாவை கொல்கிறன என்பதை விளங்கி கொள்வது அவசியமானது.

பொதுவாக 4 வகையான செயற்பாடுகள் மூலம் நுண்ணுயிர் கொல்லிகள் பக்ரீரியாக்களை கொல்கிறன.

1. கலச்சுவர்த் தொகுப்பை தடுத்தல்- interference with cell wall synthesis

கலச்சுவர்த் தொகுப்பை தடுக்கும் நுண்ணுயிர்கொல்களுக்கு உதாரணமாக

a) பிற்ற- லக்ராம் (Beta-lactam): penicillins, cephalosporins, carbapenems, monobactams

இவை கலச்சுவர் தஒகுப்பதற்கு தேவையான நொதியங்களின் செயற்பாட்டை தடுக்ப்பதன் மூலம் பக்ரீரியாக்கள் கலச்சுவரை தொகுக்கமுடியாமல் இறக்கிறன.

b) கிளைக்கோ புரதங்கள் : Glycopeptides : vancomycin, teicoplanin

இவை கலச்சுவர் தொகுப்பில் போது உருவாகும் பதார்த்ததிற்கிடையே குறுக்கு பிணைப்புக்கள் ஏற்படுவதை தடுக்கிறன.

2. புரதத் தொகுப்பை நிரோதித்தல்- inhibition of protein sysnthesis

இவற்றிற்கு உதாரணமாக:

Macrolids, aminoglycosides, tetracyclines chloramphenicol, streptogramins, oxazolindones
ஆகியவற்றை சொல்லலாம்.

3. கருஅமிலங்களின் தொகுப்பை தடுத்தல்- interference with nucleic acid synthesis

இவற்றிற்கு உதாரணமாக:
Fluroquinolones சொல்ல முடியும், இவை கரு அமிலமான DNA தொகுப்பை தடை செய்கிறன.

4. கல அனுசேப செயன்முறையை நிரோதித்தல்- inhibition of metabolic pathway

இவற்றிற்கு உதாரணமாக trimethoprim, sulfonamides சொல்ல முடியும். இவை பொலிக் அமில தொகுப்பை நிரோதிப்பதன் மூலம் இறுதி விளைவாக கரு அமில தொகுப்பை நிரோதிக்கிறன.

இந்த நான்கு முக்கிய விளைவுகளுக்கு மேலதிகமாக ஐந்தாவதாக சில நுண்ணுயிர் கொல்லிகள் கல மென்சவ்வை குழப்புவதன் மூலம் சில பக்ரீரியாக்களை கொல்வதாகவும் நம்பப்படுகிறது.
உதாரணமாக polymyxins

ஏன் நுண்ணுயிர் கொல்லிகளுக்கு எதிர்ப்புத்தன்மையுள்ள பக்ரீரியாக்களை பற்றி அதிகம் கவனிக்க வேண்டியுள்ளது?

மனிதருக்கு நோயை ஏற்படுத்தும் பல பக்ரீரியாக்கள் உதாரணமாக

Klebsiella pneumoniae: bacterial pneumonia, urinary tract infections

Psudomonas spp.: bacterial pneumonia பொதுவாக நோய் எதிர்ப்பு தன்மை குறைந்தவர்களில் தொற்றுக்களை ஏற்படுத்தக்கூடியது.

Strephylococci : சாதாரணமான தோலில் ஏற்படும் காயங்களில் தொற்று ஏற்படுத்தல் போன்ற சாதாரணமான நோய்களில் இருந்து உயிராபத்தை ஏற்படுத்தக்கூடிய pneumonia, meningitis, osteomyelitis endocarditis, Toxic shock syndrome (TSS) septicemia போன்றவற்ரையும் ஏற்படுத்த கூடியது.

Enterococci : பொதுவாக urinary tract infections, bacteremia, bacterial endocarditis, diverticulitis, meningitis ஆகியவற்றை ஏற்படுத்தக்கூடியது.

இவை பொதுவாக வைத்தியசாலை சூழலில் காணப்படக்கூடிய பக்ரீரியாக்களாக இருப்பதுடன், வைத்திய சாலை சூழலில் போதுமான கவனிப்பற்ற நிலையியிருப்பின் இலகுவில் பரவலடைய கூடியன.

இவ்வகை பக்ரீரியாக்கள் நுண்ணுயிர் கொல்லிக்கு எதிர்ப்பு தன்மையை பெறும் போது சாதாரண நுண்ணுயிர் கொல்லிகளின் மூலம் கட்டுப்படுத்த முடியாது போவதுடன், நோயாளிகளின் குருதியிலும் தொற்றுதல் அடைகிறன.

மேலும் இவை இலகுவில் பரவலடைந்து நோயை கட்டுப்பாட்டுக்குள் கொண்டுவருவது இயலாத காரியமாக மாறவும் முடியும்.

அத்துடன் நீண்ட காலமாக தொட்ற்சியாக குறிப்பிட்ட சில நுண்ணுயிர் கொல்லிகளை நோயாளிக்கு சிகிச்சைக்கு பயன்படுத்துவதன் மூலம் சிறிதளவான எதிர்ப்புத் தன்மை உள்ள நுண்ணங்கிகள் உருவாக முடியும். இவை சாதாரணமான பரிசோதனைகளில் அடையாளம் காண முடியாது போகலாம்.

நுண்ணுயிர் கொல்லிகளுக்கு எதிராக பக்ரீரியாக்கள் கொண்டுள்ள எதிர்ப்பு பொறிமுறைகள்

சில வகையான பக்ரீரியா இனங்கள் ஒன்றோ அல்லது ஒன்றுக்கு மேற்பட்ட நுண்ணுயிர் கொல்லிவகைகளுக்கோ எதிர்ப்பு தன்மை கொண்டவையாக இருக்கலாம். உதாரணமாக பிற்ற- லக்ராம் வகைகளுக்கு எதிர்ப்பு தன்மை.

பல வகையான நுண்ணுயிர் கொல்லி எதிர்ப்பு பொறிமுறைகளை பக்ரீரியாக்கள் வெளிப்படுத்த முடியும். அவற்றில் மிக முக்கியமாக கவனத்தில் கொள்ளப்பட வேண்டியது முன்னர் நுண்ணுயிர் கொல்லிகளுக்கு எதிர்ப்புத் தன்மையற்ற பக்ரீரியாக்கள் குறிப்பிட்ட நுண்ணுயிர் கொல்லிகளுக்கு எதிர்ப்புத் தன்மையை பெறுவதாகும். இவ்வாறு குறிப்பிட்ட நுண்ணுயிர் கொல்லிகளுக்கான எதிர்ப்பு தன்மையை பெற்று கொண்ட பக்ரீரியாக்கள், அதே வகையான நுண்ணுயிர் கொல்லிகள் தொடர்ந்தும் பாவிக்கப்படுவதால் ஏற்படுத்தப்படும் தேர்ந்தெடுக்கப்பட்ட அழுத்தம் காரணமாக இலகுவில் பல்கிபெருகுவதுடன் ஏனைய பகுதிகளுக்கும் பரவலடைய முடியும்.

உதாரணமாக பென்சிலின் எனும் நுண்ணுயிர் கொல்லிக்கு X எனும் வகை நோய் விளைவிக்கும் பக்ரீரியா எதிர்ப்பு தன்மையை பெறுகிறது என கொள்ளுவோம். மனித/ மனிதன் வளர்க்கும் விலங்குகளின் உணவு சமிபாட்டு (ஜீரண) தொகுதி இயற்கையில் பல வகையான நன்மை விளைவிக்கும்/ தீங்கற்ற பக்ரீரியாகள் காணப்படுகிறன. இவற்றுடன் குறிப்பிட்ட X எனும் வகை நோய் ஏற்படுத்தும் பக்ரீரியாவல் போட்டி போட முடியாது. எனவே அவை மிக குறைந்த எண்ணிக்கையில், நோயை ஏற்படுத்த போதுமான எண்ணிக்கையில் இல்லாது இருக்கும். நாம் பென்சிலின் எனும் நுண்ணுயிர் கொல்லியை ஏதாவது ஒரு நோய்க்கு பயன்படுத்துகிறோம் என வைத்துகோண்டால், பென்சிலின் மூலம் X எனும் பக்ரீரியாவை கொல்ல முடியாது. ஆனால் உடலில் உள்ள தீங்கற்ற பக்ரீரியாக்களை கொல்ல முடியும். இதனால் X பக்றீரியாவுக்கு போட்டி இல்லது போகும். இந்த சூழ் நிலையை X பக்ரீரியா சாதகமாக்கி கொண்டு பல்கி பெருகும்.

எதிர்ப்பு பொறிமுறைகள்

படம்: 1 (http://www.scq.ubc.ca/attack-of-the-superbugs-antibiotic-resistance/)

1. குறிப்பிட்ட நுண்ணுயிர் கொல்லிகளை அழிவடையச்செய்யும் நொதியங்களை (enzymes)சுரப்பதற்கு தேவையான பரம்பரை அலகுகளை (Genes) பெற்று கொள்ளுதல். உதாரணமாக பிற்ற-லக்ராம் வகை நுண்ணுயிர் கொல்லிகளை (பென்சிலின்)அழிக்கும் நொதியங்களை சுரக்கும் வல்லமை பெறல். இதன் மூலம் குறிப்பிட்ட நுண்ணுயிர் கொல்லிகள் தமது தாக்குதல் இலக்கை (கலச்சுவர் தொகுப்பு இடம்) அடைய முதலே அழிவடைந்துவிடும் (படம் 1).

2. பக்ரீரியாக்கள் நுண்ணுயிர் கொல்லிகள் தமது இலக்கை அடையமுதல் அவற்றை கலத்துக்கு வெளியே(efflux pumps) வெளியேற்றும் பிறனை பெறல் (படம் 1).

3. பக்ரீரியா தமது அனுசேப செயன் முறையை மாற்றி அமைக்கக்கூடிய பல வகையான பரம்பரை அலகுகளை பெற்று கொள்ளுதல். இதன் மூலம் அவை கலச்சுவரில் நுண்ணுயிர் கொல்லி இணையும் இலக்கை அல்லது கல அனுசேப செயன்முறையை பாதிக்கும் இலக்கை முன்னைய இயல்பில் இருந்து மாற்றி அமைப்பதால் தொடர்ந்தும் குறிப்பிட்ட நுண்ணுயிர் கொல்லியால் செயற்பட முடியாது போகும்.

படம் 2 (http://www.scq.ubc.ca/attack-of-the-superbugs-antibiotic-resistance/)
பொதுவாக நுண்ணுயிர் கொல்லிக்கு எதிப்பு தன்மையற்ற பக்ரீரியா நுண்ணுயிர் கொல்லிக்கு எதிர்ப்பு தன்மையை விகாரம் (mutation), மற்றும் தேர்ந்த அழுத்தம் (Selection) காரணமாக பெற முடியும். அல்லது முன்னரே எதிப்பு தன்மை உள்ள பக்ரீரியாவில் இருந்து பரிமாற்றம், இணைப்பு, போன்றவற்றின் மூலம் பெற்று கொள்ள முடியும் (படம் 2).

முன்னரே எதிப்புத்தன்மை உள்ள பக்ரீரியா எப்படி தோன்றியது என்ற கேள்வி உங்களில் யாருக்கும் எழ முடியும்

இது முட்டை முதலில் வந்ததா கோழி முதலில் வந்ததா என்ற கேள்வி போன்றது தான்.

உதாரணமாக
பென்சிலின் எனும் நுண்ணுயிர் கொல்லியை உருவாக்குவது இயற்கையில் உள்ள பென்சிலியம் எனும் ஒரு பூஞ்சணம். இது இவ்வாறன நுண்ணுயிர் கொல்லியை உருவாக்குவதன் மூலம் தனக்கு போட்டியான பக்ரீரியாக்களை தோற்கடிக்க/ அழிக்க பயன்படுத்துகிறது. எனவே அதற்கு போட்டியாக இயற்கை சூழலில் உள்ள பக்ரீரியாக்கள் காலபோக்கில் எதிப்பு தன்மையை பெற முடியும். இயற்கையில் இவை ஒரு சமநிலையில் உள்ள நிகழ்வுகள்.

நான் எற்கனவே இதைப்பற்றி எழுத ஆரம்பித்திருந்தாலும் அகிலன் எழுதிய ஆஸ்பத்திரி ராணிகள் பதிவு இதை முழுமையாகக்க தூண்டியது.

அகிலன் மலேரியா ஏற்பட்ட காலங்களில் போதுமான வைத்தியர்கள் அற்ற சூழலில் மலேரியாவை கட்டுப்படுத்த மலேரியா மருந்துகளை எப்படி உட்கொள்ள வேண்டும் என்பதையும், வைத்திய ஆலோசனை இல்லாமலே மருந்தை பெற முடியும் என விளம்பரம் செய்து இருந்ததையும் சொல்லியிருந்தார். இது போர் ஏற்படுத்திய அவலம். அந்த சூழலில் வேறு வழியில் நோயை கட்டுப்படுத்த முடியாது என்பதும் நிதர்சனமான உண்மை. மலேரியாவை பக்ரீரியாக்கள் ஏற்படுத்துவதில்லை அவை புரோட்டோ சோவன் எனும் ஒரு கல அங்கிகளால் ஏற்படுகிறன. அவையும் அவற்றுக்கு எதிரான மருந்துகளுக்கு எதிர்ப்பை பெறுமா என்பது எனக்கு தெரியவில்லை. ஆனால் நான் தாயகத்தில் இருந்த காலத்திய சொந்த அனுபவமும், ஏனையவர்கள் செய்த நடைமுறைகளும் நீண்ட காலப்போக்கில் தாயகத்தில் எவ்வகையான விளைவை ஏற்படுத்தும் என்பதை சிந்திக்க வேண்டியுள்ளது.

தாயகத்தில் காய்ச்சல் (ஜுரம்) வரும் போது சில நேரம் வைத்தியர்கள் நுண்ணுயிர் கொல்லி (பென்சிலின்/ அமொக்சிலின்), விற்றமின் சி, வலி நிவாரணி (பனடோல்) போன்றவற்றை எந்த பரிசோதனையும் இன்றி வழங்குவது வழக்கம். பரிசோதனைக்கு வசதிகள் இல்லை, வைத்தியர்கள், தொழில் நுட்பவியலாளர்கள் போதுமான அளவில் இல்லை என்பது போர் தந்த அவலம். இரண்டாம் முறையும் காய்ச்சல் என்று சென்றால் அதே மருந்துகள் கொடுக்கப்பட்டால், முன்றாம் முறை காய்ச்சல் வந்தால் யாரும் வைத்தியரை நாட மாட்டார்கள். சமையல் குறிப்பு போல் அதே மருந்துகளை மீண்டும் தாங்களே மருந்தகங்களில் வாங்கி உள்கொளுவார்கள். நானும் செய்திருகிறேன். இப்படி போதிய கவனமற்று மருந்துகளை உட்கொள்ளுவது நுண்ணுயிர் கொல்லிக்கு எதிர்ப்பு தன்மையுள்ள பக்ரீரியாக்கள் உருவாகவும்,பின்னர் நோய்களை சாதாரண நுண்ணுயிர் கொல்லிகளால் கட்டுபடுத்த முடியாத நிலையை ஏற்படவும் கூடும்.

பிற்குறிப்பு: அற்புதன் இதைப்பற்றி எழுத சொல்லி ஒருவருடம் முன்னர் எழுதிய முந்திய பதிவில் கேட்டிருந்தார். அது இப்போ தான் நிறைவேறியிருக்கிறது.

எல்லோரும் சேர்ந்து ஆடுங்கள்

2008-04-03T21:19:00.002-06:00

பத்து பேர் சேர்ந்து ஆடினாலே கும்பல்ல கோவிந்தா போடுற மாதிரி இருக்கும். இதிலை இவ்வளவு பேரும் சேர்ந்து எவ்வளவு சீராகா ஆடுகிறார்கள்.

Couscous புட்டு அவிக்கலாம் வாங்க

2008-03-16T19:46:00.007-06:00

இந்த செய்முறை 2 பேருக்கு போதுமானது.

250 கிராம் Couscous ஐ எடுத்து எடுத்து உங்கள் சுவைக்கேற்ப உப்பை கலந்து பின் மூடக்கூடிய ஒரு பாத்திரத்தில் பரவிவிடுங்கள்.

நன்கு கொதித்த சுடு நீரை பாத்திரத்தில் Couscous இனை மூடி, ஒரு
சென்ரி மீற்றர் உயரத்திற்கு சேருங்கள்.

பாத்திரத்தை இறுக்கமாக மூடி 5 - 6 நிமிடங்கள் வையுங்கள்.

இப்போது Couscous சுடு நீரில் வெந்து நீங்கள் இட்டதை போல் 3 மடங்கிற்கு வந்திருக்கும்.

அவிந்த Couscous இற்கு துருவிய தேங்காய்/ உலர்ந்த தேங்காய் துருவலை கலந்து அப்படியே கறி/ கூட்டு/ பொரியல் போன்றவற்றுடன் உண்ணலாம்.

அல்லது

புட்டு அவிக்கும் குளாயில் குளாய் புட்டு அவிப்பது போல தேங்காய் பூ, அவிந்த Couscous என்பவற்றை படை படையாக இட்டு அவித்து எடுத்தால் குளாய் புட்டு தயாராகிவிடும்.

பின்னர் உங்களுக்கு பிடித்த கறி/ கூட்டு / பொரியலுடன் சாப்பிடலாம்.

சங்கீத ஜாதி முல்லை.....

2008-01-07T22:29:00.000-06:00

படத்தின் காணொளி

விஜய் ரிவி சுப்பர் சிங்கர் ஜூனியர் கிருஸ்ண மூர்த்தி

Clostridium botulinum - உணவு மூலம் பரவும் நோயாக்கிகள் -9

2007-12-25T20:17:00.001-06:00

மாட்டு பைத்திய நோய்- உணவு மூலம் பரவும் நோயாக்கிகள் - 8

2007-12-24T12:54:00.000-06:00

1. உணவு மூலம் பரவும் நோயாக்கிகள்- 1 : அறிமுகம்
3.Listeria monocytogenes (லிஸ்ரிரியா மொனொசைற்றோஜீனஸ்) - உணவு மூலம் பரவும் நோயாக்கிகள் - 3

4. Escherichia coli O:157: H7 - உணவு மூலம் பரவும் நோயாக்கிகள் - 4

5. Yersinia enterocolitica - உணவு மூலம் பரவும் நோயாக்கிகள் - 5

6. Campylobacter: உணவு மூலம் பரவும் நோயாக்கிகள் - 6

7. Salmonella - உணவு மூலம் பரவும் நோயாகிகள் -7

மாட்டு பைத்திய நோய் உணவு மூலம் பரவும் நோயாக்கிகள் -8

மாட்டு பைத்திய நோய்? (Mad cow disease) என பொதுவாக அறியப்பட்ட நோயால் ஐக்கிய இராச்சியத்தின் மாட்டு இறைச்சி (beef) உற்பத்தி 1990 களில் மிகவும் பாதிப்புக்கு உள்ளானது உங்களில் பலருக்கு நினைவிருக்கலாம். இதனால் 2 மில்லியனுக்கும் மேற்பட்ட மாடுகள் பாதிக்கப்பட்டன. அதன்பிற்பாடு வட அமெரிக்க நாடுகளான கனடா, ஐக்கிய அமெரிக்கா உட்பட பல நாடுகளில் இதன் தாக்கம் அறியப்பட்டதுடன் மாட்டு இறைச்சி உற்பத்தியாளர்களுக்கு அதிக நட்டத்தையும் ஏற்படுத்தியது.

தற்போது இந்த நோய் கட்டுப்பாட்டுக்குள் கொண்டுவரப்பட்டதாக சொல்லப்பட்டாலும் அண்மையில் மீண்டும் கனடாவில் இதன் தாக்கம் 13 வயதான பசு மாடு ஒன்றில் கண்டுபிடிக்கப்பட்டதை அடுத்து ஐக்கிய அமெரிக்கா, ஜப்பான் உட்பட மேலும் பல நாடுகள் கனடாவின் மாட்டு இறைச்சியை இறக்குமதி செய்வதை தற்காலிகமாக நிறுத்தியுள்ளதாக தெரிவிக்கப்பட்டுள்ளது. இந்த நோய் கண்டுபிடிக்கப்பட்ட மாடு கனடாவில் மாடுகளுக்கு வழங்கும் தீவனங்கள் தொடர்பான கட்டுப்பாடுகள் வருவதற்கு முன்னர் பிறந்தது என சொல்லப்படுகிறது. (தீவனத்துக்கும் இந்த நோய்க்கும் என்ன தொடர்பு என நினைப்போர் தொடர்ந்து படியுங்கள்).

மாட்டு பைத்திய நோய் (Mad Cow Disease)

பொதுவாக மாட்டுப்பைத்திய நோய் என அழைக்கப்பட்டாலும் இதனை விஞ்ஞானத்தில் BSE (bovine spongiform encephalopathy) என்ற பெயரிலேயே அழைப்பர். இது மாடுகளின் மைய நரம்பு தொகுதியான மூளை, முண்ணான் போன்றவற்றை பட்டிப்படியாக பாதிக்கும் (neurological disorder) ஒரு நோயாகும். இந்த நொயை ஏற்படுத்துவது முன்னர் உணவு மூலம் பரவும் நோயாக்கிகள் என்ற பகுதிகளில் சொல்லப்பட்ட நோயாக்கிகள் போல உயிருள்ள ஒரு அங்கி (பக்றீரியா) அல்லாது இயல்பான அமைப்பில் இருந்து மாறுபட்ட பிரயோன் எனும் புரதம் ஆகும் (modified form prion protein).

இது எப்படி மாடுகளுக்கு பரவியிருக்க முடியும்?

எப்படி பரவியிருக்க முடியும் என்பதற்கான பதில் இன்னும் தெளிவாக கண்டறியப்படவில்லை. ஆனால் பொதுவாக தற்போது ஏற்றுக்கொள்ளப்பட்ட பரவல் மூலமாக

1. நோய் ஏற்பட்ட மாட்டின் எலும்பு மற்றும் இறைச்சியை கொண்ட மாட்டு தீவனங்கள் பயன்படுத்தப்பட்டமை
2. செம்மறி ஆட்டில் அறியப்பட்ட பிரயோன் நோய் பதிப்புக்கு உட்பட்ட(scrapie-infected) ஆடுகளில் இருந்து பெறப்பட்ட எலும்பு மற்றும் இறைச்சி தீவனத்தை மாட்டுக்கு பயன்படுத்தியமை

ஆகியன சொல்லப்படுகிறன.

இதற்கு மேலதிகமாக இன்னும் ஒரு கருத்து நிலவுகிறது. இந்த நோயானது இந்தியாவில் இருந்து இறக்குமதி செய்யப்பட்ட மாட்டு தீவனங்கள், உயிருள்ள விலங்கள் மூலம் பரவியிருக்கலாம் என்பதே.

அதிலும் இதைப்பற்றி ஆராய்ச்சி கட்டுரை ஒன்றை வெளியிட்ட பேராசிரியர் ஒருவர் சொல்லியிருப்பது இந்திய கலாச்சாரத்தின் ஒரு வழக்கமாக மனித உடல்களும் விலங்கு உடல்களும் ஆற்றில் வீசப்பட்டிருக்கலாம் என்றும் அவ்வாறு விசப்பட்டவற்றில் CJD எனும் நோய் தாக்கத்துக்குட்பட்ட மனித உடல்களும் விலங்கு உடல்களும் இருக்கலாம் என்றும், பின்னர் விலங்கு தீவனத்துக்காக எலும்பு சேகரிப்போர் அவற்றை சேகரித்து விலங்கு உணவு தயாரிப்புக்கு கொடுத்திருக்கலாம் என்றும் அந்த உணவு இறுதியில் ஐக்கிய இராச்சியத்தை அடைந்து நோய்க்கு காரணமாக இருக்கலாம் என்றும் கூறுகிறார்.

எது எப்படியிருந்தாலும் எலும்பு மற்றும் இறைச்சியை கொண்ட விலங்கு தீவனங்கள் இந்நோய் பரம்பலுக்கு முக்கிய காரணம் என்பதில் சந்தேகம் இல்லை.

நோயாக்கி

இந்த நோய் ஏற்படுத்தும் பிரயோன் (prion protein)புரதம் பற்றி அதிகம் அறியப்படவிட்டாலும் சாதாரண பிரயோன் புரத்தின் அமைப்பில் ஏற்பட்ட அமைப்பு மாற்றமே முக்கிய காரணம் என சொல்லப்படுகிறது.

இந்த புரதத்தின் அமைப்பில் ஏற்படும் அசாதாரண மாற்றம் காரணமாக
1. புரத்தை சமிபாடைய செய்யும் அல்லது நீர்பகுப்பு (Protein hydrolysis) நொதியங்கள் (enzymes) இலகுவில் இதைனை பிரிந்தழிய செய்வதில்லை
2. இதன் அமைப்பு காரணமாக அமில, காரங்களாலும் இலகுவில் இதனை அழிக்க முடிவதில்ல்லை
3. அசாதரணமான வெப்பத் தாங்கு திறன் காரணமாக இதனை சமைப்பதன் மூலம் அழிக்க முடியாது. அதே போல தகரத்தில் இறைச்சி அடைக்கும் செயல் முறை மூலமும் அழிக்க முடியாது. எனவே ஏனைய உயிருள்ள நுண்ணங்கி நோய்களை போல சமைத்து உண்ணுதல் என்பது இந்த நோயை கட்டுப்படுத்த உதவாது.

நோய் அரும்பு காலம்

இதன் நோய் அரும்பு காலம் 1-2 வருடங்களாகும். அதாவது நோய்க்காரணியான பிரயோன் புரத தொற்று ஏற்பட்டு அதன் அறிகுறிகள் தெரிய குறைந்தது 1-2 வருடங்களோ அல்லது அதற்கு மேலோ செல்லலாம்.

இதனால் மனிதனில் ஏற்படும்பாதிப்பு?

மனிதரில் Creutzfeldt-Jakob disease (CJD) எனும் பிரயோன் நோய் மூளையை பாதிப்பது அறியப்பட்டுள்ளது. இது ஒரு கடத்தப்படக்கூடிய மூளையை கடற்பஞ்சு (Sponge) போல மாற்றக்கூடிய ( spongy degeneration of the brain ) ஒரு நோய் ( Transmissible Spongiform Encephalopathy) ஆகும். இதனால் மூளை தனது செயற்பாட்டை படிப்படியாக இழக்கும்.

பட மூலம்: http://www.health.qld.gov.au

இதே போன்று ஐக்கிய இராச்சியத்தில் மாட்டு பைத்திய நோய் அறியப்பட்ட பிற்பாடு vCJD எனும் நோய்த்தாக்கம் அதிக அளவில் அறியப்பட்டது. இது மனிதரில் பரவ காரணம் மாட்டு பைத்திய நோய்க்கு(BSE) காரணமான பிரயோனாக இருக்கலாம் என கருதப்படுகிறது. ஆனால் இன்னும் பூரணமாக நிருபிக்கப்படவில்லை.vCJD தாக்கத்தால் கிட்டத்தட்ட 165 பேருக்கு மேல் மாட்டுபைத்திய நோய் அறியப்பட்ட பின் இறந்திருக்கிறார்கள்.

இது எப்பிடி இருக்கு...

2007-12-23T22:24:00.000-06:00

பொதுவாகவே கனடா குளிரான நாடு என சொல்லப்பட்டாலும், கனடாவில் நான் இருக்கும் பிரதேசம் மிகவும் குளிர் அதிகமான பிரதேசம். சில நேரங்களில் வெப்பநிலை காற்றின் தாக்கத்தால் -45 பாகை டிகிரி செல்சியஸ் வரை உணரப்படுவதுண்டு.

பொதுவாக நவம்பர் மாதத்தில் பனி பொழிவு ஆரம்பித்தால் அடுத்த வருடம் மார்ச் மாதம் இறுதி/ ஏப்பிரல் மாத ஆரம்பம் வரை வரை பனி உருகுவதில்லை.

இந்த வாருடம் சில படங்க்கள் எடுத்திருந்தேன். பார்த்து உங்கள் கருத்தை சொல்லுங்கள்.

என்னை தேடி காதல் என்ற வார்த்தை அனுப்பு

2007-12-16T22:44:00.000-06:00

படம் பெறப்பட்டது : http://seen.evgenidinev.com

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடும் முன் செய்தி அனுப்பு ஓ

என்னிடத்தில் தேக்கிவைத்த காதல் முழுதும் - உன்னிடத்தில்
கொண்டுவர தெரியவில்லை
காதல் அதை சொல்லுகின்ற வழி தெரிந்தால் சொல்லியனுப்பு ஓ

பூக்கள் உதிரும் சாலை வழியே பேசி செல்கிறேன்
மரங்கள் கூட நடப்பது போலே நினைத்து கோள்கிறேன்
கடிதம் ஒன்றில் கப்பல் செய்து மழையில் விடுகிறேன்
கனவில் மட்டும் காதல் செய்து இரவை கொல்கிறேன்

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடும் முன் செய்தி அனுப்பு ஓ ஓ

(..........!)

யாரோ உன் காதலில் வாழ்வது
யாரோ உன் கனவினில் நிறைவது யாரோ
என் சலனங்கள் தீர்த்திட வாராயோ
ஏனோ என் இரவுகள் நீள்வது
ஏனோ ஒரு பகல் என சுடுவது
ஏனோ என் தனிமையின் அவஸ்தைகள் தீராதோ
காதல் தர நெஞ்சம் காத்து இருக்கு
காதலிக்க அங்கு நேரமில்லையா?
இலையை போல் என் இதயம்
தவறி விழுதே.....

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடும் முன் செய்தி அனுப்பு ஓ ஓ

பூக்கள் உதிரும் சாலை வழியே நடந்து செல்கிறேன்
மரங்கள் கூட நடப்பது போலே நினைத்து கோள்கிறேன்

ennai thedi
kathal...

விஜய் ரீவி யில் ஒளிபரப்பாகும் காதலிக்க நேரமில்லை எனும் தொடர் நாடகத்தின் தொடக்க இசை.

பாடியவர்: ?
பாடலை எழுதியவர்: ?

காதலிக்க நேரமில்லை நாடகத்தில் திரைப்படங்கள் போலவே இடையிடையே பாடல்களையும் இணைத்து வருகிறார்கள்.

அவ்வாறு இடம் பெற்ற மேலும் ஒரு பாடல் காணொளியாக கீழே......

பிற்குறிப்பு: இதை பாத்திட்டு கானா பிரபா இவரும் "மாட்டிட்டார்" எண்டு விபரீதமா கற்பனை பண்ணி தனது உடம்பை கெடுத்துகொள்ள வேண்டாம் எண்டு அன்பாக கேட்டு கொள்கிறேன் :).

கணினிக்கு மரண சடங்கு.....

2007-12-11T11:45:00.000-06:00

பழைய mainframe computer க்கு Jazz இசையுடன் ஒரு மரணசடங்கை நடாத்தி முடித்திருக்கிறார்கள். இந்த நிகழ்வை நேரில் பார்த்ததில்லை.

சும்மா குளிருதில்ல....

2007-11-29T20:46:00.000-06:00

ஒரு வாரமாக எங்கும் எதிலும் வெண்மை..... இனி 5 மாதத்துக்கு......

விஜய் தீபாவளி

2007-11-09T20:02:00.000-06:00

விஜய் தொலைக்காட்சியில் விஜய் பங்குபற்றிய தீபாவளி நிகழ்ச்சியின் ஒரு சிறு பகுதி.

சாலை

2007-11-01T18:28:00.000-06:00

தீபாவளி மேளா

2007-10-28T00:16:00.000-05:00

வின்னிபெக் கொன்வென்சன் நிலையம், மனிரொபா, கனடா.

27/10/2007

இது எந்த ஊர் பழக்கம்....

2007-10-17T19:22:00.000-05:00

இந்த படத்தில் உணவு பரிமாறப்பட்ட முறை எந்த பிரதேசத்துக்குரியது?

4

2007-10-17T19:16:00.000-05:00

Salmonella - உணவு மூலம் பரவும் நோயாக்கிகள் - 7

2007-09-28T19:27:00.001-05:00

1. உணவு மூலம் பரவும் நோயாக்கிகள்- 1 : அறிமுகம்
3.Listeria monocytogenes (லிஸ்ரிரியா மொனொசைற்றோஜீனஸ்) - உணவு மூலம் பரவும் நோயாக்கிகள் - 3

4. Escherichia coli O:157: H7 - உணவு மூலம் பரவும் நோயாக்கிகள் - 4

5. Yersinia enterocolitica - உணவு மூலம் பரவும் நோயாக்கிகள் - 5

6. Campylobacter: உணவு மூலம் பரவும் நோயாக்கிகள் - 6

7. Salmonella - உணவு மூலம் பரவும் நோயாகிகள் -7

படம் பெறப்பட்டது: www.fehd.gov.hk/.../library/salmonella/1.html

அண்மையில் கனடா நாட்டின் உணவு கட்டுப்பாட்டு நிறுவனம் மல்லி தூளில் Salmonella தொற்று/ மாசாக்கம் இருக்கலாம் என அறிவித்துள்ளதுடன், குறிப்பிட்ட மல்லி தூளை உற்பத்தி/ இறக்குமதி செய்யும் நிறுவனம் தொற்று/மாசாகம் அடைந்த தொகுதிகளை சந்தையில் இருந்து மீள பெறுவதாகவும் அறிவித்துள்ளது.

எனவே இந்த பக்றீரியா பற்றி சிறிது பார்ப்போம்.

இந்த பக்றீரியாவின் பெயரானது இதனை கண்டுபிடித்த அமெரிக்க விஞ்ஞானி Salmon என்பவரின் பெயரை கோண்டு உருவாக்கப்பட்டது. ஐக்கிய அமெரிக்காவில் வருடாந்தம் 40, 000 க்கு மேற்பட்டோரும், கனடாவில் 6000- 12000 பேரும் வருடாந்தம் இதன் தாக்கத்துக்கு உள்ளாவதாக அறியப்பட்டுள்ளது.

பல Salmonella வகைகள் இருந்ததலும் கீழே கொடுக்கப்பட்ட இரண்டும் உணவு மூலம் பரவுதலில் முக்கியமானவை.

1. Salmonella serotype Typhimurium
2. Salmonella serotype Enteritidis

எனைய இரண்டுவகை Salmonella க்கள்

Salmonella typhi
Salmonella paratyphi A, B, and C

மனிதரில் நெருப்பு காய்ச்சல் அல்லது தைபோயிட் (typhoid) காய்ச்சலை உருவாக்குபவை. இவை நீரின் மூல பரவுகிறன.

Salmonella பக்றீரியா கோழி,பன்றி பொன்றவற்றின் குடலில் இயற்கையாக காணப்படக்கூடிய ஒரு நுண்ணங்கியாகும். அத்துடன் இந்த பக்ற்ரீரியாக்கள் விலங்குகள் வளர்க்கும் சூழலிலும்
காணப்பட முடியும்.

பொதுவாக Salmonella அதிக அளவில் கோழி இறைச்சி, கோழி முட்டை போன்றவற்றின் மூலமே பரவுவதாக அறியப்பட்டு இருந்தாலும், ஏதாவது வகையில் ஏனைய உணவுகள் தொற்று ஏற்பட்ட கோழி/ மனிதருடன் தொடுகை அடைவதால் ஏனைய உணவு பொருட்களும் இந்த பக்ற்ரீயாவை காவ முடியும். தொற்று ஏற்பட்ட உணவு மூலம் மனிதருக்கும், தொற்று ஏற்பட்ட மனிதரில் இருந்து ஏனைய மனிதர்களுக்கும் பரவ முடியும். எனவே சமையலிடங்களில் தொற்று ஏற்பட்டவர்கள் அனுமதிக்கப்படக்கூடாது.

Salmonella பக்றீரியா தொற்றினால் ஏற்படும் நோய் சல்மொனெலோசிஸ் (Salmonellosis) என அழைக்கப்படும்.

நோய் அரும்பு காலம்: தொற்று ஏற்பட்டு 7- 72 மணி நேரங்கள்

இந்த நோயின் அறி குறிகள்: காய்ச்சல், வயிற்றோட்டம், வயிற்று நோ

நோய் நீடித்திருக்க கூடிய காலம்: 4-7 நாட்கள். பொதுவாக இந்த தொற்று எந்தவிதமான மருந்து சிகிச்சையும் இல்லாது குணமாககூடியது. ஆனால் சிறுவர்கள், கர்ப்பிணிகள், வயதானவர்கள் நோய் எதிர்ப்பு சக்தி குறைந்தவர்களுக்கு தொற்று ஏற்படும் போது அவதானமாக இருக்க வேண்டும். இவர்களால் இந்த தொற்றை எதிர்க்க முடியாத சந்தர்ப்பங்களில் இந்த பக்றீரியா சமிபாட்டு தொகுதி/ உணவு கால்வாயில் இருந்து குருதி சுற்றோட்டத்தொகுதியை அடைந்து உடல் முழுவதும் பரவலடைந்து கட்டுபடுத்த முடியாத நிலையை அடையலாம். எனவே தீவிரமான வயிற்று போக்கு/ குருதியுடன் கூடிய வயிற்றுபோக்கு ஏற்படும் போது நுண்ணுயிர்க்கொல்லி மூலம் சிகிச்சை அளிப்பது அத்தியாவசியமானது.

அதிக அளவில் பாதிக்கப்பட கூடியவர்கள்: சிறுவர்கள், வயதானவர்கள், கர்ப்பிணி பெண்கள், நிர்பீடன குறைபாடு/ நோய் எதிர்ப்பு சக்தி குறைவாக உள்ளவர்கள் (உதாரணம்- எயிட்ஸ் நோயளிகள்).

எவ்வாறு மனிதரில் தொற்று ஏற்படுகிறது:

ஏற்கனவே சொன்னது போல தொற்றுதலுக்கு உள்ளான கோழி, பன்றி, மற்றும் ஏனைய விலங்குக்களின் மலத்துடன் தொடுகையுற்ற உணவு பொருட்கள் குறிப்பாக கொழி இறைச்சி, முட்டை, பன்றி இறைச்சி என்பவற்றின் மூலம் பரவ முடியும். தொற்று ஏற்பட்ட உணவுகள் பொதுவாக வேறுபட்ட மணம், நிறம் ஆகியவற்றை கொண்டிருக்காது. பொதுவாக மரக்கறிகளும் விலங்கு கழிவுகள் உரமாக இடப்படும் சந்தர்ப்பங்களில், சரியாக சுத்தம் செய்யாதவிடத்து தொற்றுக்கு காரணமாக அமையலாம்.

தொற்றை தவிர்ப்பதுஎப்படி?

இது உயர் வெப்பதில் இறந்துவிடக்கூடிய பக்றீரியா ஆக இருப்பதால் உணவுகளை நன் கு சமைத்து உண்ணும் போது தொற்று ஏற்படும் சாத்தியம் மிக குறைவாகும்.

இறைச்சி சமைக்கும் போது இறைச்சியின் மைய பகுதி வெப்ப நிலை 72- 85 பாகை செல்சியசிலும் அதிகமாக இருக்க வேண்டும் என அறிவுறுத்தப்படுகிறது.

சமைக்காது உண்ணும் மரக்கறிகைளை நன்கு கழுவி சுத்தம் செய்த பின்னரே உண்ண வேண்டும்.

சமைக்கப்படாத இறைச்சி, சுத்தமாக்க படாத உணவுகளை கையாண்ட பின் சவர்காரம் இட்டு கையலம்பாது சமைத்த உணவுகளை கையாளுவதை தவிர்த்தால்.

தொற்றுக்கு உள்ளானவர்கள் சமையலறையில் நடமாடுவதை, சமையலில் ஈடுபடுவதை தவிர்த்தால்.

முட்டையினை நன்கு சமைத்து உண்ணல். பாதி அவிந்த நிலையில் உண்ணுவதை கர்ப்பிணி பெண்கள், சிறுவர், வயது முதிர்ந்தோர் தவித்தல் நல்லது.
முட்டை உருவாகும் சூலக பகுதியில் இந்த பக்றீரியா தொற்றியிருந்தால் முட்டையின் உட்பகுதியிலியே இந்த பக்றீரியா தொற்றுதல் அடைய கூடியது. இதனால் முட்டையினை வெளிப்புறம் கழுவுவதன் மூலம் மட்டும் இந்த பக்றீரியா நீக்கப்பட மாட்டாது.

உசாத்துணை
http://www.cfsan.fda.gov/~mow/chap1.html
http://www.cdc.gov/ncidod/dbmd/diseaseinfo/salmonellosis_g.htm
http://www.inspection.gc.ca/english/fssa/concen/cause/salmonellae.shtml
http://www.hc-sc.gc.ca/iyh-vsv/food-aliment/salmonella_e.html

கோர்வை

2007-09-23T09:06:00.000-05:00

ஒன்ராரியோ பிளேஸ், ரொரறான்ரோ, ஒன்ராரியோ, கனடா.
16/08/07

பல்வேறு அளவுடைய பீங்கன் கோப்பைகளையும்,கரண்டிகளையும் கொண்டு அமைக்கப்பட்ட சிற்பம்.

வதந்தி......

2007-09-22T22:53:00.000-05:00

மிக பிரபலமான பத்திரிகைகள் மிக பிரபலமான ஆய்வறிக்கைகளை எழுதி வெளியிடும் இன்றைய காலகட்டத்தில்.....

Boy meets world என்ற எனக்கு பிடித்த தொலைக்காட்சி நாடகத்தில் நடைபெற்ற புலநாய்வு அறிக்கை ஒன்று உங்கள் பார்வைக்கு. இது 20 நிமிட நாடகத்தின் முக்கிய காட்சிகளை வெட்டி கொத்தி தொகுத்தது.

லேபிள்: துப்பறியும் சம்புகள்

கானா பிரபாவுக்கு colourful ஆகா

2007-09-09T17:51:00.000-05:00

கானா பிரபா எப்பாவோ என்னுடைய பதிவை பார்த்து இது எப்படி சாத்தியம்..... என்ன பாயாசம் பச்சை பச்சையா இருக்கு எண்டு கேட்டிருந்தார். அப்போ சொல்லியிருந்தேன் பச்சை மட்டுமில்லை இன்னும் நிறைய நிறத்திலை இருக்கேண்டு.

அதுக்கு தான் இந்த பதிவு.

தேவையான பொருட்கள்

1. சவ்வரிசி - 100 கிராம்
(பச்சை, சிவப்பு, வெள்ளை நிறங்கள் கொண்ட கலவையாக தாய்லாந்து/ சீன கடைகளில் தேடி வாங்கிகொள்ளவும்)
2. சீனி/சர்க்கரை- சுவைக்கு ஏற்ப
3. பால் 1 லீற்றர்
4. திராட்சை வற்றல் - உங்கள் சுவை, விருப்பத்துக்கேற்ப அளவு
5. முந்திரிகை மருப்பு - உங்கள் சுவை விருப்பத்திற்கேற்ப அளவு
6. ஏலக்காய் 2-3
6. நெய்/ பட்டர்- 2 மேசைகரண்டி

செய்முறை

1. வாணலி/ தாய்ச்சி யில் சவ்வரிசியை மிதமான சூட்டில் வறுத்து எடுத்து கொள்ளவும்
2. வாணலியில் நேய்/ பட்டரை இட்டு உருகி கொதிக்க ஆரம்பித்ததும் திராட்சை வற்றல் முந்திரிகை பருப்பு எற்பவற்றை போட்டு பொரித்து எடுக்கவும். அத்துடன் ஏலக்காயையும் பொடித்து போட்டு வைத்து கொள்ளவும்.

3. அளவானா பாத்திரத்தில் பாலை இட்டு நன்கு கொதிக்க விடவும்
4. வறுத்து வைத்த சவ்வரிசியை கலந்து சவ்வரிசி அவிந்து நல்ல பெரிய உருண்டைகளாக (ஒளியை ஊடுபுகவிடும் நிலை வரை)வரும் வரை சமைக்கவும்

5. சுவைக்கேற்ப சீனி/ வெல்லம்/ சர்க்கரை சேர்த்து, நெய்யில் பொரித்து வைத்த திராட்சை வற்றல், முந்திரி பருப்பு, ஏலக்காய் என்பவற்றை இட்டு கலக்கிய பின் முடி அடுப்பை அணைத்துவிடவும்.

6.மென்சூடன நிலைக்கு வந்ததும் அளவான பத்திரத்தில் விட்டு குடிக்கவும்.

வல் மோரின் முருகன் கோவில்

2007-09-08T19:49:00.001-05:00

வல் மோரின்,கியுபெக், கனடா.
17/08/2007

Boy meets world

2007-09-05T18:02:00.000-05:00

படம் பெறப்பட்டது: ABC இணையத தளத்தில் இருந்து.

Boy meets world- பையனின் உலக தரிசனம்? அல்லது பையன் உலகை எதிர் கொள்ளல்? எப்படியோ மொழி பெயர்த்து கொள்ளுங்கள். ஐக்கிய அமெரிக்காவில் 1993 இல் இருந்து 2000 ஆண்டு வரை அமெரிக்க ஒளிபரப்பு கூட்டுத்தாபனத்தின் ஒளிபரப்பப் பட்ட ஒரு தொலைக்காட்சித் தொடர். மொத்தமாக 7 வெவ்வேறு பருவங்களாக(Seasons) மொத்தம் 158 அங்கங்களை (Episode ) கொண்டு வெளிவந்த நாடகத்தில் நகைசுவை தான் பிரதான விடயம்.
Cory Matthews (Ben Savage) எனும் பிரதான பாத்திரம், அவனது பிரியத்துக்குரிய நண்பன் - Shawn Hunter (Rider Strong), காதலி/ மனைவி Topanga Lawrence-Matthews (Danielle Fishel), மற்றும் பாடசாலை ஆசிரியர்/ அதிபர் (George Feeny- William Daniels) அன்பான அப்பா (Alan Matthews- William Russ), அம்மா (Amy Matthews- Betsy Randle), மற்றும் அண்ணன் (Eric Matthews- Will Friedle) ஆகிய பிரதான பாத்திரங்களும், இன்னும் பல துணைப் பாத்திரங்களையும் கொண்ட ஒரு பையனின் வாழ்க்கையை சொல்லும் கதை. பையனின் 11 வயதில் ஆரம்பிக்கும் கதை, பாடசாலை, கல்லூரி, அவனின் திருமணம், அதன் பின்னான சில வருடங்களையும், இறுதியில் சொந்த ஊரை பிரிந்து நியூ யோர்க நகருக்கு மனைவியின் வேலைக்காக அண்ணன், நண்பனுடன் செல்வதில் முடியும் வரை செல்வதாக இருந்தாலும் நான் முழுமையாக பார்த்தது என்னவோ முழுமையான முதல் 2 இரண்டு பருவங்களும், 3,4, 5 ஆம் பருவங்களில் இடையிடையே சில அங்கங்களையும் தான்.

அமெரிக்காவினதோ அல்லது ஏனைய மேலைத்தேயா நாடுகளினதோ பள்ளிகூட வாழ்க்கை அங்கு ஆசிரிய மாணவ உறவு, நண்பர்களுக்கிடையேயான நெருக்கம், சராசரி குடும்பத்தின் வாழ்கை, குடும்ப உறவுகளுக்கிடையேயான பாச பிணைப்புக்கள் எப்படி இருக்கும் என்பது பற்றிய எந்த முன்னறிவும் எனக்கு இல்லை. ஒரு நகைச்சுவை நாடகம் மக்களது வாழ்க்கை முறையை எந்தளவு தூரம் இயல்பாக பிரதிபலிக்கும் என சரியாக சொல்ல முடியாவிட்டாலும் இந்த தொடர் தொடர் பல சந்தர்பங்களில் நாடுகள் வேறுபட்டாலும் மனிதர்கள் அடிப்படை குணாதிசயங்கள் சிலவற்றில் ஒரே மாதிரியாக இருபார்கள் என்று யாரோ எப்போதோ சொன்னதை ஞாபகப்படுத்தியது.
அப்படியான சந்தர்பங்களை பட்டியலிட விரும்பினாலும் பதிவின் நீளத்தை அதிகரிக்க விரும்பாமையால் தவிர்த்துவிடுகிறேன்.

பையனின் பள்ளிகூட வாழ்க்கையிலும், குடும்ப வாழ்க்கையிலும் வந்து போகும் பல சம்பவங்கள் எங்களது (எனது) வாழ்க்கையிலும் ஏதோ ஒருவகையில் பொருத்திபார்க்கக்கூடியதாக இருந்தது. நல்ல பல செய்திகளையும் சொல்லியது. ஒருவர் வளரும் போது தெரிவுகள் எப்படி மாறுபடுகிறன என்பதும், நட்பு என்பது எவ்வாறு நிலைத்திருக்கிறது என்பதும் தெளிவாகவே சொல்லப்பட்டுள்ளது.

நான் பார்த்த 2 முழுமையான பருவங்களிலும், எனைய 3,4,5 ஆம் பருவங்களிலும் மிக நெருக்கமாக இன்பத்திலும் துன்பத்திலும் இணைபிரியாது இருக்கும் Cory, Shawn இருவரதும் நட்பின் நெருக்கம் எனக்கு மிகவும் பிடித்திருந்தது. அதே போல ஒரு தொடரான, நெருக்கமான நட்பை நான் அனுபவித்திருக்காவிட்டாலும் அவ்வப்போது நெருக்கமாக இருந்த நண்பர்களை, சில நேரம் நெருக்கமான நண்பர்களாக இருக்க வேண்டும், இணை பிரியாது இருக்க வேண்டும் என கற்பனை பண்ணியிருந்தாலும் போரும், புலம் பெயர்வும் அங்காங்கே பிரித்து போட்ட நண்பர்களை இந்த தொடர் நினைத்து பார்க்க வைத்தது.

பல சந்தர்பங்களில் பிரிந்து போன நண்பர்களுடன் கதைக்க வேண்டும் என நினைப்பு வரும் ஆனால் நாடுகளுக்கிடையேயான பாரிய நேர வேறுபாடுகள் பல சந்தர்பங்களில் நண்பர்களுடன் கதைக்கமுடியாது தள்ளிபோடவைத்து விடுகிறது. நீ, நான், நீர், நான் என கதைத்த நண்பர்களின் நெருக்கம் குறைந்து நீங்கள் என அழைத்து அறிமுகமற்ற அல்லது அதிகம் நெருக்கமற்ற யாருடனோ உரையாடுவது போன்ற இடைவெளியை போரும் அதன் விளைவான புலப்பெயர்வுகளும் தோற்றுவித்து வைத்துள்ளதை நினைத்து யாரை நோவது. தொலைபேசும் போது என்ன நீங்கள், நாங்கள் பழையபடி நீ, நான் என கதைக்க மாட்டியோ 17 வருடங்களின் பின் 2 ஆம்முறையாக தொலைபேசி மூலம் உரையாடிய நண்பன் கேட்கும் போது நீ என்ற வார்த்தையையே வாய் உச்சரிக்க மறுத்து நீங்களிலேயே சிக்கி கோண்டு நின்றதை என்ன வென்பது.

ஆசிரியர், மாணவருக்கிடையே இருக்கும் அன்னியோன்னிய உறவும், ஆசிரியர், மாணவர் எனும் மீறப்பட முடியாத கோட்டையும் சொல்லும் பல காட்சிகள் நாடகத்தில் இருந்தாலும் நாடகத்தின் நிறைவு பகுதியில் வருவதாக ( 7 ஆம் பருவத்தின் இறுதி அங்கம்- 6,7 ஆம் பருவங்களை இதுவரை பார்ததிலை) youtube இல் கிடைத்த காட்சி அதை மிக தெளிவாக சொல்வதாக நான் நினைக்கிறேன். அந்த காட்சியை கீழே இணைத்துள்ளேன். இன்றைய ஆசிரியர் தினத்தில் அந்த காட்சி உங்களுக்கு சில நேரம் எதும் ஒரு சேதியை அல்லது உங்கள் விருப்பத்திற்குரிய ஒரு ஆசிரியரிடம் தொடர்ந்து கற்க சந்தப்பம் கிடைக்காதா என எண்ண வைத்த சந்தர்ப்பம் ஒன்றை நினைவுபடுத்தலாம்.

இந்தளவுக்கு ஆசிரிய மாணவ நெருக்கம் எமது பாடசாலைகளில் கிடையாவிட்டாலும் எனது (எங்களது) பாடசாலையிலும் 6 ஆம் தரத்தில் இருந்து 10 ஆம் தரம் வரையும் வகுப்பாசிரியராக ஒருவரே இருந்த ஆசிரியை ஐ அனைத்து மாணவர்களும் அன்பாக, அம்மா என அழைக்கும் வகையில் மிக அன்பாக நடந்து கொண்டவர். அவர் மட்டுமல்ல இன்னும் பல ஆசிரியர்கள் எனது இன்றைய அடைகைக்கு அடித்தளாமிட்டவர்கள். யாரும் மறக்கப்பட முடியாதவர்கள். வாழும் வரை கூடவே வாரும் நினைவுகளில் அடிக்கடி வந்து போவர்கள்.

இறுதி அங்கத்தில் இரண்டு பாகங்களின் முதல் பகுதி கீழே

Boy meets world..... இறுதி அங்கத்தில் வரும் ஒரு காட்சியில் வரும் வரிகள்......

பிற்குறிப்பு: இணையத்தில் ஓசியில் ஆங்கில படம் பார்க்க கிடைக்கும் இணைய தளத்தில் எதேச்சையாக Boy எனும் சொல்லை போட்டு தேடிய போது தான் இந்த நாடகத்தை பார்க்க கூடிய இணைப்பு கண்ணில் அகப்பட்டது.

St. Josheph Oratory, Montreal

2007-09-01T17:23:00.000-05:00

St. Josheph Oratory, Montreal, Canada 17/08/07

இரவு நேர காட்சிகளை எனது கமராவால் சரியாக படம் பிடிக்க முடியாவிட்டாலும், அங்கு போன ஞாபகத்துக்கெண்டு எடுத்த சில படங்கள். (படங்களை பெரித்தாக்க படங்களில் அழுத்தவும்)

மேலதிக தகவல்களுக்கு....

யானை ( பொன்ஸ் அல்ல)

2007-08-27T21:24:00.000-05:00

நம்ம ஊரில பார்க்காத யானையா என்ன என யோசிக்கிறீர்களா? இவை கனடாவில் பார்த்த யானைகள்.

இடம்

06/08/2007 ஆபிரிக்கன் சபாரி, ஹாமில்டன், ஒன்ராரியோ, கனடா

தலையணை போட்டால் தான் படுப்பேன் என காத்திருந்த யானையும் இன்னும் பல யானை விளையாட்டுகளும்.....

இரசித்தவையும் இரசிக்க முடியாது போனவையும்

2007-08-26T10:16:00.000-05:00

90 கும் 95 க்கும் இடைப்பட்ட காலங்களில் ஈழத்தில் குறிப்பா யாழ்ப்பாணத்தில் நடந்த இசை நிகழ்ச்சிகள் பற்றி அந்த நேரத்தில் இருந்தாக்களுக்கு ஞாபகம் இருக்குமெண்டு நினைக்கிறன். மின்சாரமற்ற, பொருளாதார தடைகளுடன், ஹெலி (உலங்கு வானூர்தி), விமான குண்டுவீச்சுக்கள், இருந்தால் போல் பலாலி முகாமில் இருந்து ஏவப்படும் தொலைதூர எறிகணைகள் இவற்றுக்குள்ளும் எங்கட கோயில்களிலை திருவிழாக்கள் இரவிரவா நடக்கும். பள்ளிகூட திறந்த வெளி அரங்குகளிலை நாடகங்கள், சாந்தன், இராஜா, தமிழீழ், இசை குழுக்களின் இசை நிகழ்ச்சிகள் என அடிக்கடி ஏதாவது இரவிரவா நடக்கும். என்ன இரவிலை ஜெனரேற்றர்/ லைற் என்ஜின் போன்றவற்றில் இருந்து எடுக்கிற மின்சாரத்தை கொண்டு தான் கோயிலில் மின் விளக்குகள் ஒளிரும். இரவிலை ஹெலி சத்தம், அல்லது விமான இரைச்சல் கேட்டல் அனைத்து மின் விளக்குகளும் அணைக்கப்பட்டு கோயிலே இருட்டில் முழ்கும். ஆனாலும் அந்த திருவிழாக்கள் உணர்வு பூர்வமாகவும், எங்களை போல இருக்கிற பதின்ம வயது பொடியழுக்கு ரசிக்கத்தகவையாகவும் இருந்தன. அதிலும் கொடியேறி தீர்த்த திருவிழா முடிஞ்சு அடுத்த நாள் நடக்கும் பூங்கவன திருவிழா முழுக்க முழுக்க பொழுது போக்கு நிகழ்ச்சிகளை மட்டுமே கொண்டதா இருக்கும்.

பூங்கவனத்தண்டு சாமி ஒரு ஆறு அல்லது எழுமணியளவில் எழுந்தருளி வந்து வெளிலை அதுக்கென அமைக்கப்பட்ட பந்தல் ஒண்டிலை இருந்தாரெண்டால் அர்த்தன் நிகச்சி தொடங்க போகுதெண்டது தான்.

பூங்காவனத்திலை நடை பெறும் நிகழ்ச்சிகள் என பார்த்தால்

1. மேளச் சமா/ தவில் கச்சேரி

கோயில் வித்துவாங்கள்/ கத்துகுட்டிகள்
பஞ்சாபிகேசன் குழு,
நாகேந்திரன் குழு (பஞ்சாபிகேசனின் மகன்)
இன்னும் யாரும் பிரபலாமான ஒரு குழு

2. வில்லுப்பாட்டு

சின்னமணி குழுவினர் அல்லது
சிறிதேவி குழு?? ஒரு ஐயர் ஒராள் தான் பாடுவார் (பெயர் ஞாபகம் இல்லை)

3. இசை குழு

ஈழ நல்லூர் அருணா குழு
அல்லது வேறு யாராவது

என்னுடைய மாமா (அவர் கிறிஸ்தவ சமயத்தை சேர்ந்தவர்) யாழ்ப்பாணத்திலை இருந்து பூங்காவனம் பாக்க மட்டும் தான் வருவார் அதிலை அவருக்கு பிடிச்சது மேளச்சமா தான். ஆனா நாங்கள் பூங்காவனம் போறது வில்லுபாட்டு பாக்கவும், இசை நிகச்சி பாக்கவும் தான். ஆறு ஏழு மணிக்கே போடுவம். மேளச்சமாவை ஒழுங்கா பாக்கிறமோ இல்லையோ ஒழுங்கா கச்சானும், ஐஸ்கிறீமும் சாப்பிட்டு கொள்ளுவம். அதைவிட ஊர் கதை, எந்த பொடியன் யாரை சுத்துறான் எண்ட கதையள் பொக்கும் சில பேர் படுத்து நித்திரையா போவாங்கள் வில்லு பாட்டு தொடங்க எழுப்ப சொல்லி போட்டு. எப்பிடியும் அருணா குழுவின் பாட்டு தொடங்க விடியப்புறம் 3அல்லது 4 மணியாகும். முடிய விடிஞ்சிடும். ஆனாலும் முழு இரவும் நித்திரை கொள்ளாம கண் கொட்ட கொட்ட முழிச்சு கொண்டு இருப்பம்.

அதே போல எங்கட பள்ளிகூட மைதானத்திலை நடக்கிற நாடக நிகழ்வு, இசை நிகழ்ச்சி என எல்லத்தையும் தப்ப விடாம போய் இரவிரவா இருந்து பாப்பம்.

இந்தியனாமி போன உடன தேனிசை செல்லப்பாவினுடடய இசை கச்சேரி எல்லா ஊரிலையும் நடந்தது. எங்கட ஊரிலையும் நகரசபை மைதானத்திலை நடந்த நிகழ்ச்சிக்கு நானும் போன்னான். கரை கொள்ளாத சனம்.
தேனிசை செல்லப்பாவின் கணீர் என்ற குரல், அந்த மேடை எல்லாமே இன்றும் நிழல் போல நினைவில்.

அடுத்து ஒரு நாடகம் எங்கட ஊர் கலைஞர்கள் கொண்டு அரங்கேறியது. அதிலை ஒரு பாட்டு வரும்

தென்னங்கீற்றில் தென்றல் வந்து மோதும்
கன்னி மனம் மெல்ல மெல்ல மாறும்...

அதன் பிறகு நிறைய பாத்திருக்கிறன் எது எது என வரிசையா சொல்ல வராட்டிலும் ஞாபகத்தில் உள்ளதை சொல்லுறன்

முத்தமிழ் விழா எண்டு சொல்லி யாழ் குடா நாட்டின் முக்கியமான பிரிவுகளிலை 2 நாள் நிகவுகள் நடைபெற்றன. எங்கடை ஊரிலை நடந்த முதல் நாள் நிகழ்வுக்கு போய் இருந்தன். அதிலை காத்தவராயன் கூத்து , நாடகங்கள் என நிறைய நிகழ்ச்சிகள் நடந்திச்சு அதே நேரம் பலாலிலை இருந்து அடிச்ச எறிகணைகள் விழா நடந்த இடத்துக்கு கிட்ட விழுந்து வெடிச்சிச்சு. அதாலை இரண்டாம் நாள் நிகழ்ச்சிக்கு போகாமல் விட்டிட்டன். அதாலை ஒரு முக்கியமான சந்தர்ப்பம், யாருக்கும் இலகுவிலை கிடைக்காத வாய்ப்பு ஒண்டை தவற விட்டிட்டன்.

பிறகு எங்கட பள்ளி கூட திறந்த வெளியரங்கிலை
சந்தன காடு முக்கியமா ஞாபகம் இருக்கிற நாடகம் அத விட இன்னும் நிறைய நாடகங்களும் நடந்திச்சு அண்டு.
பிறகு சாந்தன் இசைகுழு?? , இராஜா இசை குழுவும் இணைஞ்சு போட்டிக்கு பாட்டு நிகழ்ச்சி ஒண்டு அதிலை சாந்தன் குழு ஒரு பாட்டு பாடினா அதுக்கு இணையா ஒரு பதில் பாட்ட இராஜா குழு பாடும்.

உதாரணமா பத்தமெண்டா இராஜா குழு வீட்டுக்கு வீடு வாசல் படி வேணும் எண்ட இளையராஜாவின் பாட்டை பாடிச்சினம் அதுக்கு போட்டியா சாந்தன் குழு ஒரு போட்டி பாட்டு பாடிச்சினம்.

அத விட தமிழீழ இசைகுழு என்ற போராளி கலைஞர்களின் இசை நிகழ்ச்சி எண்டு கனக்க நடந்திச்சு. ஒரு நிகச்சியை கூட தப்ப விட்டதில்லை. எப்பிடியும் ஒரு ஆறேழு பேரா சேர்ந்து தான் போவம். இரவு பசிக்கு வயிறு நிறைக்கிறது கச்சானும், ஐஸ்கிறீமும் தான்.

ஒரு நிகழ்ச்சிக்கு கூட போக பொறன் எண்டு கேக்க அப்பா அம்மா அனுமதி மறுத்ததில்லை அதே போல நிகழ்ச்சி முடிஞ்சு விடியப்பறம் 4 மணிக்கு கதவிலை தட்ட சினக்காம அப்பா/ அம்மா வந்து கேற்றை திறப்பினம்.

இராணுவ தாக்குதல் பயம், பொருளாதர தடைகள், எங்க போற எண்டாலும் சைக்கிள் தான். ஆனா அனைத்தையும் எம்மால் மனம் விட்டு இரசிக்க முடிந்தது.

காலம் 11/08-12/08/ 2007, இடம் மார்கம் பேயர் மைதானம், ஒன்ராரியோ, கனடா

எந்த வித உயிர் பயமும் அற்ற சூழல், இதமான மாலை நேரம். அங்கு ஹெலிக்கு உயிரை காக்க பனை மரத்தை சுற்றிய சம்பவங்களுக்கு பதிலா இஞ்சை ஹெலியிலேயே ஏறி ஒரு சவாரி போய் வர வசதியுடன் கூடிய ஒரு களியாட்ட நிகழ்வு இரண்டு நாட்கள் நடந்தது. இரண்டு நாட்களும் போய் இருந்தேன்.ஈழத்தை போல மைதானம் நிறைந்த சனக்கூட்டம்.

ஊரில் இருந்த காலத்தில் இலங்கை சர்வதேச வானோலியில் லலிதாவின் பாட்டுக்கு பாட்டு எனும் நிகழ்ச்சியில் அறிமுகமான பாட்டுக்கு பாட்டு நிகழ்ச்சி ஒன்று அந்த நிகழ்சியை செய்த அப்துல் ஹமித் இனாலேயே இங்குள்ள ஆக்களுக்காக நடாத்தப்பட்டது.

அதை விட தென்னிந்திய திரைப்பட பாடகர்கள் சிலருடன் சென்னை ரிதம்ஸ்??? குழுவின் இசை நிகச்சி,
நடன நிகச்சி... என பல. ஆனால் விளம்பரம் செய்த சன் ரிவி அசத்தபோவது யாரு குழுவினர் வந்து சேரவில்லை. வந்தவர்களில் பாதிப்பேர் அவர்களை பார்க்க வந்திருப்பார்கள் என நினைக்கிறன். இங்குள்ள இசை நிகழ்ச்சிகளின் ஒலியமைப்பு போல் ஈழத்தில் பார்த்த நிகழ்ச்சிகளில் ஒலியமைப்பு சீராக இருந்ததில்லை. அத்துடன் அங்கு சில நேரங்களில் அருணா குழு இசை நிகழ்ச்சியில் டிரம் வாத்திய ஒலி பாடலின் குரலையும் தாண்டி ஒலிக்கும்.

அத்துடன் பசி தீர்க்க விதம் விதமான ஈழத்து உணவு வகைகள் சுடச்சுட வாங்கி உண்ணும் வசதி.

கொத்துரொட்டி கடைகள்,

கரம் சுண்டல் கடைகள்
வள்ளி கிழங்கு அவியல்

அப்பம், தோசை இட்டலி
வறுத்த கச்சான்,
இடியப்பம்
கூழ்

இவற்றுடன் மேலைதேய உணவுகளான

பீஸ்ஸா, சூடான நாய் :) (Hot dog)

ஐஸ் கிறீம் கடைகள் அதிலும் யாழ்ப்பாண சுவை மாறாத எனும் விளம்பரத்துடன்

என பல உணவுகள்.

இருந்த போதும் இவற்றில் ஒன்றில் கூட என்மனம் இலயிக்கவில்லை. என்னக்கு அங்கு ஒருமணி நேரத்துக்கு மேல் நிற்க பிடிக்கவில்லை. எப்படா விட்டுக்கு போவன் எண்ட மாதிரி இருந்திச்சு. ஊரிலை இரவிரவா நிகழ்ச்சி பார்த்த எனக்கு இரவு 11 மணி வரையும் இருந்து பொறுமை காக்க முடியாமல் இரண்டு நாளும் பாதியிலேயே வெளியேறிவிட்டேன்.

ஏன் என்னால் இரசிக்க முடியவில்லை? காரணம் என்ன என யோசித்து யோசித்து பாக்கிறன்?

ஏன்?....

பள்ளிக்கூடம் போகலாம்- 1

2007-08-25T21:19:00.000-05:00

பள்ளிகூடம் ஒவ்வோருவரது வாழ்கையிலும் மறக்கமுடியாத அத்தியாயங்களை கொடுக்கும் உன்னதமான இடம். பள்ளிகூடம் படம்; சினேகா, நரேன், சீமான், தங்கர்பச்சன் ஆகியோரின் நடிப்பில் வெளிவந்திருக்கும் ஒரு பள்ளிகூடத்தின் கதையை மட்டுமல்ல, நட்பின் நெருக்கம், பள்ளி காதல் என பலதை சொல்லி சென்றுள்ளது. படத்தை பற்றிய விமர்சனங்களை பலரும் செய்துவிட்ட நிலையில் பள்ளிகூடம் படம் பற்றி நான் எதையும் நான் சொல்லப்போவதில்லை. இங்கு சொல்ல போவது எனது பள்ளிகூட நண்பர்களில் சிலர் பற்றிய ஞாபக குறிப்புக்கள்/ அல்லது ஞாபகத்தில் இருப்பவர்களை பெயரிடாமல் பட்டியலிடல் மற்றும் பள்ளிகூட வாழ்வில் நடந்த ஒரு சில சம்பவங்கள் பற்றிய ஒரு மீள் பார்வை மட்டுமே.

ஏற்கனவே நான் எழுதிய சில
1.குண்டு போட்டவர்கள் மீது விழுந்த குண்டு.....
2.ஆசிரியர்கள், பட்டம் சூட்டல், இன்ன பிற...
3. உயிர் பயத்தோடு கழிந்த ஒரு பாடசாலை நாள்

அடிக்கடி பழைய நண்பர்களை ஞாபகப்படுத்தி பார்த்தாலும் பலரோடு தொடர்பறுந்த நிலையில் பலர் எங்கு எந்த நாடுகளில் இருக்கிறார்கள் எதுவுமே தெரியாத நிலையில் நினைவுகளில் மட்டுமே பலரது நட்பு நிலைத்திருக்கிறது. இருந்த போதும் உயர்தர கல்வி வரை கற்ற பலரது நட்பு இன்றும் ஓரளவுக்கு நீடித்திருக்கிறது. அப்படி தொடர்பில் இருக்கும் நண்பர்கள் அனைவரும் செர்ந்து எமது பாடசாலை நண்பர்களின் குழுமம் ஒன்றை யாஹு வில் அமைத்திருந்தோம். அந்த குழுமத்தின் மூலம் எமது நட்பை தொடர்ந்து பேண முடிந்தது மட்டுமல்ல மனைவி, மற்றும் இரண்டு குழந்தைகள் முன் சுடப்பட்டு இறந்து போன நண்பனின் குழந்தைகளுக்காக ஒரு சிறுதொகையை சேர்த்து பிள்ளைகளின் பெயரில் வங்கி கணக்கில் இடும் முயற்சியில் வெற்றியும் பெற்றிருக்கிறோம். உலகம் முழுவதும் சிதறிப்போய் இருந்தாலும், எம்முடன் படித்த தோழனின் இழப்பின் துயரத்தில் இருக்கும் இன்னும் 30 களை கூட எட்டாது இரண்டு குழந்தைகளுடன் தனித்து விடப்பட்ட அவனது குடும்பத்துக்கு சிறிதளவாவது உதவுவதில் எல்லாரும் ஒன்றுபட்டோம் என்பதில் ஓரளவு திருப்தியும் ஏற்படுகிறது.

இந்த திருப்தியுடன் நினைவில் இருக்கும் பழைய நண்பர்களை பற்றி இனி...

புதிது புதிதாக பலர் நட்பு வட்டத்துக்குள் இணைந்தாலும் பள்ளிகூடங்களில் சிறிய வயதுகளில் ஒரே வாங்கில் அல்லது ஒரே வரிசையில் இருந்த நண்பர்கள் அடிக்கடி நினைவில் வந்து போவர்கள். அதிலும் வாங்கு எனும் போது இருக்கையும், எழுதும் பகுதியும் பிணைக்கப்பட்ட ஒரு வாங்கில் குறைந்தது 3 பேர் இருக்க கூடிய வாங்குகளில் ஒவ்வோருவரும் தமது பகுதி என அளவு கோல்/ அடி மட்டத்தால் அளந்து எல்லை பிரிப்பதும், அவரவர் பகுதிகளில் இருக்கும் அழுக்கை வீட்டில் அப்பா/ அண்ணா என யாரும் சவரம் செய்து மொட்டையாய் போன பிளேட்டை கொண்டு விறாண்டி/ சுரண்டி சுத்தம் செய்வதும், எமது சுந்தர நாமங்களை அதில் பல வண்ணங்களில் பொறிப்பதும் நடக்கும். அந்த எல்லையை தாண்டி மற்றைய நண்பனின் கொப்பி, புத்தகங்கள், அல்லது கையோ வந்தால் கூட சில நேரத்தில் முரண்பாடு வரும். இருந்த போதும் ஒரே வாங்கு நண்பர்களுக்கிடையே ஏற்படும் நெருக்கம் மற்றையவர்களோடு ஒப்பிடும் போது அதிகம் தான்.
அந்த வகையில் அடிக்கடி என் நினைவில் வந்து போகும் ஏதோ ஒரு விதத்தில் மிக நெருக்கமக இருந்த நண்பர்கள் சிலர் பற்றிய ஞாபக குறிப்புக்கள் (எல்லாரையும் பற்றி எழுத ஒரு பதிவு போதாது).

பாலர் பிரிவின் ஒரே வாங்கார்

பாலர் பிரிவு, முதல், இரண்டாம் வகுப்பு வரை என்னுடன் ஒரே வாங்கில் இருந்த இரு நண்பர்களை பிரிந்து பாட்சாலை மாறி போக வேண்டிய சந்தர்பம் ஏற்பட்டது. இருந்த போதும் அந்த இருவரது பெயரையும் இன்றும் மறக்க முடிவதில்லை. நான் எமது ஊரிலேயே இருக்கும் பிரபலமான பாடசாலைக்கு மாறி சென்றுவிட, அவர்கள் ஆண்டு 6 இல் புலமை பரீட்சையில் சித்தியடைந்து யாழ் இந்துகல்லூரிக்கு சென்றுவிட்டார்கள். இருந்த போதும் அவர்கள் இருவரில் ஒரு நண்பன் நாம் படித்த தனியார் (ரியூசன்) கல்வி நிறுவனத்துக்கு ஆண்டு 9 இல் இருந்து மீண்டும் வந்ததான் அதன் பிற்பாடு அவனது நட்பை மீண்டும் பேண முடிந்தது. அவன் தொடர்ந்து உயர்தர வகுப்பில் கணித பிரிவுக்கு எனது பாடசாலைக்கே வந்து விட்ட பின் அவனும் நானுமாக பாட்சாலை லியோ கழக பணிகளை இணைந்து செய்திருந்தோம். மீண்டும் 95 இடப்பெயர்வில் அவன் யாழ்குடா நாட்டை விட்டு வெளியேறி எங்கெங்கோ போய் சிங்கபூருக்கு கல்வி கற்க சென்று இப்போது சிங்கபூரிலேயே பணியேற்றியும் வருகிறான். அடிக்கடி இல்லாவிட்டாலும் இடையிடையே எம் எஸ் என் தூதர் மூலமும், தொலை பேசி மூலமும் தொடர்பை பேணிவருகிறோம். மற்றைய நண்பன் இப்போது ஐக்கிய இராச்சியத்தில் இருக்கிறான் என அறிந்திருந்தாலும் இதுவரை அவனுடன் எந்த தொடர்பும் இல்லை.

புதிய பாடசாலையில் ஒரு வாங்கார்

பின்னர் புதிய பாடசாலையில் மிண்டும் ஒரே வங்கு நட்பு என நால்வர் வந்து சேர்ந்தனர் அவர்களது நட்பும் அதிக காலம் நீடிக்க வில்லை. ஒரு நண்பன் கொக்குவில் இந்து கல்லூரிக்கு மாறி போய்விட , பாடசாலையில் ஆண்டு 6 க்கு வரும் போது நடைபெற்ற பரீட்சையின் அடிப்படையில் வகுப்புக்கள் கெட்டிகாரர், நடுத்தரம், கடை நிலை என வகுப்புக்கள் பிரிக்கப்பட்ட போது என்னுடன் இருந்தவர்கள் பலரும் ஏ வகுப்புக்கு போய் விட நான் மட்டும் பி பிரிவில் சேர்க்கப்பட்டேன். பின்னர் மீண்டும் எனது ஆண்டு 6 புள்ளிகளை பார்த்து என்னை மீண்டும் ஏ பிரிவில் சேர்த்த போது பழையவர்கள் வேறு புது நட்பு வட்டத்துக்கு போய்விட நான் இருந்த வரிசையில் இருந்து புதியவர்கள் சிலர் நட்பு வட்டத்துக்குள் இணைந்து கொண்டனர். அந்த வட்டத்தில் இருந்தவர்கள் நட்புக்கூட நெடு நாள் நீடிக்க வில்லை. என்னுடன் இருந்த ஒரு நண்பன் 89 களின் இறுதியில்/ 90 இன் ஆரம்பத்தில் மீண்டும் இலங்கை அரசுடன் பொர் வெடிக்கலாம் என்ற சூழ் நிலையில் ஒருவன் இந்தியாவுக்கு சென்று விட மற்றைய நண்பனும் தனது தாயார் மட்டகளப்பில் பணி நிமித்தம் இருப்பதால் அவருடன் இணைய செல்வதாக சென்றுவிட மீண்டும் புதியவர்கள் ஒரே வாங்கில் வந்து சேர்ந்தாலும் அதன் பின் நமக்கும் ஒரளவு வயதும் வந்துவிட்டதால் ஒரே வாங்கு நட்பை விட ஒரே ரியூசன், ஒத்த குணம் உடையோர் என நட்பு வட்டம் வேறுபட தொடங்கி இருந்தது.

இந்தியாவுக்கு சென்ற நண்பன் அடிக்கடி நினைவில் வந்து போவான். எப்படி இருக்கிறான், என்ன ஆனான் என கடந்த வருடம் வரை அறிய முடியவில்லை. இருந்தால் போல் ஒரு தொலைபேசி அழைப்பு வந்தது, தனது பெயரை சொல்லி ஞாபகம் இருக்கிறதா என கேட்ட போது அடைந்த மகிழ்ச்சிக்கு அளவே இல்லை. எனது தொலைபேசி இலக்கத்தை எமது பாடசாலை மாணவர் குழுமத்தில் பெற்று கொண்டதாகவும் கூறியிருந்தான். தான் இந்தியாவில் இருந்து கனடாவுக்கு புலம்பெயர்ந்த செய்தியையும் கூறினான். உண்மையில் மிகுந்த மகிழ்ச்சியாக இருந்தது.

மட்டக்களப்புக்கு சென்ற நண்பன் மீண்டும் பல்கலைக்கழகத்தில் கற்று கொண்டிருந்த போது அவனும் மருத்துவதுறைக்கு தெரிவாகி எனது பல்கலைக்கழகத்துக்கே வந்திருந்தான். நான் இருக்கும் முகவரியை அறிந்து என்னை தேடி வந்து ஆச்சரியப்படுத்தினான். இப்போதைய யுத்த சூழல் அவனை மீண்டும் எங்கு கொண்டு போய் சேர்த்துள்ளதோ தெரியவில்லை.

பள்ளிகூடம் போவோம் இன்னும் வரும்.....

நயன்தாரா ரசிகர்களுக்காக...

2007-08-25T20:56:00.000-05:00

சும்மா சொல்ல கூட்டாது எங்கட வலையுலக மக்கள் நயந்தாரா மீது வைத்திருக்கிற சொல்லோணாத பாசம் இந்த (நயகரா வில் பார்த்த "நயன்தாரா" ) பதிவை சூடாக்கி உச்சத்திலை வச்சது மட்டுமில்லம இந்த வாரம் சூடன பதிவுகளுக்கையும் கொண்டுவந்து வச்சிருக்கிறியள். அதுக்காக நயந்தாராக்கும், நயந்தரா ரசிக பெருமக்களான உங்களுக்கும் ஆயிரம் நன்றிகள். அந்த பதிவிலை நயந்ததராவை தேடி களைச்சு போன ரசிக பெருமக்களுக்காக நயன்தாரவின் படமும், பாட்டு காட்சிகள் சிலவும் பார்த்து ரசிச்சு தள்ளுங்க......

நயகரா வில் பார்த்த "நயன்தாரா"

2007-08-23T23:22:00.000-05:00

நயாகரா நீர்வீழ்ச்சிக்கு எனது பள்ளி தோழர்களுடன் 06/08/2007 போய் இருந்த போது எடுத்த படங்களும், சிறிய ஒரு வீடியோ காட்சியும்.

கனடா கந்தசாமி கோயில் தேர்- தூக்குக் காவடிகள்

2007-08-21T21:21:00.001-05:00

கனடா கந்தசாமி கோயில், ஸ்காபுரோ, ஒன்ராரியோ, கனடா. 11/08/07

காவடிகள்

தூக்குக்காவடிகள்.

நான்கு வாகனங்களில் தூக்கு காவடி கட்டி இருந்தார்கள். சிலதில் 2 பேரும் சிலதில் ஒருவரும் காவடி எடுத்திருந்தார்கள். ஊரில் உழவு இயந்திரங்களில் கட்டப்படும் தூக்குகாவடி இங்கு பிக்கப் வாகனங்களுக்கு மாறி இருந்தது.

யோகன் அண்ணா தூக்குகாவடி எடுப்பது கொஞ்சம் அதீதம்/ அதிகம் என்ற பொருள் பட மாயாவின் பதிவில் சொல்லி இருந்தார். எனக்கும் பார்க்கும் போது அவர்களுக்கு வலிக்காதா? வலியை எப்படி தாங்குகிறார்கள் என்றெல்லாம் யோசித்ததுண்டு/ யோசிப்பதுண்டு. நம்பிக்கை தானே வாழ்க்கை. எம்மால் பிரச்சனையை தீர்க்க முடியாது எனகருதும் நேரங்களில் கடவுள் நம்பிக்கை தான் மனதை ஆற்ற உதவுகிறது. வேண்டுதல்கள் பலவகைப்படலாம்; புலம் பெயரும் முயற்சி தடக்காதிருக்க, உறவுகள் நலமோடிருக்க, நோய் தீர, கைது செய்யப்பட்டவர் விடுதலையை எதிர் நோக்கி என பல.

ஊரிலும் பலர் தூக்கு காவடி எடுப்பது வழக்கம்.அதில் 3 பேருடைய நேர்த்திகடனுக்கடனுக்கான காரணங்களை அறிந்திருந்தமையால் அவர்கள் இருந்த நிலையில் அவர்களின் நம்பிக்கை சரி என்றே பட்டது.

1980 களின் இறுதி என நினைக்கிறேன் ஒருவர் மன்னார் பகுதில்/ எல்லது வேறெங்கோ சரியாக ஞாபகம் இல்லை. துப்பாக்கிசூட்டால் உடல் பகுதிகள் சல்லடையிடப்பட்டு உயிர் தப்புவதே அரிது என சொல்லப்பட்ட நிலையில் இருந்தார். உயிர் பிழைத்த பின் அயலில் உள்ள பிள்ளையார் கோயில் தேருக்கு தூக்குகாவடி எடுத்தார்.

மற்றவர்கள் இருவர், சகோதரர்கள் கைது செய்யப்பட்டு சிறை இருந்து வெளியே வந்த போது நம்மூர் கண்ணகி அம்மனுக்கு அண்ணன் துலாவில் தொங்க, தம்பி அவரது பழுவில் தூங்கிய படி காவடி எடுத்தார்கள். அவர்களது வேண்டுகைகள் நிறைவேறியது கடவுளால் என்பது அவர்களது நம்பிக்கை. அதை யாரும் குறைகூறவோ, பகுத்தறிவு கொண்டு எள்ளல் செய்யவோ முடியாதென்பதே எனது கருத்து.

கனடா கந்தசாமி கோயில் தேர்

2007-08-21T08:40:00.000-05:00

கனடா கந்தசாமி கோயில், ஸ்காபுரோ, ஒன்ராரியோ கனடா
11/08/2007

கோயிலில் திரண்டிருக்கும் மக்கள்

பிள்ளையாரின் தேர்

முருகனின் தேர்

இன்னும் வரும்