Tuesday, December 25, 2007

Clostridium botulinum - உணவு மூலம் பரவும் நோயாக்கிகள் -9

1. உணவு மூலம் பரவும் நோயாக்கிகள்- 1 : அறிமுகம்
3.Listeria monocytogenes (லிஸ்ரிரியா மொனொசைற்றோஜீனஸ்) - உணவு மூலம் பரவும் நோயாக்கிகள் - 3

4. Escherichia coli O:157: H7 - உணவு மூலம் பரவும் நோயாக்கிகள் - 4

5. Yersinia enterocolitica - உணவு மூலம் பரவும் நோயாக்கிகள் - 5

6. Campylobacter: உணவு மூலம் பரவும் நோயாக்கிகள் - 6


7. Salmonella - உணவு மூலம் பரவும் நோயாகிகள் -7


8. மாட்டு பைத்திய நோய் உணவு மூலம் பரவும் நோயாக்கிகள் -8


Clostridium botulinum - உணவு மூலம் பரவும் நோயாக்கிகள் -9

இதுவரை நாம் பார்த்த பக்றீரியா மூலம் பரவும் நோய்களும் சரி, இறுதியில் பார்த்த மாட்டு பைத்திய நோயும் சரி நோயை ஏற்படுத்துவதற்கு குறிப்பிட்ட பக்றீரியாவோ அல்லது பிரயோன் எனும் புரதமோ உடலினுள் உணவின் மூலம் உள்ளெடுக்கப்பட்டு உடல் பகுதிகளில் பல்கி பெருகி நோய் ஏற்பட காரணமாக அமைகிறன.

ஆனால் இவற்றிற்கு எல்லாம் வித்தியாசமாக

Clostridium botulinum எனும் பக்றீரியா உடலினுள் உணவு மூலம் சென்று பெருக்கமடைந்து நோய் ஏற்படுத்துவதிலும் பார்க்க, உணவு உள்ளெடுக்கப்பட முதலே உணவில் பெருக்கமடைந்து உணவில் போற்ருலினம் எனும் நச்சு பதார்ததை ( botulinum toxin) சுரக்கிறது. குறிப்பிட்ட நச்சு பொருள் ஒரு நரம்பு தொகுதியை தாக்கும் நச்சு பொருளாகும் (nerve poison அல்லது neurotoxin). இது உணவு மூலம் உடலை சென்றடைந்து நரம்பு தொகுதியை பாதிப்பதால் பக்கவாதம் (paralysis ) ஏற்பட காரணமாகிறது. இதனால் ஏற்படும் நோய் பொற்றுலிசம் (Botulism) என அழைக்கப்படுகிறது.



பொதுவாக இதன் தாக்கம் அல்லது பாதிப்பு அருமையாகவே அறியப்பட்டாலும், இதனால் ஏற்படும் பாதிப்பு ஏற்காவே கூறிய பக்றீரியா நோய்களை விட ஆபத்தானது.


நோய் அரும்பு காலம்:

உணவு மூலம் நஞ்சு உள்ளெடுக்கப்பட்டு நோய்க்கான அறிகுறி தெரிவதற்கு 12-36 மணித்தியாலங்கள் வரை செல்ல முடியும்.

நோய்க்கான அறிகுறிகள்:
vomiting - வாந்தி
nausea,
fatigue,
dizziness,
headache - தலைவலி
double vision - இரட்டை பார்வை/ பார்வை குழப்பம்
dryness in the throat and nose - தொண்டை மற்றும் மூக்கு உலர்ச்சி
respiratory failure - சுவாசதொகுதி செயல் இழப்பு
paralysis - பக்க வாதம்
death- சில நேரம் இறப்பு

இதன் பாதிப்போடு தொடர்புடைய உணவுகள்

இந்த பக்றீரியாவின் இயல்புகளை பார்த்தோம் என்றால்
இது காற்று இன்றிய அதாவது சுவாசத்துக்கு தேவையான ஒட்சிசன் குறைந்த, அமிலத்தன்மை குறைந்த ஊடகங்களில் இலகுவில் வளரும் தன்மை உடையது. அத்துடன் இயற்கை சூழலில் எங்கும் பரந்து காணப்பட கூடியது. இது spores எனும் அமைபை தோற்றுவித்து தகாத காலத்தை கழிக்க கூடியது. spores வெப்பத்தை தாங்க கூடியவை. எனவே சரியாக சமைக்கப்படாத உணவுகளில் spores இலகுவில் சாதாரணமான பக்றீரியாவாக மாற்றம் அடைந்து வளர்ச்சி அடைய கூடியது.

1. சரியான முறையில் தயாரிக்கப்படாத அமில தன்மை குறைந்த தகரத்தில் அடைக்கப்பட்ட உணவு பொருட்கள் -
உதாரணம்: சோளம், பீன்ஸ், காளான், spaghetti sauce, salmon
2. சரியாக சேமிக்கப்படாத அமில தன்மை குறைந்த பழச்சாறுகள்
உதாரணம்: கரட் சாறு
3. ham, sausage, lobster, and smoked and salted fish

இதை தவிர்ப்பது எவ்வாறு?

1. தகரத்தில் அடைக்கப்பட்ட உணவாயின், குறிப்பிட்ட தகர பொதியமைப்பில் வெடிப்பு, ஒழுக்கு, துரு, அமைப்பில் மாற்றம் என்பன உள்ளதா என அவதானித்து அவற்றை உணவுக்கு பயன் படுத்துவதை தவிர்த்தல்.

2. குறிப்பிட்ட நச்சு பொருள் வெப்பத்தில் அழிவடைய கூடியது. எனவே தகரத்தில் அடைத்த உணவு பொருட்களை குறைந்தது 10 நிமிடங்கள் 80 பாகை செல்சியசுக்கு மேல் சமைத்தல்
3. வீட்டில் தயாரிக்கும் அமில தன்மை குறைந்த உணவுகளை தகரத்தில் அடைக்கும் அல்லது எண்ணேயில் பாதுகாக்கும் போது எப்போதும் குளிரூட்டியில் வைத்திருத்தல், மற்றும் எண்ணேயில் சேமிக்கு உணவை 10 நாட்களுக்குள் பயன் படுத்தல் அவசியம்.


இவற்றை விட


குழந்தைகளில் Clostridium botulinum உணவு மூலம் உள்ளெடுக்கப்பட்டால் குடல் பகுதியில் பெருகி நச்சு பொருளை சுரப்பதால் infantile botulism எனும் நோயை ஏற்படுத்தக்கூடியது.

அத்துடன்

காயங்களில் ஏனைய பக்றீரியாக்களுடன் வளர்ந்து, நச்சு பொருளை சுரக்க கூடியது. குறிப்பிட்ட நச்சு பொருள் குருதி மூலம் உடலினுள் கடத்தப்பட்டு ஏற்படும் நோயை Wound botulism என்பர்.

Monday, December 24, 2007

மாட்டு பைத்திய நோய்- உணவு மூலம் பரவும் நோயாக்கிகள் - 8

1. உணவு மூலம் பரவும் நோயாக்கிகள்- 1 : அறிமுகம்
3.Listeria monocytogenes (லிஸ்ரிரியா மொனொசைற்றோஜீனஸ்) - உணவு மூலம் பரவும் நோயாக்கிகள் - 3

4. Escherichia coli O:157: H7 - உணவு மூலம் பரவும் நோயாக்கிகள் - 4

5. Yersinia enterocolitica - உணவு மூலம் பரவும் நோயாக்கிகள் - 5

6. Campylobacter: உணவு மூலம் பரவும் நோயாக்கிகள் - 6


7. Salmonella - உணவு மூலம் பரவும் நோயாகிகள் -7




மாட்டு பைத்திய நோய் உணவு மூலம் பரவும் நோயாக்கிகள் -8


மாட்டு பைத்திய நோய்? (Mad cow disease) என பொதுவாக அறியப்பட்ட நோயால் ஐக்கிய இராச்சியத்தின் மாட்டு இறைச்சி (beef) உற்பத்தி 1990 களில் மிகவும் பாதிப்புக்கு உள்ளானது உங்களில் பலருக்கு நினைவிருக்கலாம். இதனால் 2 மில்லியனுக்கும் மேற்பட்ட மாடுகள் பாதிக்கப்பட்டன. அதன்பிற்பாடு வட அமெரிக்க நாடுகளான கனடா, ஐக்கிய அமெரிக்கா உட்பட பல நாடுகளில் இதன் தாக்கம் அறியப்பட்டதுடன் மாட்டு இறைச்சி உற்பத்தியாளர்களுக்கு அதிக நட்டத்தையும் ஏற்படுத்தியது.

தற்போது இந்த நோய் கட்டுப்பாட்டுக்குள் கொண்டுவரப்பட்டதாக சொல்லப்பட்டாலும் அண்மையில் மீண்டும் கனடாவில் இதன் தாக்கம் 13 வயதான பசு மாடு ஒன்றில் கண்டுபிடிக்கப்பட்டதை அடுத்து ஐக்கிய அமெரிக்கா, ஜப்பான் உட்பட மேலும் பல நாடுகள் கனடாவின் மாட்டு இறைச்சியை இறக்குமதி செய்வதை தற்காலிகமாக நிறுத்தியுள்ளதாக தெரிவிக்கப்பட்டுள்ளது. இந்த நோய் கண்டுபிடிக்கப்பட்ட மாடு கனடாவில் மாடுகளுக்கு வழங்கும் தீவனங்கள் தொடர்பான கட்டுப்பாடுகள் வருவதற்கு முன்னர் பிறந்தது என சொல்லப்படுகிறது. (தீவனத்துக்கும் இந்த நோய்க்கும் என்ன தொடர்பு என நினைப்போர் தொடர்ந்து படியுங்கள்).



மாட்டு பைத்திய நோய் (Mad Cow Disease)

பொதுவாக மாட்டுப்பைத்திய நோய் என அழைக்கப்பட்டாலும் இதனை விஞ்ஞானத்தில் BSE (bovine spongiform encephalopathy) என்ற பெயரிலேயே அழைப்பர். இது மாடுகளின் மைய நரம்பு தொகுதியான மூளை, முண்ணான் போன்றவற்றை பட்டிப்படியாக பாதிக்கும் (neurological disorder) ஒரு நோயாகும். இந்த நொயை ஏற்படுத்துவது முன்னர் உணவு மூலம் பரவும் நோயாக்கிகள் என்ற பகுதிகளில் சொல்லப்பட்ட நோயாக்கிகள் போல உயிருள்ள ஒரு அங்கி (பக்றீரியா) அல்லாது இயல்பான அமைப்பில் இருந்து மாறுபட்ட பிரயோன் எனும் புரதம் ஆகும் (modified form prion protein).

இது எப்படி மாடுகளுக்கு பரவியிருக்க முடியும்?

எப்படி பரவியிருக்க முடியும் என்பதற்கான பதில் இன்னும் தெளிவாக கண்டறியப்படவில்லை. ஆனால் பொதுவாக தற்போது ஏற்றுக்கொள்ளப்பட்ட பரவல் மூலமாக

1. நோய் ஏற்பட்ட மாட்டின் எலும்பு மற்றும் இறைச்சியை கொண்ட மாட்டு தீவனங்கள் பயன்படுத்தப்பட்டமை
2. செம்மறி ஆட்டில் அறியப்பட்ட பிரயோன் நோய் பதிப்புக்கு உட்பட்ட(scrapie-infected) ஆடுகளில் இருந்து பெறப்பட்ட எலும்பு மற்றும் இறைச்சி தீவனத்தை மாட்டுக்கு பயன்படுத்தியமை

ஆகியன சொல்லப்படுகிறன.

இதற்கு மேலதிகமாக இன்னும் ஒரு கருத்து நிலவுகிறது. இந்த நோயானது இந்தியாவில் இருந்து இறக்குமதி செய்யப்பட்ட மாட்டு தீவனங்கள், உயிருள்ள விலங்கள் மூலம் பரவியிருக்கலாம் என்பதே.

அதிலும் இதைப்பற்றி ஆராய்ச்சி கட்டுரை ஒன்றை வெளியிட்ட பேராசிரியர் ஒருவர் சொல்லியிருப்பது இந்திய கலாச்சாரத்தின் ஒரு வழக்கமாக மனித உடல்களும் விலங்கு உடல்களும் ஆற்றில் வீசப்பட்டிருக்கலாம் என்றும் அவ்வாறு விசப்பட்டவற்றில் CJD எனும் நோய் தாக்கத்துக்குட்பட்ட மனித உடல்களும் விலங்கு உடல்களும் இருக்கலாம் என்றும், பின்னர் விலங்கு தீவனத்துக்காக எலும்பு சேகரிப்போர் அவற்றை சேகரித்து விலங்கு உணவு தயாரிப்புக்கு கொடுத்திருக்கலாம் என்றும் அந்த உணவு இறுதியில் ஐக்கிய இராச்சியத்தை அடைந்து நோய்க்கு காரணமாக இருக்கலாம் என்றும் கூறுகிறார்.

எது எப்படியிருந்தாலும் எலும்பு மற்றும் இறைச்சியை கொண்ட விலங்கு தீவனங்கள் இந்நோய் பரம்பலுக்கு முக்கிய காரணம் என்பதில் சந்தேகம் இல்லை.


நோயாக்கி


இந்த நோய் ஏற்படுத்தும் பிரயோன் (prion protein)புரதம் பற்றி அதிகம் அறியப்படவிட்டாலும் சாதாரண பிரயோன் புரத்தின் அமைப்பில் ஏற்பட்ட அமைப்பு மாற்றமே முக்கிய காரணம் என சொல்லப்படுகிறது.

இந்த புரதத்தின் அமைப்பில் ஏற்படும் அசாதாரண மாற்றம் காரணமாக
1. புரத்தை சமிபாடைய செய்யும் அல்லது நீர்பகுப்பு (Protein hydrolysis) நொதியங்கள் (enzymes) இலகுவில் இதைனை பிரிந்தழிய செய்வதில்லை
2. இதன் அமைப்பு காரணமாக அமில, காரங்களாலும் இலகுவில் இதனை அழிக்க முடிவதில்ல்லை
3. அசாதரணமான வெப்பத் தாங்கு திறன் காரணமாக இதனை சமைப்பதன் மூலம் அழிக்க முடியாது. அதே போல தகரத்தில் இறைச்சி அடைக்கும் செயல் முறை மூலமும் அழிக்க முடியாது. எனவே ஏனைய உயிருள்ள நுண்ணங்கி நோய்களை போல சமைத்து உண்ணுதல் என்பது இந்த நோயை கட்டுப்படுத்த உதவாது.



நோய் அரும்பு காலம்

இதன் நோய் அரும்பு காலம் 1-2 வருடங்களாகும். அதாவது நோய்க்காரணியான பிரயோன் புரத தொற்று ஏற்பட்டு அதன் அறிகுறிகள் தெரிய குறைந்தது 1-2 வருடங்களோ அல்லது அதற்கு மேலோ செல்லலாம்.


இதனால் மனிதனில் ஏற்படும்பாதிப்பு?

மனிதரில் Creutzfeldt-Jakob disease (CJD) எனும் பிரயோன் நோய் மூளையை பாதிப்பது அறியப்பட்டுள்ளது. இது ஒரு கடத்தப்படக்கூடிய மூளையை கடற்பஞ்சு (Sponge) போல மாற்றக்கூடிய ( spongy degeneration of the brain ) ஒரு நோய் ( Transmissible Spongiform Encephalopathy) ஆகும். இதனால் மூளை தனது செயற்பாட்டை படிப்படியாக இழக்கும்.




பட மூலம்: http://www.health.qld.gov.au




இதே போன்று ஐக்கிய இராச்சியத்தில் மாட்டு பைத்திய நோய் அறியப்பட்ட பிற்பாடு vCJD எனும் நோய்த்தாக்கம் அதிக அளவில் அறியப்பட்டது. இது மனிதரில் பரவ காரணம் மாட்டு பைத்திய நோய்க்கு(BSE) காரணமான பிரயோனாக இருக்கலாம் என கருதப்படுகிறது. ஆனால் இன்னும் பூரணமாக நிருபிக்கப்படவில்லை.vCJD தாக்கத்தால் கிட்டத்தட்ட 165 பேருக்கு மேல் மாட்டுபைத்திய நோய் அறியப்பட்ட பின் இறந்திருக்கிறார்கள்.

Sunday, December 23, 2007

இது எப்பிடி இருக்கு...

பொதுவாகவே கனடா குளிரான நாடு என சொல்லப்பட்டாலும், கனடாவில் நான் இருக்கும் பிரதேசம் மிகவும் குளிர் அதிகமான பிரதேசம். சில நேரங்களில் வெப்பநிலை காற்றின் தாக்கத்தால் -45 பாகை டிகிரி செல்சியஸ் வரை உணரப்படுவதுண்டு.

பொதுவாக நவம்பர் மாதத்தில் பனி பொழிவு ஆரம்பித்தால் அடுத்த வருடம் மார்ச் மாதம் இறுதி/ ஏப்பிரல் மாத ஆரம்பம் வரை வரை பனி உருகுவதில்லை.


இந்த வாருடம் சில படங்க்கள் எடுத்திருந்தேன். பார்த்து உங்கள் கருத்தை சொல்லுங்கள்.

































Sunday, December 16, 2007

என்னை தேடி காதல் என்ற வார்த்தை அனுப்பு



படம் பெறப்பட்டது : http://seen.evgenidinev.com


என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடும் முன் செய்தி அனுப்பு ஓ

என்னிடத்தில் தேக்கிவைத்த காதல் முழுதும் - உன்னிடத்தில்
கொண்டுவர தெரியவில்லை
காதல் அதை சொல்லுகின்ற வழி தெரிந்தால் சொல்லியனுப்பு ஓ

பூக்கள் உதிரும் சாலை வழியே பேசி செல்கிறேன்
மரங்கள் கூட நடப்பது போலே நினைத்து கோள்கிறேன்
கடிதம் ஒன்றில் கப்பல் செய்து மழையில் விடுகிறேன்
கனவில் மட்டும் காதல் செய்து இரவை கொல்கிறேன்

என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடும் முன் செய்தி அனுப்பு ஓ ஓ

(..........!)

யாரோ உன் காதலில் வாழ்வது
யாரோ உன் கனவினில் நிறைவது யாரோ
என் சலனங்கள் தீர்த்திட வாராயோ
ஏனோ என் இரவுகள் நீள்வது
ஏனோ ஒரு பகல் என சுடுவது
ஏனோ என் தனிமையின் அவஸ்தைகள் தீராதோ
காதல் தர நெஞ்சம் காத்து இருக்கு
காதலிக்க அங்கு நேரமில்லையா?
இலையை போல் என் இதயம்
தவறி விழுதே.....


என்னை தேடி காதல் என்ற வார்த்தை அனுப்பு
உன்னை தேடி வாழ்வின் மொத்த அர்த்தம் தருவேன்
செல்லரிக்கும் தனிமையில் செத்துவிடும் முன் செய்தி அனுப்பு ஓ ஓ

பூக்கள் உதிரும் சாலை வழியே நடந்து செல்கிறேன்
மரங்கள் கூட நடப்பது போலே நினைத்து கோள்கிறேன்






ennai thedi
kathal...




விஜய் ரீவி யில் ஒளிபரப்பாகும் காதலிக்க நேரமில்லை எனும் தொடர் நாடகத்தின் தொடக்க இசை.

பாடியவர்: ?
பாடலை எழுதியவர்: ?


காதலிக்க நேரமில்லை நாடகத்தில் திரைப்படங்கள் போலவே இடையிடையே பாடல்களையும் இணைத்து வருகிறார்கள்.

அவ்வாறு இடம் பெற்ற மேலும் ஒரு பாடல் காணொளியாக கீழே......









பிற்குறிப்பு: இதை பாத்திட்டு கானா பிரபா இவரும் "மாட்டிட்டார்" எண்டு விபரீதமா கற்பனை பண்ணி தனது உடம்பை கெடுத்துகொள்ள வேண்டாம் எண்டு அன்பாக கேட்டு கொள்கிறேன் :).

Tuesday, December 11, 2007

கணினிக்கு மரண சடங்கு.....

பழைய mainframe computer க்கு Jazz இசையுடன் ஒரு மரணசடங்கை நடாத்தி முடித்திருக்கிறார்கள். இந்த நிகழ்வை நேரில் பார்த்ததில்லை.


Thursday, November 29, 2007

சும்மா குளிருதில்ல....

ஒரு வாரமாக எங்கும் எதிலும் வெண்மை..... இனி 5 மாதத்துக்கு......































Friday, November 9, 2007

விஜய் தீபாவளி







விஜய் தொலைக்காட்சியில் விஜய் பங்குபற்றிய தீபாவளி நிகழ்ச்சியின் ஒரு சிறு பகுதி.

Thursday, November 1, 2007

சாலை




Sunday, October 28, 2007

தீபாவளி மேளா

வின்னிபெக் கொன்வென்சன் நிலையம், மனிரொபா, கனடா.

27/10/2007




























Wednesday, October 17, 2007

இது எந்த ஊர் பழக்கம்....

இந்த படத்தில் உணவு பரிமாறப்பட்ட முறை எந்த பிரதேசத்துக்குரியது?

4

Friday, September 28, 2007

Salmonella - உணவு மூலம் பரவும் நோயாக்கிகள் - 7

1. உணவு மூலம் பரவும் நோயாக்கிகள்- 1 : அறிமுகம்
3.Listeria monocytogenes (லிஸ்ரிரியா மொனொசைற்றோஜீனஸ்) - உணவு மூலம் பரவும் நோயாக்கிகள் - 3

4. Escherichia coli O:157: H7 - உணவு மூலம் பரவும் நோயாக்கிகள் - 4

5. Yersinia enterocolitica - உணவு மூலம் பரவும் நோயாக்கிகள் - 5

6. Campylobacter: உணவு மூலம் பரவும் நோயாக்கிகள் - 6



7. Salmonella - உணவு மூலம் பரவும் நோயாகிகள் -7




படம் பெறப்பட்டது: www.fehd.gov.hk/.../library/salmonella/1.html

அண்மையில் கனடா நாட்டின் உணவு கட்டுப்பாட்டு நிறுவனம் மல்லி தூளில் Salmonella தொற்று/ மாசாக்கம் இருக்கலாம் என அறிவித்துள்ளதுடன், குறிப்பிட்ட மல்லி தூளை உற்பத்தி/ இறக்குமதி செய்யும் நிறுவனம் தொற்று/மாசாகம் அடைந்த தொகுதிகளை சந்தையில் இருந்து மீள பெறுவதாகவும் அறிவித்துள்ளது.



எனவே இந்த பக்றீரியா பற்றி சிறிது பார்ப்போம்.


இந்த பக்றீரியாவின் பெயரானது இதனை கண்டுபிடித்த அமெரிக்க விஞ்ஞானி Salmon என்பவரின் பெயரை கோண்டு உருவாக்கப்பட்டது. ஐக்கிய அமெரிக்காவில் வருடாந்தம் 40, 000 க்கு மேற்பட்டோரும், கனடாவில் 6000- 12000 பேரும் வருடாந்தம் இதன் தாக்கத்துக்கு உள்ளாவதாக அறியப்பட்டுள்ளது.

பல Salmonella வகைகள் இருந்ததலும் கீழே கொடுக்கப்பட்ட இரண்டும் உணவு மூலம் பரவுதலில் முக்கியமானவை.

1. Salmonella serotype Typhimurium
2. Salmonella serotype Enteritidis


எனைய இரண்டுவகை Salmonella க்கள்

Salmonella typhi
Salmonella paratyphi A, B, and C


மனிதரில் நெருப்பு காய்ச்சல் அல்லது தைபோயிட் (typhoid) காய்ச்சலை உருவாக்குபவை. இவை நீரின் மூல பரவுகிறன.


Salmonella பக்றீரியா கோழி,பன்றி பொன்றவற்றின் குடலில் இயற்கையாக காணப்படக்கூடிய ஒரு நுண்ணங்கியாகும். அத்துடன் இந்த பக்ற்ரீரியாக்கள் விலங்குகள் வளர்க்கும் சூழலிலும்
காணப்பட முடியும்.

பொதுவாக Salmonella அதிக அளவில் கோழி இறைச்சி, கோழி முட்டை போன்றவற்றின் மூலமே பரவுவதாக அறியப்பட்டு இருந்தாலும், ஏதாவது வகையில் ஏனைய உணவுகள் தொற்று ஏற்பட்ட கோழி/ மனிதருடன் தொடுகை அடைவதால் ஏனைய உணவு பொருட்களும் இந்த பக்ற்ரீயாவை காவ முடியும். தொற்று ஏற்பட்ட உணவு மூலம் மனிதருக்கும், தொற்று ஏற்பட்ட மனிதரில் இருந்து ஏனைய மனிதர்களுக்கும் பரவ முடியும். எனவே சமையலிடங்களில் தொற்று ஏற்பட்டவர்கள் அனுமதிக்கப்படக்கூடாது.


Salmonella பக்றீரியா தொற்றினால் ஏற்படும் நோய் சல்மொனெலோசிஸ் (Salmonellosis) என அழைக்கப்படும்.

நோய் அரும்பு காலம்: தொற்று ஏற்பட்டு 7- 72 மணி நேரங்கள்

இந்த நோயின் அறி குறிகள்: காய்ச்சல், வயிற்றோட்டம், வயிற்று நோ

நோய் நீடித்திருக்க கூடிய காலம்: 4-7 நாட்கள். பொதுவாக இந்த தொற்று எந்தவிதமான மருந்து சிகிச்சையும் இல்லாது குணமாககூடியது. ஆனால் சிறுவர்கள், கர்ப்பிணிகள், வயதானவர்கள் நோய் எதிர்ப்பு சக்தி குறைந்தவர்களுக்கு தொற்று ஏற்படும் போது அவதானமாக இருக்க வேண்டும். இவர்களால் இந்த தொற்றை எதிர்க்க முடியாத சந்தர்ப்பங்களில் இந்த பக்றீரியா சமிபாட்டு தொகுதி/ உணவு கால்வாயில் இருந்து குருதி சுற்றோட்டத்தொகுதியை அடைந்து உடல் முழுவதும் பரவலடைந்து கட்டுபடுத்த முடியாத நிலையை அடையலாம். எனவே தீவிரமான வயிற்று போக்கு/ குருதியுடன் கூடிய வயிற்றுபோக்கு ஏற்படும் போது நுண்ணுயிர்க்கொல்லி மூலம் சிகிச்சை அளிப்பது அத்தியாவசியமானது.


அதிக அளவில் பாதிக்கப்பட கூடியவர்கள்: சிறுவர்கள், வயதானவர்கள், கர்ப்பிணி பெண்கள், நிர்பீடன குறைபாடு/ நோய் எதிர்ப்பு சக்தி குறைவாக உள்ளவர்கள் (உதாரணம்- எயிட்ஸ் நோயளிகள்).



எவ்வாறு மனிதரில் தொற்று ஏற்படுகிறது:

ஏற்கனவே சொன்னது போல தொற்றுதலுக்கு உள்ளான கோழி, பன்றி, மற்றும் ஏனைய விலங்குக்களின் மலத்துடன் தொடுகையுற்ற உணவு பொருட்கள் குறிப்பாக கொழி இறைச்சி, முட்டை, பன்றி இறைச்சி என்பவற்றின் மூலம் பரவ முடியும். தொற்று ஏற்பட்ட உணவுகள் பொதுவாக வேறுபட்ட மணம், நிறம் ஆகியவற்றை கொண்டிருக்காது. பொதுவாக மரக்கறிகளும் விலங்கு கழிவுகள் உரமாக இடப்படும் சந்தர்ப்பங்களில், சரியாக சுத்தம் செய்யாதவிடத்து தொற்றுக்கு காரணமாக அமையலாம்.

தொற்றை தவிர்ப்பதுஎப்படி?

இது உயர் வெப்பதில் இறந்துவிடக்கூடிய பக்றீரியா ஆக இருப்பதால் உணவுகளை நன் கு சமைத்து உண்ணும் போது தொற்று ஏற்படும் சாத்தியம் மிக குறைவாகும்.

இறைச்சி சமைக்கும் போது இறைச்சியின் மைய பகுதி வெப்ப நிலை 72- 85 பாகை செல்சியசிலும் அதிகமாக இருக்க வேண்டும் என அறிவுறுத்தப்படுகிறது.

சமைக்காது உண்ணும் மரக்கறிகைளை நன்கு கழுவி சுத்தம் செய்த பின்னரே உண்ண வேண்டும்.

சமைக்கப்படாத இறைச்சி, சுத்தமாக்க படாத உணவுகளை கையாண்ட பின் சவர்காரம் இட்டு கையலம்பாது சமைத்த உணவுகளை கையாளுவதை தவிர்த்தால்.

தொற்றுக்கு உள்ளானவர்கள் சமையலறையில் நடமாடுவதை, சமையலில் ஈடுபடுவதை தவிர்த்தால்.

முட்டையினை நன்கு சமைத்து உண்ணல். பாதி அவிந்த நிலையில் உண்ணுவதை கர்ப்பிணி பெண்கள், சிறுவர், வயது முதிர்ந்தோர் தவித்தல் நல்லது.
முட்டை உருவாகும் சூலக பகுதியில் இந்த பக்றீரியா தொற்றியிருந்தால் முட்டையின் உட்பகுதியிலியே இந்த பக்றீரியா தொற்றுதல் அடைய கூடியது. இதனால் முட்டையினை வெளிப்புறம் கழுவுவதன் மூலம் மட்டும் இந்த பக்றீரியா நீக்கப்பட மாட்டாது.

உசாத்துணை
http://www.cfsan.fda.gov/~mow/chap1.html
http://www.cdc.gov/ncidod/dbmd/diseaseinfo/salmonellosis_g.htm
http://www.inspection.gc.ca/english/fssa/concen/cause/salmonellae.shtml
http://www.hc-sc.gc.ca/iyh-vsv/food-aliment/salmonella_e.html

Sunday, September 23, 2007

கோர்வை

ஒன்ராரியோ பிளேஸ், ரொரறான்ரோ, ஒன்ராரியோ, கனடா.
16/08/07




பல்வேறு அளவுடைய பீங்கன் கோப்பைகளையும்,கரண்டிகளையும் கொண்டு அமைக்கப்பட்ட சிற்பம்.

Saturday, September 22, 2007

வதந்தி......

மிக பிரபலமான பத்திரிகைகள் மிக பிரபலமான ஆய்வறிக்கைகளை எழுதி வெளியிடும் இன்றைய காலகட்டத்தில்.....

Boy meets world என்ற எனக்கு பிடித்த தொலைக்காட்சி நாடகத்தில் நடைபெற்ற புலநாய்வு அறிக்கை ஒன்று உங்கள் பார்வைக்கு. இது 20 நிமிட நாடகத்தின் முக்கிய காட்சிகளை வெட்டி கொத்தி தொகுத்தது.




லேபிள்: துப்பறியும் சம்புகள்

Sunday, September 9, 2007

கானா பிரபாவுக்கு colourful ஆகா

கானா பிரபா எப்பாவோ என்னுடைய பதிவை பார்த்து இது எப்படி சாத்தியம்..... என்ன பாயாசம் பச்சை பச்சையா இருக்கு எண்டு கேட்டிருந்தார். அப்போ சொல்லியிருந்தேன் பச்சை மட்டுமில்லை இன்னும் நிறைய நிறத்திலை இருக்கேண்டு.

அதுக்கு தான் இந்த பதிவு.







தேவையான பொருட்கள்

1. சவ்வரிசி - 100 கிராம்
(பச்சை, சிவப்பு, வெள்ளை நிறங்கள் கொண்ட கலவையாக தாய்லாந்து/ சீன கடைகளில் தேடி வாங்கிகொள்ளவும்)
2. சீனி/சர்க்கரை- சுவைக்கு ஏற்ப
3. பால் 1 லீற்றர்
4. திராட்சை வற்றல் - உங்கள் சுவை, விருப்பத்துக்கேற்ப அளவு
5. முந்திரிகை மருப்பு - உங்கள் சுவை விருப்பத்திற்கேற்ப அளவு
6. ஏலக்காய் 2-3
6. நெய்/ பட்டர்- 2 மேசைகரண்டி


செய்முறை

1. வாணலி/ தாய்ச்சி யில் சவ்வரிசியை மிதமான சூட்டில் வறுத்து எடுத்து கொள்ளவும்
2. வாணலியில் நேய்/ பட்டரை இட்டு உருகி கொதிக்க ஆரம்பித்ததும் திராட்சை வற்றல் முந்திரிகை பருப்பு எற்பவற்றை போட்டு பொரித்து எடுக்கவும். அத்துடன் ஏலக்காயையும் பொடித்து போட்டு வைத்து கொள்ளவும்.

3. அளவானா பாத்திரத்தில் பாலை இட்டு நன்கு கொதிக்க விடவும்
4. வறுத்து வைத்த சவ்வரிசியை கலந்து சவ்வரிசி அவிந்து நல்ல பெரிய உருண்டைகளாக (ஒளியை ஊடுபுகவிடும் நிலை வரை)வரும் வரை சமைக்கவும்

5. சுவைக்கேற்ப சீனி/ வெல்லம்/ சர்க்கரை சேர்த்து, நெய்யில் பொரித்து வைத்த திராட்சை வற்றல், முந்திரி பருப்பு, ஏலக்காய் என்பவற்றை இட்டு கலக்கிய பின் முடி அடுப்பை அணைத்துவிடவும்.

6.மென்சூடன நிலைக்கு வந்ததும் அளவான பத்திரத்தில் விட்டு குடிக்கவும்.

Saturday, September 8, 2007

வல் மோரின் முருகன் கோவில்

வல் மோரின்,கியுபெக், கனடா.
17/08/2007










































Wednesday, September 5, 2007

Boy meets world



படம் பெறப்பட்டது: ABC இணையத தளத்தில் இருந்து.


Boy meets world- பையனின் உலக தரிசனம்? அல்லது பையன் உலகை எதிர் கொள்ளல்? எப்படியோ மொழி பெயர்த்து கொள்ளுங்கள். ஐக்கிய அமெரிக்காவில் 1993 இல் இருந்து 2000 ஆண்டு வரை அமெரிக்க ஒளிபரப்பு கூட்டுத்தாபனத்தின் ஒளிபரப்பப் பட்ட ஒரு தொலைக்காட்சித் தொடர். மொத்தமாக 7 வெவ்வேறு பருவங்களாக(Seasons) மொத்தம் 158 அங்கங்களை (Episode ) கொண்டு வெளிவந்த நாடகத்தில் நகைசுவை தான் பிரதான விடயம்.
Cory Matthews (Ben Savage) எனும் பிரதான பாத்திரம், அவனது பிரியத்துக்குரிய நண்பன் - Shawn Hunter (Rider Strong), காதலி/ மனைவி Topanga Lawrence-Matthews (Danielle Fishel), மற்றும் பாடசாலை ஆசிரியர்/ அதிபர் (George Feeny- William Daniels) அன்பான அப்பா (Alan Matthews- William Russ), அம்மா (Amy Matthews- Betsy Randle), மற்றும் அண்ணன் (Eric Matthews- Will Friedle) ஆகிய பிரதான பாத்திரங்களும், இன்னும் பல துணைப் பாத்திரங்களையும் கொண்ட ஒரு பையனின் வாழ்க்கையை சொல்லும் கதை. பையனின் 11 வயதில் ஆரம்பிக்கும் கதை, பாடசாலை, கல்லூரி, அவனின் திருமணம், அதன் பின்னான சில வருடங்களையும், இறுதியில் சொந்த ஊரை பிரிந்து நியூ யோர்க நகருக்கு மனைவியின் வேலைக்காக அண்ணன், நண்பனுடன் செல்வதில் முடியும் வரை செல்வதாக இருந்தாலும் நான் முழுமையாக பார்த்தது என்னவோ முழுமையான முதல் 2 இரண்டு பருவங்களும், 3,4, 5 ஆம் பருவங்களில் இடையிடையே சில அங்கங்களையும் தான்.

அமெரிக்காவினதோ அல்லது ஏனைய மேலைத்தேயா நாடுகளினதோ பள்ளிகூட வாழ்க்கை அங்கு ஆசிரிய மாணவ உறவு, நண்பர்களுக்கிடையேயான நெருக்கம், சராசரி குடும்பத்தின் வாழ்கை, குடும்ப உறவுகளுக்கிடையேயான பாச பிணைப்புக்கள் எப்படி இருக்கும் என்பது பற்றிய எந்த முன்னறிவும் எனக்கு இல்லை. ஒரு நகைச்சுவை நாடகம் மக்களது வாழ்க்கை முறையை எந்தளவு தூரம் இயல்பாக பிரதிபலிக்கும் என சரியாக சொல்ல முடியாவிட்டாலும் இந்த தொடர் தொடர் பல சந்தர்பங்களில் நாடுகள் வேறுபட்டாலும் மனிதர்கள் அடிப்படை குணாதிசயங்கள் சிலவற்றில் ஒரே மாதிரியாக இருபார்கள் என்று யாரோ எப்போதோ சொன்னதை ஞாபகப்படுத்தியது.
அப்படியான சந்தர்பங்களை பட்டியலிட விரும்பினாலும் பதிவின் நீளத்தை அதிகரிக்க விரும்பாமையால் தவிர்த்துவிடுகிறேன்.


பையனின் பள்ளிகூட வாழ்க்கையிலும், குடும்ப வாழ்க்கையிலும் வந்து போகும் பல சம்பவங்கள் எங்களது (எனது) வாழ்க்கையிலும் ஏதோ ஒருவகையில் பொருத்திபார்க்கக்கூடியதாக இருந்தது. நல்ல பல செய்திகளையும் சொல்லியது. ஒருவர் வளரும் போது தெரிவுகள் எப்படி மாறுபடுகிறன என்பதும், நட்பு என்பது எவ்வாறு நிலைத்திருக்கிறது என்பதும் தெளிவாகவே சொல்லப்பட்டுள்ளது.

நான் பார்த்த 2 முழுமையான பருவங்களிலும், எனைய 3,4,5 ஆம் பருவங்களிலும் மிக நெருக்கமாக இன்பத்திலும் துன்பத்திலும் இணைபிரியாது இருக்கும் Cory, Shawn இருவரதும் நட்பின் நெருக்கம் எனக்கு மிகவும் பிடித்திருந்தது. அதே போல ஒரு தொடரான, நெருக்கமான நட்பை நான் அனுபவித்திருக்காவிட்டாலும் அவ்வப்போது நெருக்கமாக இருந்த நண்பர்களை, சில நேரம் நெருக்கமான நண்பர்களாக இருக்க வேண்டும், இணை பிரியாது இருக்க வேண்டும் என கற்பனை பண்ணியிருந்தாலும் போரும், புலம் பெயர்வும் அங்காங்கே பிரித்து போட்ட நண்பர்களை இந்த தொடர் நினைத்து பார்க்க வைத்தது.

பல சந்தர்பங்களில் பிரிந்து போன நண்பர்களுடன் கதைக்க வேண்டும் என நினைப்பு வரும் ஆனால் நாடுகளுக்கிடையேயான பாரிய நேர வேறுபாடுகள் பல சந்தர்பங்களில் நண்பர்களுடன் கதைக்கமுடியாது தள்ளிபோடவைத்து விடுகிறது. நீ, நான், நீர், நான் என கதைத்த நண்பர்களின் நெருக்கம் குறைந்து நீங்கள் என அழைத்து அறிமுகமற்ற அல்லது அதிகம் நெருக்கமற்ற யாருடனோ உரையாடுவது போன்ற இடைவெளியை போரும் அதன் விளைவான புலப்பெயர்வுகளும் தோற்றுவித்து வைத்துள்ளதை நினைத்து யாரை நோவது. தொலைபேசும் போது என்ன நீங்கள், நாங்கள் பழையபடி நீ, நான் என கதைக்க மாட்டியோ 17 வருடங்களின் பின் 2 ஆம்முறையாக தொலைபேசி மூலம் உரையாடிய நண்பன் கேட்கும் போது நீ என்ற வார்த்தையையே வாய் உச்சரிக்க மறுத்து நீங்களிலேயே சிக்கி கோண்டு நின்றதை என்ன வென்பது.




ஆசிரியர், மாணவருக்கிடையே இருக்கும் அன்னியோன்னிய உறவும், ஆசிரியர், மாணவர் எனும் மீறப்பட முடியாத கோட்டையும் சொல்லும் பல காட்சிகள் நாடகத்தில் இருந்தாலும் நாடகத்தின் நிறைவு பகுதியில் வருவதாக ( 7 ஆம் பருவத்தின் இறுதி அங்கம்- 6,7 ஆம் பருவங்களை இதுவரை பார்ததிலை) youtube இல் கிடைத்த காட்சி அதை மிக தெளிவாக சொல்வதாக நான் நினைக்கிறேன். அந்த காட்சியை கீழே இணைத்துள்ளேன். இன்றைய ஆசிரியர் தினத்தில் அந்த காட்சி உங்களுக்கு சில நேரம் எதும் ஒரு சேதியை அல்லது உங்கள் விருப்பத்திற்குரிய ஒரு ஆசிரியரிடம் தொடர்ந்து கற்க சந்தப்பம் கிடைக்காதா என எண்ண வைத்த சந்தர்ப்பம் ஒன்றை நினைவுபடுத்தலாம்.




இந்தளவுக்கு ஆசிரிய மாணவ நெருக்கம் எமது பாடசாலைகளில் கிடையாவிட்டாலும் எனது (எங்களது) பாடசாலையிலும் 6 ஆம் தரத்தில் இருந்து 10 ஆம் தரம் வரையும் வகுப்பாசிரியராக ஒருவரே இருந்த ஆசிரியை ஐ அனைத்து மாணவர்களும் அன்பாக, அம்மா என அழைக்கும் வகையில் மிக அன்பாக நடந்து கொண்டவர். அவர் மட்டுமல்ல இன்னும் பல ஆசிரியர்கள் எனது இன்றைய அடைகைக்கு அடித்தளாமிட்டவர்கள். யாரும் மறக்கப்பட முடியாதவர்கள். வாழும் வரை கூடவே வாரும் நினைவுகளில் அடிக்கடி வந்து போவர்கள்.




இறுதி அங்கத்தில் இரண்டு பாகங்களின் முதல் பகுதி கீழே








Boy meets world..... இறுதி அங்கத்தில் வரும் ஒரு காட்சியில் வரும் வரிகள்......










பிற்குறிப்பு: இணையத்தில் ஓசியில் ஆங்கில படம் பார்க்க கிடைக்கும் இணைய தளத்தில் எதேச்சையாக Boy எனும் சொல்லை போட்டு தேடிய போது தான் இந்த நாடகத்தை பார்க்க கூடிய இணைப்பு கண்ணில் அகப்பட்டது.

Saturday, September 1, 2007

St. Josheph Oratory, Montreal

St. Josheph Oratory, Montreal, Canada 17/08/07

இரவு நேர காட்சிகளை எனது கமராவால் சரியாக படம் பிடிக்க முடியாவிட்டாலும், அங்கு போன ஞாபகத்துக்கெண்டு எடுத்த சில படங்கள். (படங்களை பெரித்தாக்க படங்களில் அழுத்தவும்)































மேலதிக தகவல்களுக்கு....